مِکاشفَه 19:4 - کتاب مقدس به زبان لکی - گویش مرکزی

⁴ ئو اَ بیس ئو چوار ریش‌اَسبیَ ئو اَ چوار موجود زِنیَ وَه رُیا کَتِن اَر زَمی ئو خدائونی عَبادت کِرد گه نیشتوئی اَررُی تخت، ئو موئِتو: «آمین. هَلِلویاه!»

مِکاشفَه 19:4 Iomraidhean Croise

مَتّی 28:20

ئو تیَلیمو دَن تاگَه کُل چیئَلی گه فِربونم‌ئون داینونَ، بارنَ جا. اِسگَه مِه کُلِ روژی تاگَه آخِر ایی دنیا هامَ گَرد هُمَه!»

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

اول قرنتیان 14:16

اَرّ هُنَ ناو، اَرّ تو وَه روحِ ووژِت شگِر خدا بِهِین، چطور کسی گه اژ ایی چیئِلَ خَوَر نِری وَه شگِر کِردِنِت بوشی، آمین؟ وخدی گه نِمَذانی چه موشین!

مِکاشفَه 15:7

اَسَه یَکی اژ اَ چوار موجود زِنیَ، هفت جُم طِلا پِر اژ خَضو خدای گه تا ابدالآباد زِنیَ، داءَ اَ هفت فریشدَه.

مِکاشفَه 19:1

دُما اَوَه، دَنگمی شنَفت اِجور قارَه جیَمیَت کَلِنگی اِنوم آسمو، گه موئِتو: «هَلِلویاه! نجاد ئو جِلال ئو قدِرت هِن خداءِ ایمِئَه،

مِکاشفَه 19:3

ئو گِلی‌تِر وِتو: «هَلِلویاه! تا ابدالآباد دوی اَژی هیزَمَگِرِتی.»

مِکاشفَه 19:6

اَسَه دَنگی اِجور قارَه جیَمیَت کَلِنگمی شنَفت، اِجور هوفَه آوَل فِرَه، ئو اِجور دَنگ کَلِنگ گِرِمهُرَل، گه موئِتی: «هَلِلویاه! اَرِیَگه خداون خداءِ ایمَه، اَ قادر مطلقَ، سِلطنتَ مِهِه.

مِکاشفَه 5:14

ئو اَ چوار موجود زِنیَ وِتو: «آمین»، ئو اَ ریش‌اَسبیِلَ وَه رُیا کَتن اَر زَمی ئو عَبادتو کِرد.