مِکاشفَه 19:16 - کتاب مقدس به زبان لکی - گویش مرکزی

¹⁶ ئو اَر قِ چوخا ئو رون او نُمی نُیسیاءَ: ’پاتِشاءِ پاتِشائَل ئو رب‌الارباب.‘

مِکاشفَه 19:16 Iomraidhean Croise

مَتّی 25:40

پاتِشا جوواو اونِلا مِ، موشی: ”حخیختاً، موشِم‌ئونتو، اَ چیئَه گه اَرِه یَکی اژ گُجَرتِرین بِرالِم کِردتو، اِراسی اَرِه مِنتو کِردیَ.“

اول تیموتائوس 6:15

گه خدا یَه اِ وخد دُریس ووژ وَه اَنجومَ مَرَسِنی، هَراَ خداءِ بِمارِکَ گه حکِمرو یَکونَه ئو شاءِ شائَل ئو رب الاربابَ.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 17:14

اونَل وَه‌گَرد وَرکَ موئنَ جنگ، ئو وَرک فائقَ ما اَرینو، اَرِیَگه او رب الارباب ئو پاتِشاءِ پاتِشائِلَ- ئو اونَلی گه هانِ گَرد، دَنگ بینَ ئو دیاری بینَ ئو وفادارِن.»

مِکاشفَه 2:17

«اَوَه گه گوش دیری بشتوئی گه روحِ خدا چَه موشیَ کلیسائَل. هر کی فائق بای، قِری اژ اَ ’مَنّا‘ قائم‌کَریا میَمی‌ئون ئو بَرد اِسبی‌ای میَمی‌ئون گه نُم تازه‌ی نُیسیاسی اَررُی، نُمی گه هُیچ‌کس نِمَذانتی مَر کسی گه مَسینِتی.