مِکاشفَه 18:23 - کتاب مقدس به زبان لکی - گویش مرکزی

²³ دیَر نُیر هُیچ چراخی اِنوم تو نِمَدَرشخی؛ دیَر دَنگ هُیچ بُئی ئو هُیچ ذُمای اِنوم تو، نِماءَ گوش. تاجرَل تو کَلِنگَل زَمی بین ئو وَه جادو تو کُل ملتَل اژ رئی اِرهاتِن.

مِکاشفَه 18:23 Iomraidhean Croise

کارَل رسولَل 8:11

اونَل اوُ قبول داشد، اَرِیَگه مِدت فِرِه بی گه وَه جادوگریَلی باعثَ موئیا مردِم بِلُجوئیو بای.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 17:2

گه پاتِشائَل زَمی وَه‌گَرد او زِنهائو کِرد ئو اونَلی گه لیزو گِرتیَس اَررُی زَمی اژ شِراو زِنها او مَس بینَ.»

مِکاشفَه 17:5

ئو اَررُی توئلی ایی نُم بِلُجوئیَ نُیسیائی: «بابِل کَلِنگ، دا ژِنَل خِراو ئو کفارت‌دارَل زَمی.»

مِکاشفَه 18:22

دیَر دَنگ سازِنَل چِنگ ئو لوتیَل هرگِس اژ تو نِماءَ گوش، ئو نه دَنگ سازِنَل نی ئو سُرنا. دیَر هُیچ صنعتگری اژ هُیچ صنعتی هرگِس اِنوم تو نِماوَ دی. ئو دیَر دَنگ هُیچ اَسیوی هرگِس اِنوم تو نِماءَ گوش؛

مِکاشفَه 18:3

اَرِیَگه کُل ملتَل اژ شِراو زِنهاکاری او، گه خَضو خداءَ ماری، خُرّو دا. ئو پاتِشائَل زَمی کُل زِنهائونَ گَرد کِرد، تاجرَل زَمی اژ تجمِلات فِرَه زِنِه‌ی او دولَمَنا بین.»

مِکاشفَه 18:9

ئو پاتِشائَل زَمی گه زِنهائونَ گَرد کِرد ئو وَه‌گَرد او اِ تجمِلات زِنِه‌یو کِرد، وخدی دوی سُتِنی بوئینِن، مَگیرِنی اَرِه ئو مَنیشِن اَرِه لورَلورَ مَهَنی.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 22:15

سگَل ئو جادوگرَل ئو زِنهاکارَل ئو آم‌کُشَل ئو بِت‌پِرَسَل ئو هر کی گه دِرو دوس دیری ئو اَنجومَ مِیتی، هانَ دِریر.

مِکاشفَه 22:5

ئو دیَر نِماوَ شو ئو اونَل هَوَجَه‌ئو نِمَکُوءَ نُیر چراخ یا هویَر، اَرِیَگه خداون خدا ماوَ نُیر اونَل، ئو اُوُ تا ابدالآباد سِلطنتَ مَهَن.

مِکاشفَه 6:15

اَسَه پاتِشائَل زَمی ئو آمَل سرشناس ئو حکِمرونَل ئو دولَمَنَل ئو زوردارَل، ئو کُل کس چه خُلُم چه آزاد، ووژون اِنوم مَرَل ئو اِنومجا کمر کویَل شاردونا.

مِکاشفَه 9:21

اونَل هَمیش اژ آم کُشتِن ئو جادوگری ئو بی‌عصمتی ئو دُزیَل ووژو توئه‌ئو نَهَرد.