مِکاشفَه 17:4 - کتاب مقدس به زبان لکی - گویش مرکزی

⁴ اَ ژِنَ کِراس سوئر ئو کاو اِوَر بیتی ئو وَه طِلا ئو جوواهیر ئو مِرواریَل اِررازیائی. جُم طِلایَ دَسا بیتی گه پِر اژ چیئَل کفارت‌دار ئو ناپاکیَل زِنها ووژ بی.

مِکاشفَه 17:4 Iomraidhean Croise

مِکاشفَه 14:8

ئو فریشدِه‌ی‌تِر، یانی دوئِمینِهَه، هاتَ تُرّ اوآ ئو وِتی: «رِمیا! بابِل کَلِنگ رِمیا! اَوَه گه شِراو زِنهاکاری ووژ گه خَضو خداءَ ماری، خُرونیَ کُل ملتَل.»

مِکاشفَه 18:12

یانی جنسَل طِلا ئو نُخِرَه ئو جاوواهیرَل ئو مِرواریَلو؛ کتون نازِک ئو پارچَه‌ل کاو ئو اوریشَم ئو حریر سوئرو؛ کُلِ جور چوئَل عطِردار ئو حاجَتَل عاج ئو حاجَتَل چوئین خیمتی ئو مس ئو آهِن ئو مَرمَرو،

مِکاشفَه 18:16

موشِن: «هِرّو، هِرّو! اِاِ شیَر کَلِنگ، گه کتونَل نازِک کاو ئو سوئرتِ وَر بی، وَه طِلا ئو جوواهیر ئو مِرواریَل اِررازیائین!

مِکاشفَه 19:2

اَرِیَگه داوریَلی حخَ ئو راسَ. اَرِیَگه اَر اَ ژَن خِراو کَلِنگَ داوری کِردیِ گه زمین وَه بی‌عصمتیَل ووژ فاسد کِردی، ئو خدا تقاص خوین خادمَل ووژ، اژ او سَنیِ.»

مِکاشفَه 21:21

ئو دوازَه دروازَه شیَر، دوازَه مِرواری بین، هر کُم اژ دروازَه‌ل یِه مِرواری بی. ئو مِدو شیَر اژ طِلا خالص بی ئو چُی شیشَه شفاف.

مِکاشفَه 9:21

اونَل هَمیش اژ آم کُشتِن ئو جادوگری ئو بی‌عصمتی ئو دُزیَل ووژو توئه‌ئو نَهَرد.