مِکاشفَه 17:14 - کتاب مقدس به زبان لکی - گویش مرکزی

¹⁴ اونَل وَه‌گَرد وَرکَ موئنَ جنگ، ئو وَرک فائقَ ما اَرینو، اَرِیَگه او رب الارباب ئو پاتِشاءِ پاتِشائِلَ- ئو اونَلی گه هانِ گَرد، دَنگ بینَ ئو دیاری بینَ ئو وفادارِن.»

مِکاشفَه 17:14 Iomraidhean Croise

مَتّی 22:14

اَرِیَگه کسَلی گه دَنگ بینَ فِرَه‌ن، مِنتائای کسَلی گه دیاری بینَ کَمِن.»

مَتّی 25:40

پاتِشا جوواو اونِلا مِ، موشی: ”حخیختاً، موشِم‌ئونتو، اَ چیئَه گه اَرِه یَکی اژ گُجَرتِرین بِرالِم کِردتو، اِراسی اَرِه مِنتو کِردیَ.“

مَتّی 28:18

اَسَه عیسی هاتِ وَر ئو وِتی‌ئونو: «کُل قدِرت‌واختیار اِنوم آسمون ئو زمینو داسَ مِه.

یوحنا 15:16

هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو.

رومیان 1:6

یَه اَرِه هُمِه‎‌یش هَس گه دَوَت بینونَ تاگَه هِن عیسی مسیح بوئینو؛

رومیان 8:30

ئو اونَلی گه وِرِکار مَیِّن کِردی، دَوَت‌یش کِردِنی؛ ئو اونَلی گه دَوَت کِردِنی، صالح‌یش وَه حساو آوِردِنی؛ ئو اونَلی گه صالح وَه حساو آوِردِنی، جِلال‌یش دانی.

رومیان 8:37

بلکِم وَه‌سونگَ او گه مِحبت کِردی اَر ایمَه، اِ کُل ایی چیئِلَ ایمَه سرتِر اژ کسَلی کیم گه فائق هاتِنَ.

اول قرنتیان 15:24

اِسَه آخِرزمونَ مَرَسی، یانی وخدی گه او دُما نابود کِردِن هر حکومتی ئو هر قدِرت‌واختیاری ئو هر قویَتی، پاتِشائیَ مِئَه دس خداءِ باوَه‌آ.

اول تیموتائوس 6:15

گه خدا یَه اِ وخد دُریس ووژ وَه اَنجومَ مَرَسِنی، هَراَ خداءِ بِمارِکَ گه حکِمرو یَکونَه ئو شاءِ شائَل ئو رب الاربابَ.

دوئِم تیموتائوس 2:4

هُیچ سروازی موقَع خِلمت، ووژ گرفدار کارَل زِنِه‌ی نِمِهِه، اَرِیَگه ها دُم یَه‌آ گه وَه دل کسی بو گه او گِرتیَسیَ خِلمت.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 11:7

هَریَگه اونَ شاتی ووژو تمومو کِرد، اَ جونور وَشیَ گه اژ چا هاویَه ماءَ دِریر، وَه‌‌گَردونَ مِهِئَه جنگ ئو فائقَ ما اَرینو، ئو مَکُشیو.

مِکاشفَه 16:14

اَرِیَگه یوئنَ روحَل مِلاکَتَلِن گه نشونَه‌ل ئو مُجِزَه‌ل اَنجومَ میَن ئو مَچِن اَرِه تک پاتِشائَل سِرُسَر دنیا تاگَه اونَل جیَم دَن اَرِه جنگ روژ کَلِنگ خداءِ قادرِ مطلق.

مِکاشفَه 2:10

اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.