مِکاشفَه 16:10 - کتاب مقدس به زبان لکی - گویش مرکزی

¹⁰ فریشدَه پنجِمینِهَه جُم ووژ رِشونی اَررُی تخت اَ جونور وَشیَ ئو تیَریکی هیال پاتِشائی او گِرتی‌اِرا. مردِم اژ زور ژُ، زوئو ووژونَ مَگِرتَ گَزَه.

مِکاشفَه 16:10 Iomraidhean Croise

مَتّی 13:42

ئو اونِلَ ماوژِن اِنوم کویرَه آگِر، جای گه گیری ئو دِنوریچَه هَس.

مَتّی 13:50

ئو اونِلَ ماوژِن اِنوم کویرَه آگِر، جای گه گیری ئو دِنوریچَه هَس.»

مَتّی 22:13

اَسَه پاتِشا وِتیَ خِلمتکارَل ووژ: ”دس ئو پا آبوئنِنی ئو باوژِنیَ دِریر اِنوم تیَریکی، جای گه گیری ئو دِنوریچَه هَس.“

مَتّی 24:51

ئو اِنومجا شیقا مِیتی، ئو ماوژِتیِ جاگَه ریاکارَل، جای گه گیری ئو دِنوریچَه هَس.

مَتّی 8:12

مِنتائای آیلَل ایی پاتِشائیَ ماوژِن اِنوم تیَریکی در، جای گه گیری ئو دِنوریچَه هَس.»

لوقا 13:28

اَسَه اَر اورَه مَگیرینون ئو ماینونِ دِنوریچَه، اَرِیَگه موئینینو ابراهیم ئو اسحاق ئو یعقوب ئو کُل پِخَمَرَل هان اِنوم پاتِشائی خدا، مِنتائای ووژتون اژ اورَه هاینونَ دِریر.

اول پطرس 2:17

عزّت بِنِن اَر کُل کس، بِرالتو دوس داشدوئی، زِلَتون اژ خدا بِچو ئو عزّت بِنِن اَر امپراطور روم.

مِکاشفَه 11:10

کسَلی گه لیزو گِرتیَس اَررُی زَمی اژ مِردِن اونَل خَوشالیَ مَهَن ئو جَشتَ مَگِرِن ئو اَرِه یَکتِری پیشکَشی کِلَ‌مَهَن؛ اَرِیَگه ایی دو نبوّت‌کَرَ اَرِه کسَلی گه لیزو گِرتیَس اَررُی زَمی، عذاو بینَ.

مِکاشفَه 11:2

مِنتائای کارتَ گَز کِردِن قِلا معبدا ناو، اَرِیَگه داونَسَ ملتَل، ئو اونَل چِل ئو دو مُنگ شیَر مقدّس اِ ژیر پاءَ مَتِلِنِن.

مِکاشفَه 11:8

ئو لَشَلون اِنوم مِدون اَ شیَر کَلِنگَ گه وَه لاپیچِکَ موشِنی‌ئون سُدوم ئو مصر مَمینی اَررُی زَمی؛ هَراَ جاءَ گه خداون اون‌یش، کیشیا اَر صلیب.

مِکاشفَه 17:17

اَرِیَگه خدا ناسی اِنوم دِلو گه خواس او بارنَ جا ئو هُم‌رِأ بوئنی تا قویَت سِلطنت ووژو بیَنَ دس اَ جونور وَشیا، تاگَه کلوم خدا وَه اَنجوم برَسی.

مِکاشفَه 17:9

«یوئنَ عقلی مِیتی گه حکمت داشدوئیتی. اَ هفت سِرَ، هفت کویِن گه اَ ژِنَ نیشتیَس اَررُیو. اونَل هَمیش هفت پاتِشان،

مِکاشفَه 18:2

وَه دَنگ پِرقدِرتی قارونی: «رِمیا! بابِل کَلِنگ رِمیا! بابِل اِسگَه بیَسَ جالیز مِلاکَتَل ئو جامال هر روحِ ناپاک، ئو لونَه هر مَل ناپاک ئو، جامال هر جونور وَشی ناپاک ئو تویک‌تیَلی.

مِکاشفَه 18:21

اَسَه فریشدَه زورداری، بَردی اِجور بَرد اَسیو قوئینی هیزداتی ئو آوشد اِنوم دریا ئو وِتی: «وَه ایی جورَ بابِل، اَ شیَر کَلِنگَ وَه زَوَردا، ماوژِنیِ هُاراِرا، تا دیَر هُیچ نشونی اَژی ناوتیَ دی.

مِکاشفَه 18:23

دیَر نُیر هُیچ چراخی اِنوم تو نِمَدَرشخی؛ دیَر دَنگ هُیچ بُئی ئو هُیچ ذُمای اِنوم تو، نِماءَ گوش. تاجرَل تو کَلِنگَل زَمی بین ئو وَه جادو تو کُل ملتَل اژ رئی اِرهاتِن.

مِکاشفَه 8:12

فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 9:2

او چا هاویَه واز کِردی، دوی‌ای اِجور دوی کویرَه کَلِنگی اَژی داءَ دِریر، هُنَ گه هویَر ئو آسمون اژ دوی چا تیَریکا بین.