مِکاشفَه 14:7 - کتاب مقدس به زبان لکی - گویش مرکزی

⁷ او وَه دَنگ کَلِنگ وِتی: «اژ خدا زِلَتو بِچو ئو جِلال دَنی، اَرِیَگه سات داوری رَسیَسی، ئو او عَبادت کَن گه آسمون ئو زمین ئو دریا ئو کیَنیَل آو خَلک کِردی.»

مِکاشفَه 14:7 Iomraidhean Croise

مَتّی 25:13

اِسَه حُواستو بو اَرِیَگه نه اژ اَ روژَ خَوَر دِرینو ئو نه اژ اَ ساتَ.

لوقا 17:18

آیا بِخِر اژ ایی خَریوَه، کسی‌تِر گِلانَهُاردی تاگَه خدا ستائشت کِ؟»

کارَل رسولَل 14:15

«اِاِ پیال، اَرِه‌چَه هُنَ مِهِینو؟ ایمِه‌یش چُی هُمَه اِنسونیم. ایمَه خَوَر خَوش پاتِشائی خدا مِیم‌ئونتو گه اژ ایی چیئَل باطلَ دس هیزدِینو ئو ویرِ خداءِ زِنی اِربِپِلینو گه آسمون ئو زمین ئو دریا ئو هر چیئی گه ها نومون‌اِر، خَلک کِردی.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

مِکاشفَه 11:13

ئو هَراَ ساتَ، بیَ زمی‌لرزَه کَلِنگی ئو یِه‌دیَهِم اژ شیَر رِمیا ئو هفت هزار نفر اِنوم اَ زمی‌لرزَه کُشِریان ئو باقی اونَل زِلَ‌تِراقا بین ئو خداءِ آسمونو جِلال دا.

مِکاشفَه 11:18

ملتَل آگِر اَژینو چی، مِنتائای خَضو تو هات، وخد داوری اَر مِردیَل رَسیَ، وخد رَسیَسی گه مِز بِینَ خادمَلِت، نبوّت‌کَرَل ئو ایمودارَل مسیح، هَمیش کسَلی گه عزّت نُمِت دیرِن، اژ کَلِنگ تا گُجَر، ئو کسَلی گه زمینو نابود کِردیَ، نابود کِین.»

مِکاشفَه 15:4

اِاِ خداون، کیَ گه زِلَه اژ تو نَچوتی، ئو نُم تو جِلال نِ؟ اَرِیَگه تو، ئو فَخَد تو، قدوسین. کُل ملتِلَ مان ئو اَرتَک تو عَبادتتَ مَهَن اَرِیَگه کارَل عادلونَه تو آشگارا بیَ.»

مِکاشفَه 16:9

ئو مردِم اژ زور گرما سُتِن ئو کِفِرو وِتَ نُم خدا گه اَر ایی بِلائِلَ قدِرت دیری، مِنتائای توئه‌ئو نَهَرد ئو اوُ جِلال نا.

مِکاشفَه 18:10

اژ ترس عذاوی گه اوءَ مَکیشی موسِنِ دویرا ئو موشِن: «هِرّو، هِرّو! اِاِ شیَر کَلِنگ، اِاِ بابِل، اِاِ شیَر زوردار! اَرِیَگه وَه ساتی داوری اَر تو هات!»

مِکاشفَه 18:17

اَرِیَگه وَه ساتی کُل ثرودِت چیَ وااِرا.» ئو کُل ناخدائَل کَشتی ئو کُل کسَلی گه وَه کَشتی سفرَ مَهَن، ئو مَلاوِنَل ئو کسَلی گه کارو ها دریااِر، هوسیانَ دویرا.

مِکاشفَه 18:19

ئو خاکو رِشون اَرسر ووژون‌اِرا ئو مَگیریان ئو مُووَئونَ ماوِرد ئو مَقارونو: «هِرّو، هِرّو! اَرِه شیَر کَلِنگ، شیَری گه کسَلی گه اِنوم دریا کَشتیو داشد کُل اژ ثرود او دولَمَنا بینَ، اِسگَه وَه ساتی رِمیاءَ هُار!

مِکاشفَه 19:5

اَسَه دَنگی اژ تختِهَه هات گه موئِتی: «شگِر خداءِ ایمَه بِهَن، اِاِ کُل خادمَل او، اِاِ کسَلی گه اَژی زِلَتونَ مَچو، اژ کَلِنگ ئو گُجَر!»

مِکاشفَه 4:11

«اِاِ خداون، خداءِ ایمَه، تو لائقین گه جِلال ئو عزّت ئو قدِرت پیشکَش بو اَرینِت، اَرِیَگه تو کُل چیئِت خَلک کِرد، ئو کُل چی وَه خواس تو وِجود گِرتی ئو خَلک بی.»

مِکاشفَه 4:9

ئو هرگِل گه اَ موجودَل زِنیَ، جِلال ئو عزّتَ میَن ئو شگِر اوءَ مَهَن گه نیشتیَس اَرسر تخت، گه تا ابدالآباد زِنیَ،

مِکاشفَه 8:10

فریشدَه سِئِمینِهَه پِف کِردی اِنوم شِپورِهِه، ئو آسارَه کَلِنگی اِجور چُمَت گُرگِرتی اژ آسمو کَت اَررُی یِه‌سِئِم اژ رووئَل ئو کیَنیَل آو.