مِکاشفَه 14:6 - کتاب مقدس به زبان لکی - گویش مرکزی

⁶ اَسَه فریشدِه‌‌‌ی‌تِرِم دی گه اَر نومجا آسمو بالَ مَگِرتی ئو انجیل ابدی‌ایَ بی بیتی تا اِلوم کِیتی اَر کسَلی گه لیزو گِرتیَس اَررُی زَمی، ئو اَر هر ملت ئو طائفَه ئو زوئون ئو قوم.

مِکاشفَه 14:6 Iomraidhean Croise

مَتّی 10:27

اَ چیئَه گه اِنوم تیَریکی وِتم‌ئونتو، اِنوم روشتایی بوشِنیا ئو اَ چیئَه گه بِن‌گوشیَ مَشتوئینو، اَرسر بُنَل اِلوم کَنی.

مَرقُس 16:15

اَسَه وِتیَ بینو: «بِچِن اَرِه سِرُسَر دنیا ئو ایی خَوَر خَوش انجیلَ اِلوم کَن اَر کُل مردِم دنیا.

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

کولُسیَل 1:23

اَرّ هُمَه سفدِسخد ئو پایار بِمینینون‌ اَرسر ایمونتو ئو اژ امید انجیلی گه شنَفتِتونَ تَکو نیرینو، هَراَ انجیلی گه اِنوم تموم خلقت ژیر آسمو اِلوم بیَ، ئو مِه، پولُس، بیمَسَ خادم اَوَه.

دوئِم تِسالونیکیَل 2:16

اِسگَه خداونمو عیسی مسیح ووژ، ئو خدا، باوَه آسمونیمو گه ایمَه دوس داشدی ئو وَه فیض ووژ دلگُوئی ابدی ئو امید خو بَشخیتیَ بینمو،

عِبرانیَل 13:20

اِسگَه، خداءِ صُئل‌وسِلامتی گه شوئون اعظم کاوِرَل یانی خداونمو عیسی، وَه خوین عَت ابدی اژ مِردیَل زِنیا کِردی،

اول پطرس 1:25

مِنتائای کلوم خدا تا ابدَ مَمینی.» ئو یَسَ اَ کلومی گه بشارتو داءَ هُمَه.

مِکاشفَه 10:11

اَسَه وِتون‌ئونِم: «تو باس هَنی اِبارَه قومَل ئو ملتَل ئو زوئونَل ئو پاتِشائَل فِرِه نبوّت بِهِین.»

مِکاشفَه 10:7

بلکِم اِ اَ روژِلَ گه فریشدَه هفتِمینِهَه دَنگ شِپور اِرباری، راز خدا تمومِ‌کمال اَنجومَ مَگِری، هَرهُنَ گه اَر خادمَل ووژ، یانی نبوّت‌کَرَل، اِلوم کِردی.

مِکاشفَه 13:7

هَمیش صِلائو دائون گه وَه‌گَرد ایمودارَل مسیح جنگ بِهِه ئو فائق با اَرینو؛ ئو قدِرت‌واختیارو دائون تاگَه حکِمرو هر طائفَه ئو قوم ئو زوئون ئو ملت بو.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛

مِکاشفَه 8:13

اَسَه مِه سِیلِم کِرد، ئو شنَفتِم دالی هُنَ گه اِنومجا آسمو بالَ مَگِرتی وَه دَنگ کَلِنگَ موئِتی: «هِرّو، هِرّو، هِرّو اَرِه مردِم رُی زَمی، اَرِیَگه وخدَ دَنگ شِپورَل اَ سه فریشدَه‌ل‌ِتِرَ بااِر.»