مِکاشفَه 14:13 - کتاب مقدس به زبان لکی - گویش مرکزی

¹³ اَسَه دَنگمی اژ آسمو شنَفت گه موئِتی: «بِنُیسِن: خَوزگالَ کسَلی گه اَژیرِ دُما اِنوم خداونَ مَمِرِن.» ئو روحِ خدا وِتی: «اَاَ، خَوزگالَ اَرینو، اونَل اژ جُورَلو سِتارونَ مَگِری، اَرِیَگه کارَلو وَه دُم سرونا مای!»

مِکاشفَه 14:13 Iomraidhean Croise

مَتّی 3:17

اَسَه دَنگی اژ آسمو هات گه «یَسَ کُر عزیزگرامیم گه فِرَه وَه دل مِنَ.»

لوقا 16:25

مِنتائای ابراهیم جوواوا داتی: ”اِاِ رولَه، بارَ ویرِت گه اِنوم زِنِه‌یت، چیئَل خوتی داشد، ئو چیئَل گَن بیَ نَصُی ایلعازَر. اِسگَه او اَر ایرَه ها آسائشت‌اِر ئو تو هاینِ عذاواِر.

لوقا 16:9

موشِم‌ئونتو گه مالِ‌منال فاسد ایی دنیاءَ اَرِه یَه خرج بِهَن گه رِقیفَلی بِهِینونَ دی تا وخدی گه اژ اَ ثرودَ چیئی نَمَن، اِنوم مالَل ابدی بِیلِنتونِ گِرد.

رومیان 14:8

اَرِیَگه اَرّ زِنِه‌ی بِهِیم، اَرِه خداون زِنِه‌یَ مِهِیم، ئو اَرّ بِمِریم، اَرِه خداونَ مَمِریم، اِسَه چه زِنِه‌ی بِهِیم چه بِمِریم، هِن خداونیم.

اول قرنتیان 15:18

اِسَه اَ ایمودارَل مسیحَ گه حیوَتِنَ، اژ بِن چِنَ.

اول قرنتیان 15:20

مِنتائای مسیح اِراسی اژ مِردیَل زِنیا بیَ ئو نوبر کسَلی کَ گه حیوَتِنَ.

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

دوئِم قُرَنتیان 5:8

اَاَ، جسوریم، ئو ایمَه یَه بیتِرَ مَذانیم گه اژ ایی لارَ دویر بوئیمو ئو اَرتَک خداون مالمو داشدوئی.

فیلیپیَل 2:17

جُ‌جُ اَرّ لازم بو خوین مِه اِجور شِراوی گه وَخم بیَ، بِرِشی‌ اَر رُی پیشکَشی قُرونی ایمو هُمَه، خَوشالِم ئو وَه‌گَرد کُل هُمَه خَوشیَ مَهَم.

اول تِسالونیکیَل 4:14

اَرِیَگه اَرّ ایمَه ایمو دیریم گه عیسی مِرد ئو اِدوارَه زِنیا بی، اِسَه هَرِ ایی جورَ خدا ایمودارَلی گه مِردِنَ، وَه‌گَرد او اِرَمَگیردِنی.

اول تِسالونیکیَل 4:16

اَرِیَگه خداون ووژ وَه حکمی گه وَه قارَه کَلِنگ، وَه دَنگ رِئیس فریشدَه‌ل ئو دَنگ شِپور خدا، اژ آسمونَ ماءَ هُار. ئو اول‌بار مِردیَل اِنوم مسیح، هیزَمَگِرِن.

اول تِسالونیکیَل 5:10

گه وَه خاطر ایمَه مِرد، تاگَه چه زِنی بوئیم چه مِردی، وَه‌گَرد او زِنِه‌ی بِهِیم.

اول تیموتائوس 5:24

بِری گنائَلو دیارَ ئو وِر اژ ووژو مَچو اَرِه داوری، مِنتائای گنائَل بِری‌تِر دُماتِرَ مَکُوءِ دِریر.

اول تیموتائوس 5:25

هَرهُنَ، کارَل خو دیارِن ئو جُ‌جُ اونَلی گه دیار نیِن، نِماو بشاریونا.

مِکاشفَه 1:11

گه موئِتی: «اَ چیئَه گه موئینین بِنُیسِن اِنوم کِتاوی ئو کِل‌کَ اَرِه هفت کلیسا اَفِسُس، اِسمیرنا، پِرگاموم، تیاتیرا، ساردِس، فیلادِلفیَه ئو لائودیکیَه.»

مِکاشفَه 10:4

ئو وخدی اَ هفت گِرِمهُرَ هاتِنِ قصَه، مِئستِم بِنُیسِنِم؛ مِنتائای دَنگمی اژ آسمو شنَفت گه موئِتی: «اَ چیئَه گه اَ هفت گِرِمهُرَ وِتونَ، میرِموم کَ ئو نَنُیسِن.»

مِکاشفَه 11:15

اَسَه فریشدَه هفتِمینِهَه پِف کِردی اِنوم شِپورِهِه؛ ئو دَنگَل کَلِنگی اِ آسمو بین گه موئِتو: «پاتِشائی دنیا، بیَسَ هِن خداون ایمَه، ئو مسیحِ او. ئو او تا ابدالآباد سِلطنتَ مِهِه.»

مِکاشفَه 11:19

اَسَه معبد خدا اِنوم آسمو واز بی؛ ئو صَنُق عَت خدا اِنوم معبد او دیارا بی؛ ئو بیَ تَش‌بریقَل ئو گِرِمَل ئو گِرِمهُرَل ئو زمی‌لرزَه ئو توئِرگ سخد.

مِکاشفَه 16:17

فریشدَه هفتِمینِهَه جُم ووژ پِشکونیِ هُوا ئو اژ اَ تختَ گه اِنوم معبد بی، دَنگ کَلِنگی هات گه موئِتی: «کار تمومَ!»

مِکاشفَه 19:9

ئو فریشدَه وِتی‌ئونِم: «بِنُیسِن: خَوزگالَ کسَلی گه دَنگَ موئن اَرِه شُم داوات اَ وَرکَ.» ئو هَمیش وِتی: «یوئنَ کلوم حخیخی خدان!»

مِکاشفَه 2:1

«اَرِه فریشدَه کلیسا اَفِسُس بِنُیسِن: «اَوَه گه هفت آسارَه اِ دس راس ووژ دیری، ئو اِنومجا هفت چراخدو طِلا مَچوءَ رئیا، هُنَ موشی:

مِکاشفَه 2:7

«اَوَه گه گوش دیری بشتوئی گه روحِ خدا چَه موشیَ کلیسائَل. وَه هر کی گه فائق بای، یَه موئَشخِمی‌ئون گه اژ دار ژییاین گه ها نوم بهشت خدااِر بیری.

مِکاشفَه 20:6

بِمارِک ئو مقدّسَ کسی گه اژ اول زِنیابیئِن اژ مِردیَل بیَری دیری. مرگ دوئِم هُیچ قدِرتی اَر اونَل نِری بلکِم کاهنَل خدا ئو مسیحِن ئو وَه‌گَرد او هزار سال سِلطنتَ مَهَن.

مِکاشفَه 21:5

اَسَه اَوَه گه نیشتوئی اَرسر تخت وِتی: «اِسگَه کُل چی نووآ مَهَم.» ئو وِتی: «یوئنَ بِنُیسِن اَرِیَگه ایی قصه‌لَ ماو اِتِمادَ بینو کِین ئو راسِن.»

مِکاشفَه 22:17

روحِ خدا ئو بُئیَ موشِن: «بوری!» هر کی مَشتوئی، بوشی: «بوری!» هر کی تینیِ بای؛ ئو هر کی مِیتی، اژ آو ژییاین وَه مِفت بِگِری.

مِکاشفَه 6:11

اَسَه وَه هرکُم اژ اونَل، چوخا اِسبی‌ئونی دا ئو وِتون‌ئونو گه گِری ویشتِر بِکُمِن تاگَه شِمار هُم‌قطارَلو ئو بِرالو گه میا هَر اِجور اونَل بِکُشِرِن، کاملا بو.