مِکاشفَه 13:8 - کتاب مقدس به زبان لکی - گویش مرکزی

⁸ ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 13:8 Iomraidhean Croise

مَتّی 25:34

اَسَه پاتِشا موشیَ اونَلی گه هانیِ لا راسا: ”بورِن، اِاِ کسَلی گه اژ باوَه مِه بِرَکتتو گِرتیَ، اَ پاتِشائیَ بیَرنَ میرات گه اژ بِنیا دنیا اَرِه هُمَه آمادَه بیَ.

لوقا 10:20

مِنتائای اَرِه یَه خَوشالی نَهَن گه روحَل فِربونتون اَژینَ میَرِن، بلکِم خَوشالی هُمَه اَرِه یَه بوءَ گه نُمتون اِنوم آسمو نُیسیاءَ.»

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

اَفِسُسیَل 1:4

اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

فیلیپیَل 4:3

اِاِ هُمکار وفادار، اژ تونیشمَ مِ گه ایی دو ژِنَ یاری دِین اَرِیَگه وَه‌گَرد کلِمِنت ئو باقی هُمکارَلِم گه نُمو اِنوم دفتر ژییاین نُیسیاءَ، شونَ شو مِن اِ کار انجیل زیَمَتو کیشیَ.

تیتوس 1:2

ایی حخیختَ مِطابق امید اَر ژییاین ابدیَ، گه خدای گه هرگِس دِرو نِموشی، وِر اژ بِنیا زمونَه‌ل وَدَه اَوَه داءَ بینمو،

مِکاشفَه 12:15

مارِهَه اژ دَم ووژ آوی چُی روو، اِ دُم اَ ژِنا آوشدیِ رئی، تا لافاو وَه‌گَرد ووژ بیَرتی.

مِکاشفَه 13:12

ئو تمومِ قدِرت‌واختیار جونور وَشی اولینِهَه اِجال اوءَ میَریِ کار ئو زمین ئو کسَلی گه لیزو گِرتیَس اِنوم مجبورَ مِهِه جونور وَشی اولینِهَه گه اَ زیَمیَ گه داشدی مَکُشت خوآ بوئی، عَبادت کَن.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 21:27

مِنتائای هُیچ چی ناپاکی ئو هُیچ کسی گه کارَلی کفارت‌دار ئو دِروئِن، هرگِس نِمَچوتیَ نوما، فَخَد کسَلی گه نُمو نُیسیاس اِنوم دفتر ژییاین وَرک، مَچِنی اِنوم.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

مِکاشفَه 3:20

اِسگَه، موسِم اَر پِشت دِراخِل ئو مَکوئِم. اَرّ کسی دَنگ مِه بشتوئی ئو دِراخِل واز کِ، مام اِنوم ئو مِنَ گَرد او شُمَ میرِم ئو او وَه‌گَرد مِه.

مِکاشفَه 3:5

هر کی فائق بای، جِنِک هُنَ اِسبی‌ای مِهِئِه وَر ئو هرگِس نُم اژ دفتر ژییاین پاکا نِمَهَمی. بلکِم اَرتَک باوَه‌م ئو فریشدَه‌لی نُمَ مارِمیَ زوئو.

مِکاشفَه 5:12

ئو وَه دَنگ کَلِنگا موئِتو: «اَ وَرکَ گه قُرونی بیَ لائقَ گه قویَت ئو دولَمَنی ئو حکمت ئو قدِرت، ئو عزّت ئو جِلال ئو بِرَکت پیشکَش بوتی اَری.»

مِکاشفَه 5:13

اَسَه شنَفتِم گه هر مخلوقی گه ها آسمون ئو اَررُی زمین ئو اِ ژیر زمین ئو اِنوم دریااِر، ئو کُل چیئَلی گه ها نومون‌اِر، هُنَ محیوَنو: «بِرَکت ئو عزّت ئو جِلال ئو قویَت، اَر او گه نیشتیَس اَر تخت ئو اَر وَرک، تا ابدالآباد.»

مِکاشفَه 6:1

اَسَه دیم گه وَرکِهَه یَکی اژ هفت میرَل اِشکونی، ئو شنَفتِم گه یَکی اژ اَ چوار موجود زِنیَ وَه دَنگی اِجور گِرِمهُر وِتی: «بوری!»