مِکاشفَه 13:5 - کتاب مقدس به زبان لکی - گویش مرکزی

⁵ دَمی بَشخیاءَ اَ جونور وَشیَ گه قصَه‌ل کَلِنگ‌کَلِنگ ئو کِفِر بوشی، ئو صِلائو دائون تا اَرِه چِل ئو دو مُنگ قدِرت‌واختیار ووژ بیَریَ کار.

مِکاشفَه 13:5 Iomraidhean Croise

دوئِم تِسالونیکیَل 2:3

نِیلِن هُیچ‌کس وَه هُیچ رئی‌ای فَنتو دِ. اَرِیَگه تا اول‌بار ناوَ گالِ‌راو اَرضد خدا ئو اَ پیا بی‌دینَ گه کُر هِلاکتَ ظاهر ناو، اَ روژَ نِمای.

دوئِم تِسالونیکیَل 2:4

او اَرضد هرچی گه خدا هِناءَ ماو ئو مَپِرَسِنی هیزَمَگِری ئو ووژَ مَنی اَر بِلِنگ‌تِر اژ اونَل، تا جای گه مَنیشی اِنوم معبد خدا ئو اِلومَ مِهِه گه ووژ خداءَ.

دوئِم تِسالونیکیَل 2:8

اَسَه اَ بی‌دینَ ظاهرَ ماو، گه خداون عیسی وَه حَفار دَم ووژ نابودَ مِهِیتی ئو وَه بِریقَه ظاهربیئِن هاتِن ووژ ریشی اِرَمارِتی.

مِکاشفَه 11:7

هَریَگه اونَ شاتی ووژو تمومو کِرد، اَ جونور وَشیَ گه اژ چا هاویَه ماءَ دِریر، وَه‌‌گَردونَ مِهِئَه جنگ ئو فائقَ ما اَرینو، ئو مَکُشیو.

مِکاشفَه 12:14

مِنتائای دو بال اَ دال کَلِنگونَ داءَ اَ ژِنَ تا اژ دس اَ مارَ ویرِ جای اِ بیاوو گه اَرِنی تیارِکو دیَ، بال بِگِری، اَ جاءَ گه اَرِه زمونی ئو دو زمون ئو نِصم زمونی اَژی هِوَت کَنی.

مِکاشفَه 12:6

ئو ژَن حِوای ویرِ بیاوو، جای گه خدا اَرِه تیارِک دوئی، تاگَه اَر اورَه هزار ئو دوهیس ئو شص روژ اَژی هِوَت کَنی.

مِکاشفَه 13:7

هَمیش صِلائو دائون گه وَه‌گَرد ایمودارَل مسیح جنگ بِهِه ئو فائق با اَرینو؛ ئو قدِرت‌واختیارو دائون تاگَه حکِمرو هر طائفَه ئو قوم ئو زوئون ئو ملت بو.