مِکاشفَه 13:3 - کتاب مقدس به زبان لکی - گویش مرکزی

³ هَماری یَکی اژ سِرَل اَ جونور وَشیَ، زیَمی داشدی گه داشدی مَکُشت، مِنتائای اَ زیَمیَ گه داشد مَکُشت، خوآ بوئی. دنیا کُل واقونِ دَم پَری ئو چِنَ تُرّ اَ جونور وَشیا.

مِکاشفَه 13:3 Iomraidhean Croise

لوقا 2:1

اِ اَ روژِلَ، آگوستوس، امپراطور روم فِربو داتی تا مردِم کُل وِلاتَلی گه اِژیر حکِمرونی روم بین، سرشِماری بوئن.

یوحنا 12:19

اَسَه شیخَل فرقَه فَریسی وِتونَ یَکتِری: «دیتو هُیچ کاری اژ دَستون اِرنِمای؛ سِیل کَن گه کُل دنیا چِنَسیَ دُما.»

کارَل رسولَل 8:13

جُ‌جُ شَمعون ووژیشی ایمون آوِردی ئو دُما تیَمید گِرتِنی هَراَ گَرد فیلیپُس بی، ئو وخدی نشونَه‌ل ئو مُجِزَه‌ل کَلِنگی گه اَنجومَ موئیا، موئینیاتی، بِلُجوئیَ ماهاتی.

مِکاشفَه 13:12

ئو تمومِ قدِرت‌واختیار جونور وَشی اولینِهَه اِجال اوءَ میَریِ کار ئو زمین ئو کسَلی گه لیزو گِرتیَس اِنوم مجبورَ مِهِه جونور وَشی اولینِهَه گه اَ زیَمیَ گه داشدی مَکُشت خوآ بوئی، عَبادت کَن.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 17:10

گه سِلطنت پنج اَژینو وَه‌گَرد ووژو نابود بیَ، یَکی هَسی ئو اَ یَکَ هَنی نِهاتیَ؛ ئو وخدی بای، باس بِمینی مِنتائای اَرِه مِدت کمی.

مِکاشفَه 17:11

اَ جونور وَشیَ گه زمونی بیتی ئو اِسگَه نیَسی، هشتِمینِهِئَه ئو او هِن اَ هفت نفرَسَ ئو ویرِ نابودیَ مَچو.

مِکاشفَه 17:13

اونَل فگِرو یَکی کَ ئو قویَت ئو قدِرت ووژونَ میَن اَ جونور وَشیَ.

مِکاشفَه 17:17

اَرِیَگه خدا ناسی اِنوم دِلو گه خواس او بارنَ جا ئو هُم‌رِأ بوئنی تا قویَت سِلطنت ووژو بیَنَ دس اَ جونور وَشیا، تاگَه کلوم خدا وَه اَنجوم برَسی.

مِکاشفَه 17:6

ئو دیم گه اَ ژِنَ اژ خوین ایمودارَل مسیح ئو خوین شهیدَل عیسی مَس بی. هَریَگه اوئِم دی اژ ووژما چِم.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.