مِکاشفَه 13:10 - کتاب مقدس به زبان لکی - گویش مرکزی

¹⁰ اَرّ کسی باس اسیر بو، مَچوءَ اسیری. اَرّ کسی باس وَه شِمشیر بِکُشِری، وَه شِمشیرَ مَکُشِری. یَه پایاری ئو ایمو ایمودارَل مسیحَ مِیتی.

مِکاشفَه 13:10 Iomraidhean Croise

مَتّی 26:52

مِنتائای عیسی وِتون: «شِمشیر ووژِت غِلاف کَ؛ اَرِیَگه هر کی شِمشیر بِکیشی، وَه شمشیریشَ مَکُشِری.

مَتّی 7:2

اَرِیَگه هَراَ جورَ گه قضاوت اَر کسَلی‌تِر بِهِینو، قضاوت اَر هُمِه‌یشَ ماو، وَه اَ کیلَه گه مَپِیمُنینو، اَرِه هُمِه‌یشَ مَپِیمُنِن.

لوقا 21:19

وَه طاخَت ئو پایاری گیو ووژتو نجادَ مِینو.

کولُسیَل 1:11

ئو وَه تموم قویَتی گه اژ قدِرت پر جِلال اوءَ، قدِرت بِگِرینو تا وَه خَوشالی، صبِر ئو تیَمِل کاملتو داشدوئی؛

عِبرانیَل 6:12

تاگَه تَمَل نوئینو، بلکِم اژ کسَلی سرمقشا بِگِرینو گه وَه‌سونگَ ایمون ئو صبِر، موئنَ وارث وَدَه‌ل.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 11:18

ملتَل آگِر اَژینو چی، مِنتائای خَضو تو هات، وخد داوری اَر مِردیَل رَسیَ، وخد رَسیَسی گه مِز بِینَ خادمَلِت، نبوّت‌کَرَل ئو ایمودارَل مسیح، هَمیش کسَلی گه عزّت نُمِت دیرِن، اژ کَلِنگ تا گُجَر، ئو کسَلی گه زمینو نابود کِردیَ، نابود کِین.»

مِکاشفَه 14:12

یَه پایاری ایمودارَل مسیحَ مِیتی گه حکمَل خدا ئو ایمون اَر مسیحَ مارِن‌َ جا.

مِکاشفَه 16:6

اَرِیَگه اُوُ خوین ایمودارَل ئو نبوّت‌کَرَلو رِشو، اِسَه تو خوینِت دائونو تاگَه خُرّ دَن، گه هَر سزاوار یَئنَ!»

مِکاشفَه 17:11

اَ جونور وَشیَ گه زمونی بیتی ئو اِسگَه نیَسی، هشتِمینِهِئَه ئو او هِن اَ هفت نفرَسَ ئو ویرِ نابودیَ مَچو.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 2:19

مِه کارَل تو، مِحبت ئو وفاداریِت ئو خِلمت ئو پایاریتَ مَذانِم ئو یَگه کارَل آخِرِت ویشتِر اژ اول‌بارتَ.

مِکاشفَه 2:2

مِه کارَل تو، جُورَل تون ئو پایاریتَ مَذانِم. مَذانِم گه نِمَتونین آمَل شرَبار تیَمِل بِهِین ئو اونَلی گه ووژونَ رسولَ مَذانِن ئو نیِن اِنتحونِت کِردیَ ئو تو فیَمینَ دِروزِنِن.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

مِکاشفَه 3:3

اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.