مِکاشفَه 12:4 - کتاب مقدس به زبان لکی - گویش مرکزی

⁴ دُمی یِه‌سِئِم اژ آسارَه‌ل آسمو جارو کِردی ئو رِشونی‌ اَر زمین‌اِرا. اُژدها هوسیا اَر ویراَرویر اَ ژِنَ گه داشدی مَزایا، تاگَه هَریَگه آویلِهِه زائیتی، قویت اِرادِیتی.

مِکاشفَه 12:4 Iomraidhean Croise

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

مِکاشفَه 12:7

ئو یِگِلی اِ آسمو بیَ قی. میکائیل ئو فریشدَه‌لی وَه‌گَرد اُژدها بینَ جنگ ئو اُژدها ئو فریشدَه‌لی وَه‌گَرد اونَل جنگو کِرد،

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:2

اَ جونور وَشیمَ گه دی هَر چُی پلنگی بی، پال چُی پال خرس بیتی ئو دَمی چُی دَم شیر، ئو اُژدها قویَت ئو تخت ووژ ئو قدِرت‌واختیار کَلِنگی دائون.

مِکاشفَه 13:4

مردِم اُژدهائو عَبادتَ مَهَرد اَرِیَگه قدِرت‌واختیار ووژ دائیتیَ اَ جونور وَشیَ، ئو اَ جونور وَشیونَ عَبادتَ مَهَرد ئو موئِتو: «کیَ گه چُی ایی جونور وَشیَ بوءَ؟ کیَ گه بتونی جنگَ گَرد کِیتی؟»

مِکاشفَه 16:13

اَسَه دیم سه روحِ گَن اِجور قورباک اژ دَم اُژدها ئو اژ دَم اَ جونور وَشیَ ئو اژ دَم نبوّت‌کَر دِروزِنِ هاتِنَ دِریر.

مِکاشفَه 17:18

ئو اَ ژَنتَ گه دی هَراَ شیَر کَلِنگَسَ گه اَر پاتِشائَل زَمی سِلطنتَ مِهِه.»

مِکاشفَه 20:2

او اُژدها، اَ مار قدیمیَ، گه هَراَ ابلیس یا شِطونَ، گِرتی ئو اَرِه هزار سال بَسدا.

مِکاشفَه 8:10

فریشدَه سِئِمینِهَه پِف کِردی اِنوم شِپورِهِه، ئو آسارَه کَلِنگی اِجور چُمَت گُرگِرتی اژ آسمو کَت اَررُی یِه‌سِئِم اژ رووئَل ئو کیَنیَل آو.

مِکاشفَه 8:11

نُم اَ آسارَه ’اَفْسَنْتین‘ بی، ئو یِه‌سِئِم اژ آوَل اژ اَفْسَنْتین تیَلا بین، ئو مردِم فِرِه‌ی اژ اَ آوَ گه تیَلا بوئی مِردِن.

مِکاشفَه 8:12

فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 8:7

فریشدَه اولینِهَه پِف کِردی اِنوم شِپورِهِه، ئو بیَ توئِرگ ئو آگِر گه وَه‌گَرد خوین هاوِنتوئینَ یَک‌اِرا، ئو رِشیان اَر زمین‌اِرا ئو یِه‌سِئِم اژ زَمی سُت ئو یِه‌سِئِم اژ دارَل سُتِن، ئو کُل سُزِلَکوئَل سُتِن.

مِکاشفَه 8:8

فریشدَه دوئِمینِهَه پِف کِردی اِنوم شِپورِهِه، ئو چیئی اِجور کوی کَلِنگی گه اِنوم آگِرَ مَسُت، هُوَ هاوِنت اِنوم دریا، ئو یِه‌سِئِم اژ دریا بیَ خوین.

مِکاشفَه 8:9

ئو یِه‌سِئِم اژ جونورَل زِنی دریا مِردِن ئو یِه‌سِئِم اژ کَشتیَل نابود بین.

مِکاشفَه 9:10

دُمَل ئو گَزَلونی داشد اِجور دُم ئو گَزَه کولاژدُم، ئو اِ دُمَلو ایی قدِرتونَ داشد گه پنج مُنگ مردِم عذاو بیَن.

مِکاشفَه 9:19

اَرِیَگه قدِرت اَسبَل ها دَم ئو دُمون‌اِر. اَرِیَگه دُمَلو اِجور مارَلی کِن گه سر دیرِن، ئو وَه اونَل، ضِرَدَ مَرَسِنِن.