مِکاشفَه 12:11 - کتاب مقدس به زبان لکی - گویش مرکزی

¹¹ ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.

مِکاشفَه 12:11 Iomraidhean Croise

لوقا 14:26

«هر کی با اِرَه تک مِه ئو اژ باوَه ئو دا، ژَن ئو اولاد، بِرال ئو خُیَه‌لی، ئو جُ‌جُ گیو ووژ بیزار ناو، نِمَتونی شاگرد مِه بو.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 20:24

مِنتائای مِه گیونمَ هُیچَ حساوَ مارِم، ئو ارزشدمی اَرِه نِری، اَرّ فَخَد بتونِم دور ووژِم ئو خِلمَتی گه اژ خداون عیسی‌م گِرتیَ تمومِ‌کمال اَنجوم دَم، گه هَراَ شاتی دائِن اَر خَوَر خَوش فیضِ خداسَ.

کارَل رسولَل 21:13

مِنتائای پولُس جوواوا داتی: «یَه چه کاری کَ مِهِینو؟ اَرچَه مَگیرینون ئو دل مِنَ مَشکِنینو؟ مِن اَرِه نُم خداون عیسی، حاضرِم نه فَخَد بِکُوئِمِ زندو، بلکِم اِنوم شیَر اورشلیم بِمِرِم.»

رومیان 16:20

خداءِ صُئل‌وسِلامتی هَرِ ایی زویَ شِطون اِژیر پال هُمَه مَتِلِنیا. فیض خداونمو عیسی مسیحَ گَردتو بو.

اول قرنتیان 15:57

مِنتائای شگِر خدای مَهَم گه وَه‌سونگَ خداونمو عیسی مسیح پیروزیَ مِ‌ئونمو.

اول یوحنا 4:4

اِاِ رولَه‌ل، هُمَه اژ خداینو ئو فائق هاتینونَس اَر اونَل، اَرِیَگه اَوَه گه ها نوم هُمِه‌اِر کَلِنگتِر اژ اَوَه‌‌سَ گه ها نوم دنیااِر.

اول یوحنا 5:5

کیَ گه فائق با اَر دنیا بِخِر اژ اَوَه گه ایمو دیری گه عیسی کُر خداءَ؟

مِکاشفَه 1:2

گه شاتیَ مِ اَر کلوم خدا ئو اَر شاتی عیسی مسیح، یانی اَر هر چی گه دیتی.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 11:7

هَریَگه اونَ شاتی ووژو تمومو کِرد، اَ جونور وَشیَ گه اژ چا هاویَه ماءَ دِریر، وَه‌‌گَردونَ مِهِئَه جنگ ئو فائقَ ما اَرینو، ئو مَکُشیو.

مِکاشفَه 12:17

اَسَه اُژدها خِض گِرت اَر ژِنَهَه ئو چی تا وَه‌گَرد باقی نسِل او جنگ بِهِه؛ یانی وَه‌گَرد اونَلی گه حکمَل خدا مارِنَ جا ئو سفدِسخد مَچسبِن اَر شاتی عیسی‌آ.

مِکاشفَه 19:10

اَسَه کَتم اَررُی پالی تا عَبادت کَمی. مِنتائای او وِتی‌ئونِم: «ناخواد هُنَ بِهِین! اَرِیَگه مِن‌یش هُم‌قطار تون ئو بِرالتِم گه سفدِسخد مَچسبِن اَر شاتی عیسی‌آ. خدا بِپِرَس! اَرِیَگه شاتی عیسی، روحِ نبوّتَ.»

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 2:17

«اَوَه گه گوش دیری بشتوئی گه روحِ خدا چَه موشیَ کلیسائَل. هر کی فائق بای، قِری اژ اَ ’مَنّا‘ قائم‌کَریا میَمی‌ئون ئو بَرد اِسبی‌ای میَمی‌ئون گه نُم تازه‌ی نُیسیاسی اَررُی، نُمی گه هُیچ‌کس نِمَذانتی مَر کسی گه مَسینِتی.

مِکاشفَه 2:26

«هرکی فائق بای ئو کارَل مِه تاگَه آخِر باریَ جا، مِه قدِرت‌واختیارَ میَمی‌ئون گه اَر ملتَل حکِمرونی بِهِه.

مِکاشفَه 2:7

«اَوَه گه گوش دیری بشتوئی گه روحِ خدا چَه موشیَ کلیسائَل. وَه هر کی گه فائق بای، یَه موئَشخِمی‌ئون گه اژ دار ژییاین گه ها نوم بهشت خدااِر بیری.

مِکاشفَه 20:4

اَسَه تختَلمی دی ئو کسَلی نیشتوئین اَررُیو گه قدِرت‌واختیار داوریو دائی‌ئونو. هَمیش گیونَل کَسَلمی دی گه وَه خاطر شاتی دائِن اَر عیسی ئو اَر کلوم خدا سرونا بِریائی، ئو کسَلی گه اَ جونور وَشیَ یا مِجسمِهِه‌ئو نَپِرَسوئی ئو نشونَه اَوُن اَر دس ئو توئل ووژو قبول نَهَردوئی. یوئنَ اِدوارَه اژ مِردیَل زِنیا بین ئو هزار سال وَه‌گَرد مسیح سِلطنتو کِرد.

مِکاشفَه 3:12

هر کی فائق بای، مَهَمیَ سُتینی اِ معبد خدام. دیَر اژ اورَه هرگِس نِمِهِئَه دِریر، ئو مِه نُم خدا ووژمَ مَنُیسِنِم اَررُی او، ئو نُم شیَر خدا ووژِم، یانی اورشلیم نوو گه اژ جونِم خدا اژ آسمونَ مای، ئو نُم نوو ووژیشمَ مَنُیسِنِم.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

مِکاشفَه 3:5

هر کی فائق بای، جِنِک هُنَ اِسبی‌ای مِهِئِه وَر ئو هرگِس نُم اژ دفتر ژییاین پاکا نِمَهَمی. بلکِم اَرتَک باوَه‌م ئو فریشدَه‌لی نُمَ مارِمیَ زوئو.

مِکاشفَه 6:9

وخدی وَرکِهَه میرَ پنجِمینِهَه واز کِردی، مِن اِژیر قُرونی‌گا، گیونَل کَسَلمی دی گه اَرِه کلوم خدا ئو شاتیَلونی گه دائی کُشِریائین.