مِکاشفَه 12:10 - کتاب مقدس به زبان لکی - گویش مرکزی

¹⁰ اَسَه دَنگ کَلِنگمی اِنوم آسمو شنَفت گه موئِتی: «اِسگَه نجاد ئو قویَت ئو پاتِشائی خدامو، ئو قدِرت مسیحِ او هاتیَ. اَرِیَگه اَ بُختِم‌چی بِرال ایمَه گه شو ئو روژ اَرتَک خدامو، بُختِمَ مِ اَرینو، آوشدونَس اَر زَمی.

مِکاشفَه 12:10 Iomraidhean Croise

مَتّی 26:64

عیسی جوواوا داتی: «تو ووژِت وِتِت! موشِم‌ئونتو گه اَژیرِ دُما کُر اِنسونَ موئینینو گه نیشتیَس اَر دس راس خداءِ قادرا، ئو وَه سر اُرَل آسمونا مای.»

مَتّی 28:18

اَسَه عیسی هاتِ وَر ئو وِتی‌ئونو: «کُل قدِرت‌واختیار اِنوم آسمون ئو زمینو داسَ مِه.

مَتّی 6:10

پاتِشائی تو بای. خواس تو، هُنَ گه اِنوم آسمو اَنجومَ ماو، اَررُی زمین‌یش اَنجوم بِگِری.

لوقا 11:2

عیسی وِتی‌ئونو: «وخدی دوعا مِهِینو، بوشِن: «”اِاِ باوَه، نُم تو مقدّس بو، پاتِشائی تو بای.

لوقا 22:31

«اِاِ شَمعون، اِاِ شَمعون، بِذان: شِطو هِستی هُمَل چُی گَنِم شَن کِ.

اول قرنتیان 5:4

وخدی هُمَه وَه نُم خداون عیسی اِ دور یَک جیَمَ موئینو، مِن اِنوم روح ئو وَه قدِرت خداونمو عیسی هام اِنومتو،

دوئِم قُرَنتیان 12:9

مِنتائای خداون وِتی‌ئونِم: «فیض مِن اَرِه تو بسَ، اَرِیَگه قدِرت مِه اِنوم ضیَفَل کاملا ماو.» اِسَه وَه خَوشی ویشتِری افتخارَ مَهَمَ ضیَفَل ووژِم، تاگَه قدِرت مسیح اَررُی مِه بو.

تیتوس 2:3

هَرهُنَ دایائَل باس رفدارو وَه عزّتا بو. نَباس بُختِم‌چی یا بَنَه شِراو بوئن، بلکِم باس اَ چیئَه گه دُریسَ تیَلیم دَن.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

مِکاشفَه 11:15

اَسَه فریشدَه هفتِمینِهَه پِف کِردی اِنوم شِپورِهِه؛ ئو دَنگَل کَلِنگی اِ آسمو بین گه موئِتو: «پاتِشائی دنیا، بیَسَ هِن خداون ایمَه، ئو مسیحِ او. ئو او تا ابدالآباد سِلطنتَ مِهِه.»

مِکاشفَه 2:26

«هرکی فائق بای ئو کارَل مِه تاگَه آخِر باریَ جا، مِه قدِرت‌واختیارَ میَمی‌ئون گه اَر ملتَل حکِمرونی بِهِه.

مِکاشفَه 7:10

ئو اونَل وَه دَنگ کَلِنگَ مَقارونو: «نجاد هِن خداءِ ایمِئَه، گه نیشتیَس اَر تخت؛ ئو هِن وَرکَ.»