مِکاشفَه 11:6 - کتاب مقدس به زبان لکی - گویش مرکزی

⁶ اونَ ایی قدِرتَ دیرِن گه آسمو بوئنِن تاگَه اِ روژَل نبوّتو وارُ ناواری، ئو ایی قدِرتَ اَر آوَل دیرِن گه اونِلَ بِهَنَ خوین ئو هر چَن گِلی گه بِئو وَه هر جور بِلای ضرپَه بیَن اَر زَمی.

مِکاشفَه 11:6 Iomraidhean Croise

لوقا 4:25

حخیختاً موشِم‌ئونتو، گه اِ زَمو ایلیا پِخَمَر، وخدی گه در آسمو سه سال ئو نیم بُوئنیا ئو قیَطی سخدی سِرُسَر اَ وِلاتَ گِرتی‌اِرا بیوَه‌ژِنَل فِرِه اِنوم اسرائیل بین.

مِکاشفَه 11:3

ئو مِه قدِرتَ میَمَ دو شات ووژِم گه پِلاس اِوَر، هزار ئو دوهیس ئو شص روژ نبوّت کَن.»

مِکاشفَه 16:3

فریشدَه دوئِمینِهَه جُم ووژ رِشونی اِنوم دریا، ئو دریا بیَ خوین، خوینی گه مَری خوین آم مِردی بی، ئو کُل جونورَل دریا مِردِن.

مِکاشفَه 16:4

فریشدَه سِئِمینِهَه جُم ووژ رِشونی اَررُی رووئَل ئو کیَنیَل آو، ئو اونَل بینَ خوین.

مِکاشفَه 8:8

فریشدَه دوئِمینِهَه پِف کِردی اِنوم شِپورِهِه، ئو چیئی اِجور کوی کَلِنگی گه اِنوم آگِرَ مَسُت، هُوَ هاوِنت اِنوم دریا، ئو یِه‌سِئِم اژ دریا بیَ خوین.