مِکاشفَه 11:16 - کتاب مقدس به زبان لکی - گویش مرکزی

¹⁶ ئو اَ بیس ئو چوار ریش‌اَسبیَ گه اَرتَک خدا نیشتینَس اَرسر تختَلو، وَه رُیا کَتِن اَر زَمی ئو خدائو عَبادت کِرد،

مِکاشفَه 11:16 Iomraidhean Croise

مَتّی 19:28

عیسی وِتی‌ئونو: «حخیختاً، موشِم‌ئونتو، اِنوم دنیا نوو، وخدی گه کُر اِنسو بنیشی اَرسر تخت پاتِشائی پِرجِلال ووژا، هُمِه‌یش گه هاتینونَسَ تُرّ مِنا، مَنیشینون اَرسر دوازَه تخت ئو اَر دوازَه طائفَه اسرائیل داوری مِهِینو.

مِکاشفَه 19:4

ئو اَ بیس ئو چوار ریش‌اَسبیَ ئو اَ چوار موجود زِنیَ وَه رُیا کَتِن اَر زَمی ئو خدائونی عَبادت کِرد گه نیشتوئی اَررُی تخت، ئو موئِتو: «آمین. هَلِلویاه!»

مِکاشفَه 4:10

اَ بیس ئو چوار ریش‌اَسبیَ اَر وَر او گه نیشتیَس اَرسر تخت، مَکُوئِن اَر زَمی، ئو او گه تا ابدالآباد زِنیَ عَبادتَ مَهَن ئو تاجَلونَ ماوژِن اَر وَر تخت او ئو موشِن:

مِکاشفَه 4:4

دورادور اَ تختَ، بیس ئو چوار تخت بی، ئو اَرسر اَ تختِلَ بیس ئو چوار ریش‌اَسبی نیشتوئین، گه اونَل جِنِکَل اِسبی اِوَرو بی ئو تاجَل طِلا اَر سرو.

مِکاشفَه 5:14

ئو اَ چوار موجود زِنیَ وِتو: «آمین»، ئو اَ ریش‌اَسبیِلَ وَه رُیا کَتن اَر زَمی ئو عَبادتو کِرد.

مِکاشفَه 7:11

ئو کُل فریشدَه‌ل، هوسیائین اَر دورادور تخت ئو دورادور ریش‌اَسبیَل ئو چوار موجودَل زِنی؛ ئو کُل وَه رُیا کَتن اَر وَر تخت ئو خدائو عَبادت کِرد.