مِکاشفَه 11:15 - کتاب مقدس به زبان لکی - گویش مرکزی

¹⁵ اَسَه فریشدَه هفتِمینِهَه پِف کِردی اِنوم شِپورِهِه؛ ئو دَنگَل کَلِنگی اِ آسمو بین گه موئِتو: «پاتِشائی دنیا، بیَسَ هِن خداون ایمَه، ئو مسیحِ او. ئو او تا ابدالآباد سِلطنتَ مِهِه.»

مِکاشفَه 11:15 Iomraidhean Croise

مَتّی 24:31

او فریشدَه‌ل ووژ وَه دَنگ کَلِنگ شِپور کِلَ‌مِهِه ئو اونَل دیاری‌بیَل خدا اژ چوار سویک دنیا اژ یِه پر آسمو تاگَه اَ پر، جیَمَ مَهَن اَر دور یَکا.

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

لوقا 1:33

او تا ابد اَر دویمو یعقوب کُر ابراهیم سِلطنتَ مِهِه ئو هرگِس پاتِشائی تموم نِماوتی.»

لوقا 15:10

موشِم‌ئونتو، هَر وَه ایی جوریشَ، اَرِه توئَه کِردِن یِه گناکار، اَرتَک فریشدَه‌ل خدا جَشت ئو خَوشیَ ماو.»

لوقا 15:6

ئو ما اِرَه مال، رِقیفَل ئو هُمسالی هِنا مِهِه ئو موشی: ”وَه‌گَرد مِه خَوشالی بِهَن، اَرِیَگه کاوِرِهَم گه گم بوئی کِردِمَسَ دی.“

کارَل رسولَل 4:26

پاتِشائَل زَمی هیزَمَگِرِن ئو حکِمرونَل جیَمَ موئنَ دور یَکا، اَرضد خداون ئو هَمیش اَرضد مسیحِ او.“

عِبرانیَل 1:8

مِنتائای اِبارَه کُرَ موشی: «اِاِ خدا، تخت سِلطنت تو ابدیَ؛ موزبِرَه پاتِشائی تو موزبِرَه عدالتَ.

مِکاشفَه 10:7

بلکِم اِ اَ روژِلَ گه فریشدَه هفتِمینِهَه دَنگ شِپور اِرباری، راز خدا تمومِ‌کمال اَنجومَ مَگِری، هَرهُنَ گه اَر خادمَل ووژ، یانی نبوّت‌کَرَل، اِلوم کِردی.

مِکاشفَه 12:10

اَسَه دَنگ کَلِنگمی اِنوم آسمو شنَفت گه موئِتی: «اِسگَه نجاد ئو قویَت ئو پاتِشائی خدامو، ئو قدِرت مسیحِ او هاتیَ. اَرِیَگه اَ بُختِم‌چی بِرال ایمَه گه شو ئو روژ اَرتَک خدامو، بُختِمَ مِ اَرینو، آوشدونَس اَر زَمی.

مِکاشفَه 15:4

اِاِ خداون، کیَ گه زِلَه اژ تو نَچوتی، ئو نُم تو جِلال نِ؟ اَرِیَگه تو، ئو فَخَد تو، قدوسین. کُل ملتِلَ مان ئو اَرتَک تو عَبادتتَ مَهَن اَرِیَگه کارَل عادلونَه تو آشگارا بیَ.»

مِکاشفَه 16:17

فریشدَه هفتِمینِهَه جُم ووژ پِشکونیِ هُوا ئو اژ اَ تختَ گه اِنوم معبد بی، دَنگ کَلِنگی هات گه موئِتی: «کار تمومَ!»

مِکاشفَه 17:14

اونَل وَه‌گَرد وَرکَ موئنَ جنگ، ئو وَرک فائقَ ما اَرینو، اَرِیَگه او رب الارباب ئو پاتِشاءِ پاتِشائِلَ- ئو اونَلی گه هانِ گَرد، دَنگ بینَ ئو دیاری بینَ ئو وفادارِن.»

مِکاشفَه 19:1

دُما اَوَه، دَنگمی شنَفت اِجور قارَه جیَمیَت کَلِنگی اِنوم آسمو، گه موئِتو: «هَلِلویاه! نجاد ئو جِلال ئو قدِرت هِن خداءِ ایمِئَه،

مِکاشفَه 19:6

اَسَه دَنگی اِجور قارَه جیَمیَت کَلِنگمی شنَفت، اِجور هوفَه آوَل فِرَه، ئو اِجور دَنگ کَلِنگ گِرِمهُرَل، گه موئِتی: «هَلِلویاه! اَرِیَگه خداون خداءِ ایمَه، اَ قادر مطلقَ، سِلطنتَ مِهِه.

مِکاشفَه 20:4

اَسَه تختَلمی دی ئو کسَلی نیشتوئین اَررُیو گه قدِرت‌واختیار داوریو دائی‌ئونو. هَمیش گیونَل کَسَلمی دی گه وَه خاطر شاتی دائِن اَر عیسی ئو اَر کلوم خدا سرونا بِریائی، ئو کسَلی گه اَ جونور وَشیَ یا مِجسمِهِه‌ئو نَپِرَسوئی ئو نشونَه اَوُن اَر دس ئو توئل ووژو قبول نَهَردوئی. یوئنَ اِدوارَه اژ مِردیَل زِنیا بین ئو هزار سال وَه‌گَرد مسیح سِلطنتو کِرد.

مِکاشفَه 8:12

فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 9:1

ئو فریشدَه پنجِمینِهَه پِف کِردی اِنوم شِپورِهِه، ئو مِه آسارَه‌می دی گه اژ آسمو کَت اَر زَمی، ئو کِلیل چا هاویَه گه تیَه نِریو، داءَ ایی آسارَه.

مِکاشفَه 9:13

فریشدَه شَشِمینِهَه پِف کِردی اِنوم شِپورِهِه، ئو مِه دَنگمی اژ چوار شاخ قُرونی‌گا طِلا گه هار تک خدا، شنَفت؛