مِکاشفَه 11:13 - کتاب مقدس به زبان لکی - گویش مرکزی

¹³ ئو هَراَ ساتَ، بیَ زمی‌لرزَه کَلِنگی ئو یِه‌دیَهِم اژ شیَر رِمیا ئو هفت هزار نفر اِنوم اَ زمی‌لرزَه کُشِریان ئو باقی اونَل زِلَ‌تِراقا بین ئو خداءِ آسمونو جِلال دا.

مِکاشفَه 11:13 Iomraidhean Croise

یوحنا 9:24

اَسَه اَرِه گِل دوئِم هِنائو کِردِ اَ پیا گه وِرِکار کور بی، وِتونَ بی: «جِلال بیَ خدا! ایمَه مَذانیم گه او پیا گناکاری کَ.»

کارَل رسولَل 1:15

یَکی اژ اَ روژِلَ، پطرس هوسیا اِنوم بِرال، گه کُل اَرسر یَک نزیک اَر صد ئو بیس نفر بین.

مِکاشفَه 11:11

مِنتائای دُما سه روژ ئو نیم، هِناسی ژییاین اژ جونِم خدا هاتِ دَرینو ئو هوسیان اَرسر پائلو، ئو سِیل‌کَرَلو، زِلَ‌تِراقا بین.

مِکاشفَه 11:19

اَسَه معبد خدا اِنوم آسمو واز بی؛ ئو صَنُق عَت خدا اِنوم معبد او دیارا بی؛ ئو بیَ تَش‌بریقَل ئو گِرِمَل ئو گِرِمهُرَل ئو زمی‌لرزَه ئو توئِرگ سخد.

مِکاشفَه 14:7

او وَه دَنگ کَلِنگ وِتی: «اژ خدا زِلَتو بِچو ئو جِلال دَنی، اَرِیَگه سات داوری رَسیَسی، ئو او عَبادت کَن گه آسمون ئو زمین ئو دریا ئو کیَنیَل آو خَلک کِردی.»

مِکاشفَه 15:4

اِاِ خداون، کیَ گه زِلَه اژ تو نَچوتی، ئو نُم تو جِلال نِ؟ اَرِیَگه تو، ئو فَخَد تو، قدوسین. کُل ملتِلَ مان ئو اَرتَک تو عَبادتتَ مَهَن اَرِیَگه کارَل عادلونَه تو آشگارا بیَ.»

مِکاشفَه 19:7

خَوشالی بِهِیم ئو دودَسمالَه بِگِریم، ئو جِلال دِیمی، اَرِیَگه زَمو داوات اَ وَرکَ رَسیَ، ئو بُئی او ووژ حاضر کِردیِ؛

مِکاشفَه 3:4

«وَه ایی حالا تو هَنی بِری اِ ساردیس دیرین گه جِنِکَلو چِرکِن نَهَردیَ، ئو اونَل وَه جِنِکَل اِسبیا وَه‌گَرد مِه گومَ مَنِن، اَرِیَگه لائقِن.

مِکاشفَه 6:12

ئو وخدی وَرکِهَه میرَ شَشِمینِهَه واز کِردی، مِه سِیلِم کِرد، اَسَه زمی‌لرزَه کَلِنگی هات ئو هویَر اِجور پِلاس، سیا بی ئو مُنگ کامل، بی اِجور خوین.

مِکاشفَه 8:5

اَسَه فریشدِهَه مَخَلِهَه هیزداتی ئو پِرا کِرد اژ آگِر قُرونی‌گا ئو آوشدی اَررُی زَمی، ئو بیَ گِرِمَل ئو گِرِمهُرَل ئو تَش‌بریقَل ئو زمی‌لرزَه.