مِکاشفَه 1:3 - کتاب مقدس به زبان لکی - گویش مرکزی

³ خَوزگالَ اَوَه گه کلوم ایی نبوّتَ مَحیوَنی ئو خَوزگالَ اونَلی گه مَشتوئِنی ئو اَ چیئَه گه نُیسیاس اِنوم مارِنَ جا، اَرِیَگه وخد نزیکَ.

مِکاشفَه 1:3 Iomraidhean Croise

مَتّی 24:15

«اِسَه وخدی گه هُمَه اَ ’کفارت‌دار نابودکَرَ‘ گه دانیال پِخَمَر اَژی وِتوئی، اِ مَکو مقدّس وَه هوسیا بوئینینو -کسی گه دیری یَه مَحیوَنی، حُواس بوتی-

لوقا 11:28

مِنتائای عیسی جوواوا داتی وِتی: «نه، چاوارشا! خَوزگالَ اونَلی گه کلوم خداءَ مَشتوئِن ئو مارِنیَ جا.»

رومیان 13:11

هَمیش هُمَه مَذانینو گه هاینونِ چه زمونی‌کِر، گه هَراِسگَه سات رَسیَسی گه اژ خاو هیزگِرینو، اَرِیَگه نجاد ایمَه اِسگَه نزیکتِر اژ زمونی کَ گه ایمونمو آوِرد.

رومیان 13:12

شو دیری تمومَ ماو ئو روژ نزیکَ. اِسَه بورِن کارَل تیَریکی بنیمِ لا ئو زِری نُیر بِهِیمِ وَر.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

دوئِم پطرس 3:8

مِنتائای اِاِ عزیزَل، ایی حخیختَ نِئیَ نَگِرِن گه اَرتَک خداون یِه روژ اِجور هزار سالَ ئو هزار سال اِجور یِه روژ.

مِکاشفَه 22:10

اَسَه وِتی‌ئونِم: «کلوم نبوّت ایی کِتاوَ میرِموم نِهَه اَرِیَگه وخد نزیکَسی.

مِکاشفَه 22:12

«اِسگَه مِنَ ایی زویَ مام ئو اَجِری گه باس بیَم ها گَردِم تا وَه هر کی مِطابق کارَلی گه کِردیِ تِلافَتی بیَمِ دُما.

مِکاشفَه 22:20

اَوَه گه اَر ایی چیئِلَ شاتیَ مِ، هُنَ موشی: «اَاَ، وَه ایی زویَ مام.» آمین. بوری، اِاِ خداون عیسی!

مِکاشفَه 3:11

«مِه وَه ایی زویَ مام. سفدِسخد بچسب اَر اَ چیئَه گه دیرین، تاگَه کسی تاجت اَژی نَسینی.