مِکاشفَه 1:20 - کتاب مقدس به زبان لکی - گویش مرکزی

²⁰ راز اَ هفت آسارَه گه اِ دس راس مِنِت دی ئو راز اَ هفت چراخدو طِلا یَسَ: اَ هفت آسارَه، فریشدَه‌ل هفت کلیسان، ئو اَ هفت چراخدونَ، هَراَ هفت کلیسانَ.

مِکاشفَه 1:20 Iomraidhean Croise

مَتّی 13:11

جوواوا دانی: «فیَم رازَل پاتِشائی آسمونو داسَ هُمَه، مِنتائای نه وَه اونَل.

لوقا 8:10

وِتی: «فیَم رازَل پاتِشائی خدائو داسَ هُمَه، مِنتائای اَرِه کسَلی‌تِر وَه متل قصَه مَهَم تاگَه: «”سِیل کَن، مِنتائای نوئینِن، بشتوئِن، مِنتائای نفیَمِن.“

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

مِکاشفَه 1:11

گه موئِتی: «اَ چیئَه گه موئینین بِنُیسِن اِنوم کِتاوی ئو کِل‌کَ اَرِه هفت کلیسا اَفِسُس، اِسمیرنا، پِرگاموم، تیاتیرا، ساردِس، فیلادِلفیَه ئو لائودیکیَه.»

مِکاشفَه 1:16

اِ دس راسی هفت آسارَه داشدی، اژ دَمی شِمشیر دودَم تیژی هاتَ دِریر، ئو نوم‌رُی‌ای اِجور هویَر بی گه وَه کُل قویَت ووژَ مَدَرشخی.

مِکاشفَه 1:4

اژ یوحنا، وَه هفت کلیسای گه هان اِنوم هیال آسیااِر: فیض‌وسِلامتی اژ جونِم او گه هَس ئو بی ئو مای اَر هُمَه بو ئو اژ جونِم هفت روحی گه هان اَرتَک تخت پاتِشائی او،

مِکاشفَه 17:5

ئو اَررُی توئلی ایی نُم بِلُجوئیَ نُیسیائی: «بابِل کَلِنگ، دا ژِنَل خِراو ئو کفارت‌دارَل زَمی.»

مِکاشفَه 17:7

فریشدَه وِتی‌ئونِم: «چات اژ ووژتا چینَ؟ مِه راز اَ ژِنَ ئو اَ جونور وَشیَ گه هفت سر ئو دیَه شاخ دیری ئو اَ ژِنَ سُوارَسی، موشِم‌ئونِت.

مِکاشفَه 2:1

«اَرِه فریشدَه کلیسا اَفِسُس بِنُیسِن: «اَوَه گه هفت آسارَه اِ دس راس ووژ دیری، ئو اِنومجا هفت چراخدو طِلا مَچوءَ رئیا، هُنَ موشی:

مِکاشفَه 2:12

«اَرِه فریشدَه کلیسا پِرگاموم بِنُیسِن: «او گه شِمشیر تیژ دودَم دیری، هُنَ موشی:

مِکاشفَه 2:18

«اَرِه فریشدَه کلیسا تیاتیرا بِنُیسِن: «کُر خدا گه چیَمَلی اِجور بِلاچَه آگِر دیری ئو پالی اِجور مَفِرغ سائیاءَ، هُنَ موشی:

مِکاشفَه 2:5

اِسَه بارَ ویر گه اژ کو کَتینَس‌اِرا. توئَه بِهَه ئو کارَلی گه اول‌بارِت کِرد، بِهَه. اَرّ نِهِین، مِنَ مام اِرَه تَکِت ئو چراخدونت اژ جا ووژ هیزَمیَم، مَر یَگه توئَه بِهِین.

مِکاشفَه 2:8

«ئو اَرِه فریشدَه کلیسا اِسمیرنا بِنُیسِن: «او گه اولَ، او گه آخِرَ، او گه مِرد ئو زِنیا بی، هُنَ موشی:

مِکاشفَه 3:1

«ئو اَرِه فریشدَه کلیسا ساردِس بِنُیسِن: «اَوَه گه هفت روحِ خدا ئو هفت آسارَه دیری هُنَ موشی: کارَل تونَ مَذانِم. تو وَه یَه مَشورین گه زِنیئین، مِنتائای مِردینَ.

مِکاشفَه 3:14

«اَرِه فریشدَه کلیسا لائودیکیَه بِنُیسِن: «او گه آمینَ، او گه شات اَمونتدار ئو حخَ، او گه سِرآو خلقت خداءَ، هُنَ موشی:

مِکاشفَه 3:7

«اَرِه فریشدَه کلیسا فیلادِلفیَه بِنُیسِن: «او گه قدوسَ، او گه حخَ، او گه کِلیل داوود دیری، او گه وازَ مِهِه ئو کس نِمَتونی بوئنی، ئو موئنی ئو کس نِمَتونی واز بِهِه، هُنَ موشی: