مِکاشفَه 1:1 - کتاب مقدس به زبان لکی - گویش مرکزی

¹ مِکاشفَه عیسی مسیح، گه خدا دائون تا چیئَلی گه باس وَه ایی زویَ اتفاق بِکُوءِ نِشو خُلُمَلی بِ. او وَه کِل‌کِردِن فریشدَه ووژ، یَه آشگارا کِردی اَر خُلُم ووژ، یوحنا.

مِکاشفَه 1:1 Iomraidhean Croise

یوحنا 12:49

اَرِیَگه مِه اژ جونِم ووژِم قصَه‌می نَهَردیَ، بلکِم باوِه گه مِه کِل‌کِردیَسی فِربو داسیَ بینِم گه چَه بوشِم ئو اژ چَه قصَه بِهَم.

یوحنا 15:15

دیَر هُمَه وَه خُلُم هِنا نِمَهَم، اَرِیَگه خُلُم اژ کارَل اَرباو ووژ خَوَر نِری. بلکِم هُمَه رِقیف ووژِم هِناءَ مَهَم، اَرِیَگه هر چَمی گه اژ باوَه شنَفتیَ، هُمَه‌م اَژینی خَوَردارا کِردیَ.

یوحنا 17:8

اَرِیَگه کلومی گه سپارتَ مِه، سپارتمَ بینو، ئو اونَل چِنِ گِرد اَوَه، فیَمین گه اِراسی اژ تک تو هاتِمَ، ئو ایمونو آوِرد گه تو مِنِت کِل‌کِردیَ.

یوحنا 3:32

او اَر هر چیئی گه دیَسی ئو شنَفتیَسی شاتیَ مِ، مِنتائای هُیچ‌کس نِمَچوءِ گِرد شاتی او.

یوحنا 8:26

فِرَه چیئَل دیرِم گه اِبارَه هُمَه بوشِم ئو مَکومتو کَم. مِنتائای اَوَه گه مِه کِل‌کِردیَسی، برحَخَّ ئو مِه اَ چیئَه گه اژ اوئِم شنَفتیَ، اِلومَ مَهَم اَر دنیا.»

رومیان 16:25

اِسگَه جِلال اَر او گه مَتونی مِطابق انجیلی گه مِن اِبارَه عیسی مسیح موعظَه مَهَم، تقویتتو کِ، -مِطابق مِکاشفَه اَ رازَ گه اَرِه زمونَه‌ل دِریژی آشاریا مَنوئی.

غَلاطیَل 1:12

اَرِیَگه مِه اَومَ اژ اِنسو نَگِرت، ئو کسی‌شی اَوَه یام ناتی؛ بلکِم عیسی مسیح اَوَه آشگار کِردی اَر مِه.

اَفِسُسیَل 3:3

هَرهُنَ گه کم تا کُتی نُیسونِم، گه چطور ایی رازَ وَه مِکاشفَه آشگارا بی اَر مِه.

تیتوس 1:1

اژ پولُس، خُلُم خدا ئو رسول عیسی مسیح، گه مَیِّن بیمَ تا ایمو کسَلی گه خدا دیاری کِردِن تقویت کَم ئو حخیختی گه مِطابق دینداریَ، بوشِم.

مِکاشفَه 1:19

«اِسَه هر چَتی گه دیَ، هرچی گه هَس ئو هر چی گه اَژیرِ دُما میا بو، بِنُیسِن.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 17:1

اَسَه یَکی اژ اَ هفت فریشدِه‌لَ گه اَ هفت جُمونَ داشد هاتِ وَر ئو وِتی‌ئونِم: «بوری تا داوری اَر اَ ژَن خِراو کَلِنگَ نشونِت دَم گه نیشتیَس اَررُی آوَل فِرَه،

مِکاشفَه 19:10

اَسَه کَتم اَررُی پالی تا عَبادت کَمی. مِنتائای او وِتی‌ئونِم: «ناخواد هُنَ بِهِین! اَرِیَگه مِن‌یش هُم‌قطار تون ئو بِرالتِم گه سفدِسخد مَچسبِن اَر شاتی عیسی‌آ. خدا بِپِرَس! اَرِیَگه شاتی عیسی، روحِ نبوّتَ.»

مِکاشفَه 19:9

ئو فریشدَه وِتی‌ئونِم: «بِنُیسِن: خَوزگالَ کسَلی گه دَنگَ موئن اَرِه شُم داوات اَ وَرکَ.» ئو هَمیش وِتی: «یوئنَ کلوم حخیخی خدان!»

مِکاشفَه 21:2

ئو شیَر مقدّس، یانی اورشلیم نووئِم دی گه اژ آسمو اژ تک خدا ماهاتَ هُار، اِجور بُئی‌ای گه اَرِه میردَه ووژ اِررازیائی، آمادَه بوئی.

مِکاشفَه 21:9

یَکی اژ اَ هفت فریشدَه گه هفت جُم پِر اژ هفت بِلا آخِرو داشد، هات ئو وِتیَ مِه: «بوری! مِه بُئی، یانی ژَن وَرک نشونتَ میَم.»

مِکاشفَه 22:1

اَسَه روو آو ژییاین نشونِم داتی گه اِجور بِلور بِریقَه ماتی ئو اژ تخت خدا ئو وَرک جُرَ مَگِرت

مِکاشفَه 22:16

«مِه، عیسی، فریشدَه ووژِم کِلِم‌کِرد اَرِه تَکتو تا ایی چیئِلَ اَرِه کلیسا شاتی بِ. مِه ریشی ئو نسِل داوود ئو آسارَه بِریقَه‌دار شفقِم.»

مِکاشفَه 22:6

فریشدَه وِتیَ مِه: «ایی قصه‌لَ ماو اِتِمادَ بینو کِین ئو راسِن. خداون، خداءِ روحَل نبوّت‌کَرَل، فریشدَه ووژ کِل‌کِردی تا اَ چیئَه گه باس وَه ایی زویَ اتفاق بِکُوءِ، نِشو خادمَلی دِ.»

مِکاشفَه 22:8

مِه، یوحنا، هَراَ کسِمَ گه ایی چیئِلمَ دی ئو شنَفت. ئو هَریَگه یوئنَمَ دی ئو شنَفت، کَتم اَر وَر پال اَ فریشدَه گه نشونِم دانی، تا عَبادت کَمی.

مِکاشفَه 22:9

مِنتائای فریشدَه وِتی‌ئونِم: «ناخواد هُنَ بِهِین! مِن‌یش هُم‌قطار تون ئو بِرالتِم، یانی نبوّت‌کَرَل، ئو اونَلی گه کلوم ایی کِتاوَ مارِنَ جا. خدا عَبادت کَ.»

مِکاشفَه 4:1

دُما اَوَه سِیلِم کِرد، ئو دیم دری اِ آسمو وازَ، ئو هَراَ دَنگ اولینِهَه گه شِنتفتوئیم اِجور دَنگ شِپور قصَه‌مَ گَردَ مِهِه، وِتی: «بورِ رُ اَرِه ایرَه، ئو مِه هر چی گه باس اَژیرِ دُما اتفاق بِکُوءِ، نشونتَ میَم.»

مِکاشفَه 5:7

ئو وَرکِهَه هاتِ وَر ئو طومارِهَه اژ دس راس او گه نیشتوئی اَر تخت، سَنی.