فیلیپیَل 4:9 - کتاب مقدس به زبان لکی - گویش مرکزی

⁹ اَ چیئَه گه اژ مِنتو گِرتیَسا، ئو قبولتو کِردیَ، ئو اژ مِنتو شنَفتیَ ئو اِنوم مِنتو دیَ، هَر یوئنَ بارِنَ جا ئو خداءِ صُئل ئو سِلامتی ها گَرد هُمَه.

فیلیپیَل 4:9 Iomraidhean Croise

مَتّی 1:23

«اِسگَه، اوزا لَم پِرَ ماوتی، کُری ماریَ دی ئو نُمَ مَنِنیَ عِمانوئیل،» گه یانی ’خدا وَه‌گَرد ایمَه‘.

مَتّی 28:20

ئو تیَلیمو دَن تاگَه کُل چیئَلی گه فِربونم‌ئون داینونَ، بارنَ جا. اِسگَه مِه کُلِ روژی تاگَه آخِر ایی دنیا هامَ گَرد هُمَه!»

مَتّی 7:21

«نه هر کی مِنَ ’اِاِ خداون، اِاِ خداون‘ هِنا کِ مَچو اِنوم پاتِشائی آسمونا، بلکِم اَوَه گه خواس باوَه‌م گه ها آسمون‌اِر باریَ جا.

لوقا 6:46

«اَرِه‌چَه مِنَ ’آقا، آقا‘ هِناءَ مِهِینو، مِنتائای اَ چیئَه گه موشِم، اَنجوم نِمِینو؟

لوقا 8:21

مِنتائای عیسی جوواوا داتی: «دا ئو بِرال مِه کسَلی کِن گه کلوم خداءَ مَشتوئِن ئو مارِنیَ جا.»

یوحنا 13:17

اِسگَه گه یوئنِلَ مَذانینو، خَوزگالَ ووژتو اَرّ اونِلَ اَنجوم دِینو.

یوحنا 15:14

رِقیفَل مِه هُمِه‌ینو، اَرّ اَ چیئَه گه حکمَ مَهَم اَرینتو، اَنجوم بِینو.

یوحنا 2:5

دای وِتیَ خِلمتکارَل: «هر چی موشیَ بینتو، اَنجوم دَن.»

کارَل رسولَل 9:6

اِسگَه، هیزگِر بِچُ اِرَه شیَر. اَر اورَه موشِن‌ئونِت گه باس چَه بِهِین.»

رومیان 15:33

خداءِ صُئل‌وسِلامتی وَه‌گَرد کُلتو بو. آمین.

رومیان 16:20

خداءِ صُئل‌وسِلامتی هَرِ ایی زویَ شِطون اِژیر پال هُمَه مَتِلِنیا. فیض خداونمو عیسی مسیحَ گَردتو بو.

اول قرنتیان 10:31

اِسَه، چه هُاردِن چه خُرّ دائِن، یا هر کاری‌تِر گه مِهِینو، کُل اَرِه جِلال خدا بِهَن.

اول قرنتیان 14:33

اَرِیَگه خدا، خداءِ بی‌نظمی نیَ، بلکِم خداءِ صُئل ئو سِتارَ، هَرهُنَ گه اِنوم کُل کلیسائَل ایمودارَل مسیح هُنَسَ،

اول قرنتیان 4:16

اِسَه مَلالکِمَ بینتو اژ مِه سرمقشا بِگِرِن.

دوئِم قُرَنتیان 13:11

دُماخِرِ اِاِ بِرال، خَوشال بوئن؛ فگِرتو یَه بوءَ گه کاملا بوئینو؛ یَکتِری دلگُوئی دَن؛ هُم‌رِأ بوئن؛ ئو اِ صُئل‌وسِلامتی زِنِه‌ی بِهَن، ئو خداءِ مِحبت ئو صُئل‌وسِلامتی ها گَرد هُمَه.

فیلیپیَل 3:17

اِاِ بِرال، کُلتون اژ مِه سرمقشا بِگِرِن، ئو حُواستون اَر کسَلی بو گه مِطابق نمونه‌ی گه اژ ایمَه دیرینو، رفدارَ مَهَن.

فیلیپیَل 4:7

ئو صُئل ئو سِلامتی خدا گه اژ هَر فیَمی بِلِنگ‌تِرَ، دل ئو فگِرَلتون اِنوم مسیحْ عیسی حفظَ مِهِه.

اول تِسالونیکیَل 1:6

ئو هُمَه اژ ایمَه ئو اژ خداون سرمقشتو گِرت، اَرِیَگه هُمَه اِ عذاو فِرِه‌ی، وَه اَ خَوشیَ گه اژ روح‌القدسَ مای، چینون‌ِ گِرد کلوم خدا.

اول تِسالونیکیَل 2:14

اَرِیَگه اِاِ بِرال، هُمَه اژ کلیسائَل خدا اِ یهودیَه گه هان اِنوم مسیحْ عیسی، سرمقشتو گِرت. اَرِیَگه هُمِه‌یش هَراَ عذاوَلتونی اژ هُم‌‌خاکَل ووژتو دی گه اُوُ اژ یهودیَلو دی،

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

دوئِم تِسالونیکیَل 3:4

ایمَه اِنوم خداون اطمینونتونَ بی دیریم گه اَ چیئَه گه ایمَه حکمَ مِهِیمَ اَرینتو، دیرینو مارینون‌َ جا ئو هَمیش مارینون‌َ جا.

دوئِم تیموتائوس 4:22

خداونَ گَرد روحِ تو بو. فیضَ گَرد تو بو.

یعقوب 1:22

مِنتائای کسی بوئن گه کلوم اَنجومَ مِ، نه فَخَد اَوَه گه مَشتوئیتی؛ ووژتو فن نیَن!

دوئِم پطرس 1:10

اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو.

اول یوحنا 3:22

ئو هر چَمونی بِ، اَژینَ مَسینیمی، اَرِیَگه حکمَل اوءَ ماریمَ جا ئو اَ چیئَه گه خَوشالا مِهِیتی، اَنجومَ مِیم.