فیلیپیَل 4:6 - کتاب مقدس به زبان لکی - گویش مرکزی

⁶ دلتونِ هول هُیچی ناو، بلکِم اِ کُل چی وَه دوعا ئو اِمدای آوِردِن ئو شگِر کِردِن، چیئَلتونی گه مِ بوشِنَ خدا.

فیلیپیَل 4:6 Iomraidhean Croise

مَتّی 10:19

مِنتائای حِنی گه میَنتونَ دس دشمنا، هولتون اِرانَگِری گه چطور قصَه بِهِینو یاگَه چَه بوشینو. اَرِیَگه اَ موقَع اَ چیئَه گه باس بوشینو عطا ماوِنی‌ئونتو.

مَتّی 13:22

تُئمی گه کَت اِنوم دِرِکو، کسی کَ گه کلوم خداءَ مَشتوئی، مِنتائای دلِ‌هولی اَرِه ایی دنیا ئو فنی گه مالِ‌منالَ اِنسونَ مِ، اَ کلومَ خَفه مِهِه ئو بی‌ثمرَ مِهِیتی.

مَتّی 6:34

اِسَه هول صوتون اِرانَگِری، اَرِیَگه صو دلِ‌هولی ووژ دیری. سخدیَل ایمِرو اَرِه ایمِرو بسَ!

مَتّی 6:8

اِسَه چُی اونَل نوئن، اَرِیَگه باوَه آسمونی هُمَه وِر اژ یَگه اژ اوتو بِ، هَوَجَه‌لتونَ مَذانی.

لوقا 10:41

خداون جوواوا داتی: «مارتا! مارتا! چیئَل فِرِه‌ی دلِ‌هول ئو پریشونتا مِهِه،

لوقا 12:22

اَسَه عیسی وِتیَ شاگردَل ووژ: «اِسَه موشِم‌ئونتو، دلِ‌هول زِنِه‌ی ووژتو نوئن گه چَه بیرینو، ئو نه دلِ‌هول لارتو گه چَه بِهِینونِ وَرتو.

لوقا 12:29

اِسَه وَه دُم یَه‌آ نوئن گه چَه بیرینو یاگَه چَه خُرّ دِینو؛ دلتونِ هول نو.

لوقا 18:1

عیسی اَرِه شاگردَل وِتی تا نِشو دِ گه باس هَر دوعا بِهَن ئو هرگِس دلسردا نوئن.

لوقا 18:7

اِسَه، مَر خدا نِمَرَسیَ دای اونَلی گه ووژ دیاری کِردِنَسی گه شو ئو روژ اِمدایَ مارِنیِ درگا؟ یانی ایی کارَ هَراَ ماوژیِ دُما؟

اول قرنتیان 7:21

آیا موقِی گه دَوَت بین، نوکر بین؟ هُیچ ووژِت ناراحت نِهَه. مِنتائای اَرّ مَتونین آزادی ووژِت بارین‌َ دس، ایی مِجالَ اژ دس نیَ.

اول قرنتیان 7:32

مِه مِم گه هُمَه اِ هول هُیچی نوئینو. پیا مِجرد، ها هول فِربونَل خداون، ها هول یَگه چطور خداون اژ ووژ راضی بِهِه؛

دوئِم قُرَنتیان 1:11

هُمِه‌یش باس وَه دوعائَلتو ایمَه یاری دِینو، تاگَه آمَل فِرِه، وَه خاطر ایمَه اَرِه بِرَکتَلی گه خدا وَه‌سونگَ دوعائَل فِرَه کسَل داسیَ ایمَه، شگِرگزاری بِهَن.

اَفِسُسیَل 5:20

یِمِجو وَه نُم خداونمو عیسی مسیح اَرِه کُل چی شگِر خداءِ باوَه بِهَن.

اَفِسُسیَل 6:18

ئو اِ کُل زمونی، وَه کُلِ جور دوعا ئو لالکَ‌حُاس، اِنوم روح خدا دوعا بِهَن ئو اَرِه یَه وَه‌خَوَر ئو هوشیار بوئن، ئو یِسَر ئو وَه پایاری اَرِه کُل ایمودارَل مسیح دوعا بِهَن.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

کولُسیَل 3:17

ئو هرچی مِهِینو، اِ قصَه کِردِن یا کردار، کُل چی وَه نُم خداون عیسی اَنجوم دَن، ئو وَه‌سونگَ او شگِر خداءِ باوَه بِهَن.

کولُسیَل 4:2

وَه حُواس‌جیَمی ئو شگِر کِردِن، هَر بنیشِنَ دوعا کِردِن.

اول تیموتائوس 2:1

اِسَه، وِر اژ هرچی، تشویقَ مَهَم گه درخواستَل، دوعائَل، شِفاعتَل ئو شگِرگزاریَل اَرِه کُل مردِم باءَ جا،

اول تیموتائوس 5:5

اَوَه گه اِراسی بیوَه ئو بی‌کس مَنیَ، امید هایتی اَر خدا ئو شو ئو روژ هَراَ مَنیشیَ دوعا کِردِن ئو اِمدایَ ماری‌ اَر خدا.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 5:7

کُل دلِ‌هولیَلتو بسپارنَ او اَرِیَگه او ها فگِرتون‌اِر.