فیلیپیَل 3:6 - کتاب مقدس به زبان لکی - گویش مرکزی

⁶ اِ نظر خیرَت، کسی گه کلیسا آزارَ ماتی، اِ نظر صالح‌بیئینی گه اژ شریعتَ مای، بی‌عِو.

فیلیپیَل 3:6 Iomraidhean Croise

مَتّی 23:25

«هِرّو اَرِنتو اِاِ مَلِمَل تورات ئو شیخَل فرقَه فَریسی، اِاِ ریاکارَل! اَرِیَگه هُمَه رُی جُم ئو دُوری پاکا مِهِینو، مِنتائای نومو پِر اژ طَما ئو ووژتیمارکِردِنَ.

مَتّی 5:20

اَرِیَگه موشِم‌ئونتو، تا صالح‌بیئین هُمَه بیتِر اژ صالح‌بیئین مَلِمَل تورات ئو شیخَل فرقَه فَریسی ناو، هرگِس نِمَچینون اِنوم پاتِشائی آسمونا.

لوقا 1:6

اونَل هَردِک اَر وَر چیَم خدا آمَل صالحی بین ئو مِطابق کُل فِربونَل ئو حکمَل خداون، بی‌عِو رفدارونَ مَهَرد.

کارَل رسولَل 21:20

وخدی شنَفتو، خدائو جِلال دا. اَسَه وِتونَ پولُس: «بِرا، هُنَ گه موئینین هزارو یهودی ایمونو آوِردیَ ئو کُل اَرِه شریعت خیرَت دیرِن.

کارَل رسولَل 22:5

کاهن اعظم ئو کُل عضا شورا یهود مَتونِن شاتی بیَن اَر مِه، اَرِیَگه نُامَه‌لمی اژ اونَل، اَرِه بِرالون اِنوم دمشق گِرت تاگَه بِچِم اِرَه اورَه ئو اونَلی گه هان اَر اورَه اسیر کَم ئو اَرِیَگه سزا کارو بوئینِن، بارمون اِنوم شیَر اورشلیم.

کارَل رسولَل 26:5

اونَل هِر اژ قدیم مِنَ مَشتاسِن ئو اَرّ بِئو مَتونِن شاتی بیَن گه مِه مِطابق سخدگیرتِرین فرقَه دینمو، اِجور یِه فَریسی زِنِه‌یمَ مَهَرد.

کارَل رسولَل 8:3

مِنتائای سولُس کلیسا آزار ماتی ئو مال اَر مالَ مَجوریاتی، ژِنَل ئو پیالَ مَکیشیاتیَ دِریر ئو ماوشدِنیِ زندو.

رومیان 7:9

زمونی مِه جیا اژ شریعت زِنی بیم؛ مِنتائای وخدی حکِم شریعت یِهات، گنا زِنیا بی ئو مِه مِردِم.

اول قرنتیان 10:32

هُیچ‌کس نَرَنجِنِن، چه یهودیَل، چه یونانیَل ئو چه کلیسا خدا،

اول قرنتیان 15:9

اَرِیَگه اِنوم رسولَل مِن اژ کُل کمتِرِم، لیاخَت نِرِم گه بوشِن‌ئونِم رسول، اَرِیَگه مِه کلیسا خدام آزارَ ما.

فیلیپیَل 2:15

تاگَه بی‌عِو ئو بی یَگه تصقیرکار بوئینو، آیلَل بی‌عِو خدا بوئینو، اِنومجا نسِل تور ئو اَژرئی‌اِرهاتی‌ای گه هُمَه اِنومو اِجور نُیر اِنوم ایی دنیاءَ بِریقَه‌تونَ مای.

فیلیپیَل 3:9

ئو اِنوم او بوئمَ دی، نه وَه صالح‌بیئین ووژِم گه اژ شریعتَ، بلکِم وَه صالح‌بیئینی گه وَه‌سونگَ ایمون اَر مسیحَ مای، اَ صالح‌بیئینی گه اژ خداءَ ئو اَر پاءَ ایمونَ.

اول تیموتائوس 1:13

وَه‌یاآگه اِ قدیم کِفِرچی ئو ظالم بیم ئو زورمَ موئِت، مِنتائای ریَم بی اَرینِم، اَرِیَگه اژ بی‌ایمونی نایونیِم کِرد.