فیلیپیَل 3:20 - کتاب مقدس به زبان لکی - گویش مرکزی

²⁰ مِنتائای ایمَه اَل آسمونیم، ئو وَه شوقا چیَمَ‌رئی نجاددهندَه، یانی خداون عیسی مسیح، اژ اوریمَ.

فیلیپیَل 3:20 Iomraidhean Croise

مَتّی 19:21

عیسی جوواو داتی: «اَرّ میا کاملا بوئین، بِچُ ئو اَ چیئَه گه دیرین بفِروش ئو پیل بِیتیَ ژارَل، گه اِنوم آسمو گنج دیرین. اَسَه بورَ تُرّ مِنا.»

لوقا 12:21

یَسَ عاقویَت کسی گه اَرِه ووژ مال‌ِمنال جیَمَ مِ، مِنتائای اَرِه خدا ثرودمن نیَ.»

لوقا 14:14

گه بِرَکتَ مَگِرین؛ اَرِیَگه اونَل چیئی نِرِن گه عیوَضت‌ئون بیَن‌ِ دُما، ئو اِ روژ قیومت، گه آمَل صالح زِنیا موئن، عیوَض ووژتَ مَگِرینِ دُما.»

کارَل رسولَل 1:11

ئو وِتو: «اِاِ پیال جلیلی، اَرّا هوسیاینونَ ئو گِزتو کِردیَس اَر آسمو؟ هَر ایی عیسیَ گه اژ تک هُمَه ویرِ آسمو بَریا، هَرهُنَ گه دیتو چی اَر آسمو اِدوارَه گِلامیریِ دُما.»

اول قرنتیان 1:7

اِسَه هُنَ گه چیَمَ‌رئی گِلاهُاردِن خداونمو عیسی مسیحینو، اژ هُیچ عطاءِ روح‌القدس بی‌نَصُی نیئینو.

اول قرنتیان 15:48

هَراَ جورَ گه اِنسو خاکی بی، کسَلی‌شی گه اژ خاکِن، هُنَئنَ؛ ئو هَراَ جورَ گه اِنسو آسمونیَ، کسَلی گه آسمونیِن، هُنَئنَ.

دوئِم قُرَنتیان 4:18

اِسَه ایمَه نه اَر چیئَلی گه ماو بوئینیو، بلکِم اَر چیئَلی گه نِماو بوئینیو گِزمو کِردیَ، اَرِیَگه چیئَلی گه ماو بوئینیو مَگُذَرِن، مِنتائای چیئَلی گه نِماو بوئینیو ابدیِن.

دوئِم قُرَنتیان 5:8

اَاَ، جسوریم، ئو ایمَه یَه بیتِرَ مَذانیم گه اژ ایی لارَ دویر بوئیمو ئو اَرتَک خداون مالمو داشدوئی.

غَلاطیَل 4:26

مِنتائای اورشلیم آسمونی آزادَ، ئو دا کُل ایمِئَه.

اَفِسُسیَل 2:19

اِسَه هُمَه دیَر نه بیگونَه ئو نه اَژنَوی، بلکِم هُم‌خاک ایمودارَل مسیح ئو اژ هوز خدائینو؛

اَفِسُسیَل 2:6

ئو خدا وَه‌گَرد مسیح زِنیا کِردیمی ئو وَه‌گَرد مسیحْ عیسی نیشونی اَر جائَل آسمونی،

فیلیپیَل 1:10

تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

کولُسیَل 1:5

گه یوئنَ اژ امیدی گه اِ آسمو اَرِه هُمِه‌ئو هُیشتیَ مای، گه وِرِکار اِنوم کلوم حخیخت یانی انجیلتو شنَفتیَ،

اول تِسالونیکیَل 1:10

ئو چیَمَ‌رئی هاتِن کُر خدا اژ آسمو بوئینو، گه خدا او اژ مِردیَل زِنیا کِردی، یانی عیسی گه ایمَه اژ خَضوئی گه میا بای، نجادَ مِ.

اول تِسالونیکیَل 4:16

اَرِیَگه خداون ووژ وَه حکمی گه وَه قارَه کَلِنگ، وَه دَنگ رِئیس فریشدَه‌ل ئو دَنگ شِپور خدا، اژ آسمونَ ماءَ هُار. ئو اول‌بار مِردیَل اِنوم مسیح، هیزَمَگِرِن.

دوئِم تیموتائوس 4:8

اَژیرِ دُما تاج صالح‌بیئین اَرِنِم آماده‌ءَ، تاجی گه خداون، اَ داور عادلَ، اِ اَ روژَ موئَشخِتیَ مِه -نه فَخَد وَه مِه بلکِم وَه کُل کسَلی گه وَه دارا بینَ اَرِه ظاهربیئِنی.

تیتوس 2:13

هَرهُنَ گه چیَمَ‌رئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَه‌مو عیسی مسیح،

عِبرانیَل 12:22

مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال،

عِبرانیَل 9:28

اِسَه مسیح‌یش گه یِه گِل قُرونی بی تا گنائَل فِرَه کسَل بِگِریِ کول، اَرِه گِل دوئِم ظاهرَ ماو، نه اَرِیَگه گنائَل هیزدِ، بلکِم تاگَه کسَلی گه وَه شوقا چیَمَ‌رئیِنی، نجاد دِ.

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.