فیلیپیَل 3:1 - کتاب مقدس به زبان لکی - گویش مرکزی

¹ دُماخِرِ اِاِ بِرال، اِنوم خداون خَوشالی بِهَن. نُیسونِن هَرایی چیئِلَ زیَمَتی اَرِه مِه نِری بلکِم اَرِه یَسَ گه هُمَه اِ اَمو بوئینو.

فیلیپیَل 3:1 Iomraidhean Croise

مَتّی 5:12

خَوشال بوئن ئو خَوشی بِهَن اَرِیَگه اَجِرتون اِنوم آسمو فِرَه کَلِنگَ. اَرِیَگه هَرِ ایی جورَ پِخَمَرَلونی آزار دا گه وِر اژ هُمَه بین.

لوقا 1:47

ئو روحِم اِنوم نجاددهندَه‌م خدا، خَوشالیَ مِهِه،

رومیان 5:11

نه فَخَد یَه، بلکِم ایمَه وَه‌سونگَ خداونمو عیسی مسیح گه وَه‌سونگَ او صُئل خدا بیَسَ نَصُیمو، اِنوم خدا خَوشیَ مِهِیم.

دوئِم قُرَنتیان 13:11

دُماخِرِ اِاِ بِرال، خَوشال بوئن؛ فگِرتو یَه بوءَ گه کاملا بوئینو؛ یَکتِری دلگُوئی دَن؛ هُم‌رِأ بوئن؛ ئو اِ صُئل‌وسِلامتی زِنِه‌ی بِهَن، ئو خداءِ مِحبت ئو صُئل‌وسِلامتی ها گَرد هُمَه.

اَفِسُسیَل 6:10

خلاصَه، اِنوم خداون ئو اِ قویَتی گه اژ قدِرت اوءَ مای، زوردار بوئن.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

فیلیپیَل 4:4

هَر اِنوم خداون خَوشال بوئن، اِدوارَه موشِم: خَوشال بوئن.

فیلیپیَل 4:8

دُماخِرِ، اِاِ بِرال، هر چی گه راسَ، هر چی گه عزّت دیری، هر چی گه دُریسَ، هر چی گه پاکَ، هر چی گه باوِ دلَ، هر چی گه لائق شگِر کِردِنَ، اَرّ فِرَه خوءَ، اَرّ لائق شگِر کِردِنَ، وَه ایی چیئِلَ فگِر بِهَن.

اول تِسالونیکیَل 4:1

دُماخِرِ، اِاِ بِرال، ایمَه اِنوم خداون عیسی مَلالکیمَ بینتو ئو خواهشد اَژینتونَ مِهِیم، هُنَ گه اژ ایمَه‌تو گِرتا گه چطور باس زِنِه‌ی بِهِینو ئو وَه دل خدا بوئینو، هَرهُنَ گه دیرینو مِهِینو، هَر یَه ویشتِرِ ویشتِر بِهَن.

اول تِسالونیکیَل 5:16

هَر خَوشال بوئن.

یعقوب 1:2

بِرال، وخدی هُمَه مَکُوئینون اِنوم اِنتحونَل جوراجور، تا مَتونینو خَوشی بِهَن!

اول پطرس 3:8

آخِرسر، کُلتو هُم‌رِأ، هُم‌دل ئو بِرادوس ئو دلسوز ئو فِروتن بوئن.

اول پطرس 4:13

بلکِم اژ یَگه شیَریک عذاوَل مسیحَ موئینو خَوشال بوئن، تا موقَع ظاهربیئِن جِلال او وَه خَوشی دودَسمالَه بِگِرینو.

دوئِم پطرس 3:1

اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت،