فیلیپیَل 2:3 - کتاب مقدس به زبان لکی - گویش مرکزی

³ اژ حرصی گه اژ خودخواهیَ یا قُراتی هُیچ کاری نَهَن بلکِم وَه تاواضی باقی اژ ووژتو بیتِر بِذانِن.

فیلیپیَل 2:3 Iomraidhean Croise

لوقا 18:14

موشِم‌ئونتو، ایی پیا خِراجگیرَ صالح وَه حساو یِهات ئو چی اِرَه مال، نه اَ یَکَ. اَرِیَگه هر کی ووژ بیَریِ رُ، خوارَ ماو ئو هر کی ووژ فِروتنا کِ، سربِلِنگا ماو.»

رومیان 12:10

یَکتِریتون اِجور بِرا دوس داشدوئی. اِ عزّت نائن اَر یَکتِری، بیَن اَر قِ یَکا.

رومیان 13:13

بورِن هُنَ دُریس رفدار بِهِیم گه هَماری هایمون اِنوم روشتایی روژاِر نه اِنوم عِیاشی ئو مَسی، نه اِنوم بی‌عصمتی ئو خیزی، نه اِنوم جنگ ئو حَسوئی،

رومیان 2:8

مِنتائای خِض ئو خَضوءَ ماری اَرسر کسَلی گه هَر هانِ فگِر ووژونا ئو اژ حخیخت اطاعت نِمَهَن بلکِم اژ ناراسی اطاعتَ مَهَن.

اول قرنتیان 15:9

اَرِیَگه اِنوم رسولَل مِن اژ کُل کمتِرِم، لیاخَت نِرِم گه بوشِن‌ئونِم رسول، اَرِیَگه مِه کلیسا خدام آزارَ ما.

اول قرنتیان 3:3

اَرِیَگه هَنی جسمونیئینو. وخدی حَسوئی ئو جَرّ ها نومتون‌اِر، یَه نشونَه یَه نیَ گه جسمونیئینو ئو رفدارتو اِجور آمَلی‌تِرَ؟

دوئِم قُرَنتیان 12:20

اَرِیَگه زِلَمَ مَچو گه هایتِر وخدی بام اَرِه تَکتو هُمَه اَجورَ گه مِم، نوئینِم، ئو هُمِه‌یش اَجورَ گه مِتو، مِه نوئینینو. زِلَمَ مَچو گه اَر اورَه قی، حَسوئی، خِض، دشمنی، کینَت، بُختِم، خِوَت، قُراتی ئو بی‌نظمی بو.

غَلاطیَل 5:15

مِنتائای اَرّ وَه قَپ ئو دِنو بِچینونِ گیژ یَک، حُواستو بو گه وَه دس یَکتِری اژ بِن نَچینو.

غَلاطیَل 5:26

اِلَکی کِلَچ نوئیم ئو اژ عصبونی کِردِن یَکتِری ئو حَسوئی کِردِن اَر یَکتِری دس هیزدِیم.

اَفِسُسیَل 4:2

اِ تاواضی کامل ئو مِلائمت، وَه صبِر ئو اِنوم مِحبت یَکتِری تیَمِل بِهَن.

اَفِسُسیَل 5:21

وَه خاطر قُرپی گه مسیح اَر تَکتو دیری، فِربوبَر یَکتِری بوئن.

فیلیپیَل 2:14

هر کاری بی‌خُت‌خَت ئو بی‌دَمَرَگَه اَنجوم دَن،

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

کولُسیَل 3:8

مِنتائای اِسگَه باس کُل یوئنَ اژ ووژتو دویرا کِینو، یانی خِض، خَضو، گَن هِستِن اَرِه یَکتِری، بُختِم ئو قصَه‌ل گَنی گه اژ دَمتون‌ اِرَمای.

اول تیموتائوس 6:4

اژ قُراتی مَس بیَ ئو هُیچ نِمَفیَمی. هُنَ کسی ها هَلگَ‌هَلگ‌اِر اَرِه دَمَرَگَ ئو بَث اَر سر کِلمَه‌ل، گه اَژینی حَسوئی ئو مِرافَه ئو دُشمین ئو بدگُمونی هیزَمَگِری

اول پطرس 3:8

آخِرسر، کُلتو هُم‌رِأ، هُم‌دل ئو بِرادوس ئو دلسوز ئو فِروتن بوئن.

اول پطرس 5:5

هُمِه‌یش اِاِ جِهالَل، فِربوبَر شیخَل بوئن. کُلتو اِ رفدارتو وَه‌گَرد یَکتِری جِنِک تاواضی بِهَنِ وَر، اَرِیَگه، «خدا موسی اَر نوا کسَلی گه قُراتِن، مِنتائای فیضَ موئَشخیَ کسَلی گه فِروتنِن.»