فیلیپیَل 2:29 - کتاب مقدس به زبان لکی - گویش مرکزی

²⁹ اِسَه اِنوم خداون وَه خَوشی کامل، بِچِنیِ گِرد ئو عزّت بِنِن اَر هُنَ کسَلی.

فیلیپیَل 2:29 Iomraidhean Croise

لوقا 9:5

ئو هر جا گه مردِم هُمِه‌ئون‌ِ گِرد نِئیشت، وخدی اژ اَ شیَرَ مِهِینونَ دِریر، توز پال ووژتو بِتَکِنِن تاگَه شاتی‌ای بو اَرضد اُوُ گه خَضو خدا ما اَر سرو.»

یوحنا 13:20

حخیختاً، موشِمَ بینتو، هر کی بِچوءِ گِرد اَوَه گه مِه کِلَ‌مَهَمی، چیَسِ گِرد مِه، ئو هر کی بِچوءِ گِرد مِه، چیَسِ گِرد اَوَه گه مِه کِل‌کِردیَسی.»

کارَل رسولَل 2:46

اونَل کُلِ روژی یِه دل اِنوم معبد جیَمَ موئیان اَر دور یَکا ئو اِنوم مالَلو نونو کُتا مَهَرد، ئو وَه خَوشی ئو دسِ‌دلوازی وَه‌گَرد یَک خوراکونَ مَهُارد

کارَل رسولَل 28:10

اونَل فِرَه عزّتونَ مَنیا اَر ایمَه، ئو حِنی گه مِهِستمو وَه کَشتیا بِچیم، هر چی گه اِکَلمو بی اَرِنمو تیارِکو دی.

کارَل رسولَل 8:8

وَه ایی خاطرَ، خَوشی فِرِه اَ شیَرَ اِراگِرتی.

رومیان 10:15

ئو چطور موعظَه بِهَن، اَرّ کِل‌نوئن؟ هَرهُنَ گه اِنوم کِتاو اِشعیا پِخَمَر نُیسیاءَ: «چَنی رنگینَ پال کسَلی گه خَوَر خَوش انجیل اِلومَ مَهَن.»

رومیان 16:2

تاگَه هَراَ جورَ گه لائق ایمودارَل مسیحَ، اِنوم خداون، بِچینونیِ گِرد ئو اِ هر چیئی گه هَوَجِه‌ کَتی‌ئورتو، یاری دَنی، اَرِیَگه او یاری فِرِه، داسیَ فِرَه کسَل، هَمیش وَه مِه ووژِم.

اول قرنتیان 16:10

وخدی تیموتائوس هات، حُواستو بو گه اَر تک هُمَه هُیچ دل اِ هول ناوتی. اَرِیَگه اویش اِجور مِه خِلمت اژ خداونَ مِهِه؛

اول قرنتیان 16:18

اَرِیَگه اونَل روح مِه ئو هَمیش روح هُمِه‌ئو تازه‌آ کِردیَ. هُنَ کسَلی بشتاسِن.

دوئِم قُرَنتیان 10:18

اَرِیَگه کسی گه اژ ووژ تیَریفَ مِهِه قبول نِماو، بلکِم اَ کسَ گه خدا اَژی تیَریف کِیتی.

دوئِم قُرَنتیان 7:2

جای اِنوم دلَلتو اَرِه ایمَه واز بِهَن. ایمَه ظلممون اَر کس نَهَردیَ، باعث نوئیمونَ کس خِراو بو ئو اژ کس وَه نفع ووژمو استفادَه‌مو نَهَردیَ.

فیلیپیَل 2:28

اِسَه مِه ویشتِر شوق دیرِم گه کِل‌کَمی، تاگَه هُمَه اِدوارَه اژ یَگه موئینینونی خَوشالا بوئینو، ئو خُصَه مِن‌یش کمتِرا بو.

کولُسیَل 4:10

آریستارخوس گه وَه‌گَرد مِه ها زندون‌اِر، سِلامَ مَرَسِنیَ بینتو؛ هَمیش مَرقُس، تاتِزا برنابا(گه وِرِکار امونَتَلمی اِبارَه او داءَ- گه هروخد هات اَرِه تَکتو، وَه گرمی بِچِنیِ گِرد)

اول تِسالونیکیَل 5:12

اِاِ بِرال، خواهشد اَژینتونَ مِهِیم عزّت بِنِن اَر کسَلی گه اِنومتو زیَمَتَ مَکیشِن ئو اِنوم خداون رَبَرَل هُمَه‌ن ئو مِناتونَ مَهَن.

اول تیموتائوس 5:17

شیخَلی گه خو رَبَریَ مَهَن، لائق عزّت دو بِرُوَرِن، مصخوصاً اونَلی گه اِ کار موعظَه ئو تیَلیم زیَمَتَ مَکیشِن.

عِبرانیَل 13:17

اژ رَبَرَلتو اطاعت کَن ئو فِربوبَرو بوئن؛ اَرِیَگه اونَل اژ گیونَل هُمَه پاسبونیَ مَهَن، وَه‌چوینا گه باس حساو بیَنَ دُما. بِیلِن ایی کارَ وَه خَوشی اَنجوم دَن نه وَه نُیزنَز، اَرِیَگه یَه وَه نفع هُمَه نیَ.

سِئِم یوحنا 1:10

اِسَه اَرّ بام اِرَه تَکتو، کارَلی گه اَنجومَ مِ ئو چِنَه‌ل مِفتی گه اَرضد ایمَه موشی اَرِنتو تیَریفَ مَهَم. ئو وَه یوئیشَ قانی نیَ، بِرال اِگِرد نِمِیلی ئو نوا کسَلی‌شی مَگِری گه میا رئی بیَنَ بِرال ئو اژ کلیسا ماوژیونَ دِریر.