فیلیپیَل 2:17 - کتاب مقدس به زبان لکی - گویش مرکزی

¹⁷ جُ‌جُ اَرّ لازم بو خوین مِه اِجور شِراوی گه وَخم بیَ، بِرِشی‌ اَر رُی پیشکَشی قُرونی ایمو هُمَه، خَوشالِم ئو وَه‌گَرد کُل هُمَه خَوشیَ مَهَم.

فیلیپیَل 2:17 Iomraidhean Croise

کارَل رسولَل 20:24

مِنتائای مِه گیونمَ هُیچَ حساوَ مارِم، ئو ارزشدمی اَرِه نِری، اَرّ فَخَد بتونِم دور ووژِم ئو خِلمَتی گه اژ خداون عیسی‌م گِرتیَ تمومِ‌کمال اَنجوم دَم، گه هَراَ شاتی دائِن اَر خَوَر خَوش فیضِ خداسَ.

کارَل رسولَل 21:13

مِنتائای پولُس جوواوا داتی: «یَه چه کاری کَ مِهِینو؟ اَرچَه مَگیرینون ئو دل مِنَ مَشکِنینو؟ مِن اَرِه نُم خداون عیسی، حاضرِم نه فَخَد بِکُوئِمِ زندو، بلکِم اِنوم شیَر اورشلیم بِمِرِم.»

رومیان 12:1

اِسَه اِاِ بِرال، وَه خاطر ریَمَتَل خدا، خواهشدتون اَژینَ مَهَم گه لارَلتون اِجور قُرونی زِنی ئو مقدّس ئو وَه دل خدا پیشکَش بِهَن گه عَبادت روحانی هُمَه هَر یَسَ.

رومیان 15:16

تاگَه خادم مسیحْ عیسی اَرِه خِرِیهودیَل بوئم ئو اِجور کاهنی اِ خِلمت انجیل خدا، تاگَه خِرِیهودیَل پیشکَشی باوِ دل خدا بوئن گه وَه‌سونگَ روح‌القدس تقدیس بیَ.

دوئِم قُرَنتیان 12:15

مِن اَرِه گیونَل هُمَه، وَه خَوشی خرجَ مَهَم ئو گیون‌یشمَ مَهَمَ خِرتو. اَرّ مِه هُمَه ویشتِر دوس دیرِم یانی باس کمتِر مِحبت بوئینِم؟

دوئِم قُرَنتیان 4:12

اِسَه مرگ اِنوم ایمَه عملَ مِهِه، مِنتائای ژییاین اِنوم هُمَه.

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

دوئِم قُرَنتیان 7:4

مِه اِتِماد کامل اَر هُمَه دیرِم، فِرَه مَنازِمَ بینتو؛ پِر اژ دلگُوئیِم، ئو اِ کُل سخدیَلمو مِه پِر اژ خَوشیِم.

فیلیپیَل 1:20

هُنَ گه وَه شوقا چیَمَ‌رئیِم ئو امید دیرِم گه اِ هُیچی خجالتا نوئم، بلکِم اِسگِه‌یشَ اِجور همیشَه وَه جورَت کامل، مسیح اِنوم لار مِه جِلالَ مَگِری، چه وَه زِنِه‌ی چه وَه مرگ.

فیلیپیَل 2:18

هُمِه‌یش باس هَرهُنَ خَوشال بوئینو ئو وَه‌گَرد مِه خَوشی بِهِینو.

فیلیپیَل 2:30

اَرِیَگه اَرِه خِلمت اَر مسیح تا مِردِن چی، ئو اَرِه تِلافَتی کمِ‌کسری خِلمت هُمَه اَر مِه گیو ووژ آوشدیِ خطراِر.

فیلیپیَل 4:18

اَ پیلمَ کامل گِرت ئو جُ‌جُ ویشتِر. ئو اِسگَه گه پیشکَشیَلی گه هُمَه کِلتوکردیَ، اژ اِپافْرودیتوسِم گِرتیَ، کُل چی دیرِم، گه یِه پیشکَشی خَوشبو ئو قُرونی قابلِ قبول ئو وَه دل خدای کَ.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

اول تِسالونیکیَل 2:8

اَخَ دوسمو داشدینو گه حاضر بیمو گه نه فَخَد انجیل برَسِنیمَ بینتو بلکِم گیون‌یشمو اَرِنتو بِیم، اَرِیَگه هُمَه فِرَه اَرِنمو عزیزا بوئینو.

دوئِم تیموتائوس 4:6

اَرِیَگه خوین مِه هَراِسگَه اِجور پیشکَشی شِراو، دیری مَرِشی‌اِرا ئو وخد چیئِنِم اژ ایی دنیاءَ رَسیَ.

اول پطرس 2:5

هُمِه‌یش ووژتو اِجور بَردَل زِنی اِطور مال روحانی‌ای بِناءَ موئینو تا کاهنَل مقدّسی بوئینو گه وَه‌سونگَ عیسی مسیح، قُرونیَل روحانی‌ای گه خدا قبولَ مِهِه تقدیم بِهِینو.

اول یوحنا 3:16

ایمَه دوس داشدِنمو اژ یَه شناسیَ گه او گیو ووژ کِردیَ خِر ایمَه ئو ایمِه‌یش باس گیو ووژمو بِهِیمَ خِر بِرال.