فیلیپیَل 2:15 - کتاب مقدس به زبان لکی - گویش مرکزی

¹⁵ تاگَه بی‌عِو ئو بی یَگه تصقیرکار بوئینو، آیلَل بی‌عِو خدا بوئینو، اِنومجا نسِل تور ئو اَژرئی‌اِرهاتی‌ای گه هُمَه اِنومو اِجور نُیر اِنوم ایی دنیاءَ بِریقَه‌تونَ مای.

فیلیپیَل 2:15 Iomraidhean Croise

مَتّی 10:16

«حُواستو بو، مِه هُمَل چُی کاوِرَل کِلَ‌مَهَم اِرَه نومجا گُرگَل. اِسَه چُی مار هوشیار بوئن ئو چُی کموتر سادَه.

مَتّی 17:17

عیسی جوواو داتی: «اِاِ نسِل بی‌ایمون ئو اَژرئی‌اِرهاتی، تاگَه کِ باس وَه‌گَرد هُمَه بوئم؟ تاگَه کِ باس تیَمِلتو کَم؟ بارنی اِرَه تک مِه.»

مَتّی 5:45

تاگَه آیلَل باوَه ووژتو گه ها نوم آسمون‌اِر، بوئینو. اَرِیَگه او هویَر ووژَ ماوژی اَر آمَل گَن ئو خو ئو وارُ ووژَ ماوارِنی اَر آمَل عادل ئو ظالم.

مَتّی 5:48

اِسَه هُمَه کامل بوئن هُنَ گه باوَه آسمونی هُمَه کاملَ.

لوقا 1:6

اونَل هَردِک اَر وَر چیَم خدا آمَل صالحی بین ئو مِطابق کُل فِربونَل ئو حکمَل خداون، بی‌عِو رفدارونَ مَهَرد.

لوقا 6:35

مِنتائای هُمَه، دشمنَلتو دوس داشدوئی ئو خوئی بِهَنَ اَرینو، ئو بی‌یَگه چیَمَ‌رئی تِلافَتی بوئینو، قَرت بیَن‌ئونو، اَرِیَگه اَجِرتو فِرِهءَ، ئو موئینونَ آیلَل خداءِ متعال، اَرِیَگه او وَه‌گَرد ناشُگیرَل ئو گَنَ‌کارَل مِرِبونَ.

یوحنا 5:35

یحیی چراخی بی گه مَسُت ئو مَدَرَشخیا، ئو هُمَه هِستو گِری اِنوم نُیر او خَوشی بِهِینو.

کارَل رسولَل 2:40

پطرس وَه قصَه‌ل فِرِه‌ی‌تِر شاتی داتی ئو تشویقو کِردی، وِتی: «ووژتون اژ ایی نسِل اَژرئی‌اِرهاتیَ نجاد دَن!»

کارَل رسولَل 20:30

جُ‌جُ اِنوم ووژتو کسَلی هیزَمَگِرِن ئو حخیخت چاوارشاآ مَهَن تاگَه شاگردَل بِکیشِنَ دُم ووژونا.

رومیان 16:19

اَرِیَگه کُل اژ فِربوبَری هُمَه خَوَر دیرِن؛ اِسَه مِن اَرِه هُمَه فِرَه خَوشالِم. مِنتائای اژ هُمَه‌مَ مِ گه اِ خوئی دونا، ئو اِ گَنی، سادَه بوئینو.

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

دوئِم قُرَنتیان 6:17

اِسَه خداون اِ کِتاوَل پِخَمَرَل موشی: «اژ نوم اونَ بورنَ دِریر ئو جیاآ بوئن اَژینو. ئو دس نَنِن اَر هُیچ چی نِجسی ئو مِه وَه رُی خَوشَ مَچِمِ گِرد هُمَه.»

اَفِسُسیَل 5:27

ئو کلیسا اِ اَ جِلال ئو رنگینیَ گه دیری باری اَرِه تک ووژ بی‌هُیچ لکَه ئو لوچی ئو هُنَ چیئَلی، تا کلیسا مقدّس ئو بی‌عِو بو.

فیلیپیَل 1:10

تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

فیلیپیَل 3:6

اِ نظر خیرَت، کسی گه کلیسا آزارَ ماتی، اِ نظر صالح‌بیئینی گه اژ شریعتَ مای، بی‌عِو.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

اول تیموتائوس 3:10

ئو باس اول‌بار اِنتحو بوئن، اَرّ بی‌عِو بین، اَسَه بِیلِن اِ کار شمّاسی خِلمت بِهَن.

اول تیموتائوس 3:2

اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

اول تیموتائوس 5:14

اِسَه عخیدَه مِه یَسَ گه بیوَه‌ل جِهال‌تِر شوی بِهَن، آویل بارِن ئو بوئنَ کِنو ئو مِجال گَنی وِتِنَ دشمن نیَن.

اول تیموتائوس 5:20

مِنتائای اَر تک کُل، خِض بِهَه اَر اونَلی گه هَر هانِ گنا کِردِن‌اِر تاگَه کسَلی‌تِر زِلِئو بِچو.

اول تیموتائوس 5:7

ایی چیئِلَ فِربو بیَ بینو تا چیئی اِ زِنِه‌یو ناو گه وَه خاطر اَوَه خِض بو اَرینو.

تیتوس 1:6

شیخ کلیسا باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری ئو میردَه یِه ژَن بو ئو آیلَل باایمونی داشدوئیتی گه اژ هر جور بُختِم خیزی ئو توری دویر بوئن.

تیتوس 2:10

دُزی نَهَن، بلکِم تمومِ‌کمال ایمو خو نِشو بیَن تا اِ کُل چی رنگینی تیَلیم نجاددهندَه‌مو، خدا، نِشو دَن.

تیتوس 2:15

یوئنَ بوش، ئو وَه قدِرت‌واختیار کامل تشویق ئو تنبیه بِهَه، ئو نِیل کسی تونَ نِئیَ بِگِری.

عِبرانیَل 7:26

اَرِیَگه اِراسی ایمَه هُنَ کاهن اعظممونی اِکَل بی، کاهن قدوس، بی‌عِو، بی‌لکَه، جیا اژ گناکارَل، ئو جِلال گِرتی بِلِنگ‌تِر اژ آسمونَل.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

دوئِم پطرس 3:14

اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو.

مِکاشفَه 2:5

اِسَه بارَ ویر گه اژ کو کَتینَس‌اِرا. توئَه بِهَه ئو کارَلی گه اول‌بارِت کِرد، بِهَه. اَرّ نِهِین، مِنَ مام اِرَه تَکِت ئو چراخدونت اژ جا ووژ هیزَمیَم، مَر یَگه توئَه بِهِین.

مِکاشفَه 3:9

سِیل کَ، اونَلی گه اژ عَبادتگا شِطونِن ئو ووژونَ یهودیَ مَذانِن ئو نیِن بلکِم دِروءَ موشِن، اِسگَه، مَنِم اَر مِلو گه بان ئو بِکُوئِنِ وَر پائلِت، ئو مَفیَمِن گه مِه دوسِم داشدینَ.