فیلیپیَل 2:1 - کتاب مقدس به زبان لکی - گویش مرکزی

¹ اِسَه اَرّ دلگرمی‌ای اِنوم مسیح هَس، اَرّ دلگُوئی اژ مِحبت هَس، اَرّ رِقیفی اِنوم روحِ خدا هَس، اَرّ ریَم ئو دلسوزی هَس،

فیلیپیَل 2:1 Iomraidhean Croise

لوقا 2:25

اِ اَ زمونَ، پیا صالح ئو دینداری، شَمعون نُم، اِنوم اورشلیم زِنِه‌یَ مَهَردی گه چیَمَ‌رئی دلگُوئی قوم اسرائیل بی ئو روح‌القدس اَررُی بیتی.

یوحنا 14:18

«بی‌کس نِمِیلِمتو؛ مام اَرِه تَکتو.

یوحنا 14:27

اَرِه هُمَه سِتارَ مِیلِمَ جا؛ سِتار ووژمَ میَمَ بینتو. اَ چیئَه گه مِنَ میَمَ بینتو، اِجور اَ سِتاری نیَ گه دنیا مِئَه بینتو. سِتار اژ دلتو نُئِری ئو هِراسو نوئن.

یوحنا 17:13

مِنتائای اِسگَه مام اَرِه تک تو، ئو ایی قصه‌لَ وخدی موشِم گه هَنی هام اِنوم ایی دنیا، تاگَه خَوشی مِن اِنوم ووژو کامل داشدوئی

کارَل رسولَل 2:46

اونَل کُلِ روژی یِه دل اِنوم معبد جیَمَ موئیان اَر دور یَکا ئو اِنوم مالَلو نونو کُتا مَهَرد، ئو وَه خَوشی ئو دسِ‌دلوازی وَه‌گَرد یَک خوراکونَ مَهُارد

کارَل رسولَل 4:32

کُل ایمودارَل اژ دل ئو گیو یَکی بین ئو هُیچ کس چیئی اژ دارِنداری هِن ووژ نِمَذِناسدی، بلکِم اِ کُل چی وَه‌گَرد یَک هُم‌بیَر بین.

رومیان 5:5

ئو امید، ایمَه خجالتا نِمِهِه، اَرِیَگه مِحبت خدا وَه‌سونگَ روح‌القدس گه بَشخیاس‌ئونمو، رِشیاس اِنوم دلَلمو.

رومیان 8:26

ئو هَرهُنَ روحِ خدا اِنوم ضیَف ایمَه یاریمونَ مِ، اَرِیَگه نِمَذانیم باس چطور دوعا بِهِیم. مِنتائای روحِ خدا، ووژ وَه نُیزَه‌لی گه نِماو بوشیو، اَرِه ایمَه شِفاعتَ مِهِه.

اول قرنتیان 12:13

اَرِیَگه کُل ایمَه، چه یهود ئو چه یونانی، چه نوکر ئو چه آزاد، اِنوم یِه روح، وَه یِه لار تیَمیدمو گِرتیَ؛ ئو کُل ایمَه اژ یِه روح خُرّمو داءَ.

اول قرنتیان 15:31

بِرال، وَه افتخاری گه اَرتَک خداونمو مسیحْ عیسی اَرینتونَ مَهَم، قسم، مِه کُلِ روژی مِردِنَ چیَمَ موئینِم.

اول قرنتیان 3:16

یانی نِمَذانینو گه معبد خدائینو ئو روحِ خدا لیز گِرتیَس اِنوم هُمَه؟

دوئِم قُرَنتیان 13:14

فیض خداون عیسی مسیح ئو مِحبت خدا ئو رِقیفی روح‌القدس، وَه‌گَرد کُلتو بو.

دوئِم قُرَنتیان 2:14

مِنتائای شگِر اَرِه خدا گه هَر اِ مسیح، ایمَه اِ صف کسَلی گه بِردونَسا رَبَریَ مِهِه، ئو عطِر خَوش شناخت ووژ وَه‌سونگَ ایمَه اِ کُل جا پَشخا مِهِه.

غَلاطیَل 4:6

اِسَه وَه خاطر یَگه آیلَلینو، خدا روحِ کُر ووژ کِل‌کِردی اِنوم دلَلمو گه دایَ ماتی، «اَبّا!» یانی «باوَه!»

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

اَفِسُسیَل 4:4

هَرهُنَ گه یِه لار ئو یِه روح هَس، خدایش گه دَوَت اَژینتو گِرتیَسی، یِه امید داسیَ بینتو؛

فیلیپیَل 1:8

اَرِیَگه خدا شاتَ گه وَه مِحبت مسیحْ عیسی، اَرِه هُمَه کُل شوق دیرِم.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

کولُسیَل 2:2

تاگَه دلگرم بوئن، اِنوم مِحبت بوئنَ یَکی ئو اژ پِری بی‌حدِحساو اطمینو کاملی گه اژ فیَمَ ماءَ دس بیَردارا بوئن ئو هُنَ راز خدا گه مسیحَ، بفیَمِن.

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

عِبرانیَل 6:18

تا وَه‌سونگَ دو چی گه عوض نِموئن، گه مِحالَ خدا اِبارَه اونَل دِرو بوشی، ایمَه گه پِنامو آوِردیَ، فِرَه دلگرما بوئیم تاگَه سفدِسخد بچسبیمونَ امیدی گه نیریاس اَر نوامو.

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.

اول یوحنا 3:24

هر کی اژ فِربونَل او اطاعتَ مِهِه، لیز گِرتیَس اِنوم خدا ئو خدایش اِنوم او؛ ئو هُنَ، وَه‌سونگَ اَ روحَ گه او بَشخیَسی‌ئونمو، مَذانیم گه او لیز گِرتیَس اِنوم ایمَه.

اول یوحنا 4:12

هُیچ‌کس هرگِس خدا نِئیَسی؛ اَرّ ایمَه مِحبت بِهِیم اَر یَکتِری، خدا لیز گِرتیَس اِنوم ایمَه ئو مِحبت او اِنوم ایمَه کاملا بیَ.

اول یوحنا 4:16

اِسَه ایمَه مِحبتی گه خدا اَر ایمَه دیری شناسیمونَ ئو باوارمو کِردیَ. خدا مِحبتَ ئو کسی گه لیز گِرتیَس اِنوم مِحبت، لیز گِرتیَس اِنوم خدا ئو خدا اِنوم او.