فیلیپیَل 1:6 - کتاب مقدس به زبان لکی - گویش مرکزی

⁶ ئو مِه زقین دیرِم او گه بِنیا کار خوئی اِنوم هُمَه ناتی، اِ روژ گِلاهُاردِن مسیحْ عیسی، کاملَ مِهِیتی.

فیلیپیَل 1:6 Iomraidhean Croise

یوحنا 6:29

عیسی جوواو داتی: «کاری گه خدا خَوشَ مایتی یَسَ گه ایمو بارینونَ اَ کسَ گه کِل‌کِردیِ.»

کارَل رسولَل 11:18

اونَل وخدی ایی قصَه‌لونَ شنَفت، دیَر کِشو نَهَرد ئو خدائو پِرَسی، وِتو: «اِراسی خدا مِجال توئِه‌ی گه ژییاینَ موئَشخی داسیَ خِرِیهودیَل‌یش!»

کارَل رسولَل 16:14

اِنوم اونَل ژَن خداپِرَسی اژ شیَر تیاتیرا بی ئو گوشَ ماتی اَر قصَه‌لمو. او لیدیَه نُم بیتی ئو پارچَه‌ل گِرو کاوَ مَفِروتی. خداون قلب گُشونا تاگَه خو گوش بِگِریَ اَ چیئَه گه پولُسَ موئِتی.

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

دوئِم قُرَنتیان 1:15

مِه اَرِیَگه اطمینونم اَر یَه داشد، مِهِستِم اول‌بار بام اِرَه تک هُمَه تاگَه اِدوارَه اژ فیض بیَردارا بوئینو.

دوئِم قُرَنتیان 2:3

ئو مِه یَئمَ نُیسو تا وخدی هاتم اَرِه تَکتو، کسَلی گه باس مِه خَوشالا کَن، باعث نوئن مِه برنجِم. اَرِیَگه اطمینونَ کُلتو دیرِم گه خَوشی مِه خَوشی کُل هُمِئَه.

دوئِم قُرَنتیان 7:16

مِه خَوشالِم اَرِیَگه اطمینو کاملَ بینتو دیرِم.

دوئِم قُرَنتیان 9:4

تاناخواد، اَرّ مردِم مقدونیَه وَه‌گَرد مِه بان ئو بفیَمِن گه آمادَه نیئینو، ایمَه وَه خاطر اطمینونی گه وَه هُمَه‌مو داشدیَ اِ نوا اونَل خجالتا بوئیم تا چه برَسیَ هُمَه.

غَلاطیَل 5:10

مِه اِنوم خداون اطمینو دیرِم گه نِمَچینون‌ِ گِرد عخیده‌ی هَنی. مِنتائای اَوَه گه هُمَه پریشونَ مِهِه، هرکی هَس، مَرَسی سزا کار ووژ.

اَفِسُسیَل 4:12

تا ایمودارَل اَرِه کار خِلمت آمادَه بِهَن، اَرِه بِنا لار مسیح،

فیلیپیَل 1:10

تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

فیلیپیَل 1:29

اَرِیَگه ایی افتخارَ بیَسَ نَصُیتو گه نه فَخَد ایمو بارینون‌ اَر مسیح بلکِم اَرِه او عذاویش بِکیشینو،

فیلیپیَل 2:12

اِسَه، اِاِ عزیزَل، هَرهُنَ گه هَر فِربوبَر بینونَ، اِسگَه، نه فَخَد وخدی مِه هم بلکِم ویشتِر وخدی نیِم، اَرِیَگه نجاد ووژتو برَسیَ نتیجَه وَه ترسِم‌لرزِم ویشتِری خیرَتتو داشدوئی.

فیلیپیَل 2:13

اَرِیَگه یَه خداءَ گه هم اِ خواس هم اِ عمل، اَرِه خَوشالی ووژ اِنوم هُمَه کارَ مِهِه.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

کولُسیَل 2:12

اِ خُسِل تیَمید، وَه‌گَرد او چال بینونَ، گه اِنوم اَوَه وَه‌سونگَ ایمون اَر کار پِرقویَت‌ خدای گه مسیح اژ مِردیَل زِنیا کِردی، وَه‌گَرد او اژ مِردیَل زِنیا بینو.

اول تِسالونیکیَل 1:3

اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

دوئِم تِسالونیکیَل 1:11

اَژونَسَ، یِسَر دوعاتون‌ اَرِنَ مِهِیم تا خدامو لائقتو بِذانی گه دَوَت اَژینتو بِگِری ئو وَه قدِرت ووژ هر قَص خو ئو هر کاری گه اژ ایمونتونَ، اَنجوم بِ،

دوئِم تِسالونیکیَل 3:4

ایمَه اِنوم خداون اطمینونتونَ بی دیریم گه اَ چیئَه گه ایمَه حکمَ مِهِیمَ اَرینتو، دیرینو مارینون‌َ جا ئو هَمیش مارینون‌َ جا.

فیلیمون 1:21

مِه وَه اطمینونی گه اژ فِربو بِردِنِت دیرِم، یَتَ اَرِنَ مَنُیسِنِم، اَرِیَگه مَذانِم جُ‌جُ ویشتِر اژ اَویشَ گه موشِم، مِهِین.

عِبرانیَل 10:35

اِسَه ایی اطمینونتونَ نَنِن‌ِ لا، اَرِیَگه اَجِر کَلِنگی دیری.

عِبرانیَل 12:2

ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

دوئِم پطرس 3:10

مِنتائای روژ گِلاهُاردِن خداون اِجور دُزی مای، اَ موقَع وَه گِرِمهُر کَلِنگ ئو ترسناکی آسمونَل اژ بِنَ مَچِن ئو آسارَه‌ل آسمونَ مَسُزِن ئو اژ یَکَ مَچویچِن، زمین ئو کُل کارَلی آشگارا موئن.