فیلیپیَل 1:18 - کتاب مقدس به زبان لکی - گویش مرکزی

¹⁸ گه چَه بو؟ مِهم یَسَ گه اژ هَر رئی‌ای، چه وَه نیّت دُریس چه نادُریس، مسیح موعظَه ماو، ئو مِه وَه خاطر یَه خَوشالِم. اَاَ، ئو هَنی خَوشالیَ مَهَم.

فیلیپیَل 1:18 Iomraidhean Croise

مَتّی 23:13

«مِنتائای هِرّو اَرِنتو اِاِ مَلِمَل تورات ئو شیخَل فرقَه فَریسی، اِاِ ریاکارَل! اَرِیَگه هُمَه در پاتِشائی آسمون اَررُی مردِمَ موئنینو؛ نه ووژتونَ مَچینون اِنوم ئو نه مِیلینو کسَلی گه میا بان، بِچِن اِنوم.

مَرقُس 12:40

اژ ایی لا مالَل بیوَه‌ژِنَل خارَتَ مَهَن ئو اژ اَ لا، اَرِه هوفَلی کِردِن، دوعا ووژو طویلَ میَن. مِکافات یوئنَ فِرَه سخدتِرَ ماو.»

لوقا 9:45

مِنتائای اُوُ میَنا ایی قصَه اوُ نَفیَمی؛ ئو اژ اونَل پنهو مَن تاگَه درک نَهَنی؛ ئو زِلَئونَ مَچیا اِبارَه ایی چیئَه اژ عیسی بِپِرسِن.

لوقا 9:50

عیسی وِتی: «نوا نَگِرِنی، اَرِیَگه هر کی اَرضد هُمَه نیَ، ها گَردتو.»

رومیان 3:9

اِسَه چَه باس بوشیم؟ آیا وضِ‌حال ایمَه یهودیَل بیتِرَ؟ اصِلا! اَرِیَگه وِرِکار ادعامو کِرد گه یهود ئو یونانی هَردِک هانِ ژیر گنااِر.

رومیان 6:15

اِسَه چَه بوشیم؟ یانی گنا بِهِیم اَرِیَگه اِژیر شریعت نیئیم، بلکِم هایمونِ ژیر فیض‌اِر؟ اصِلا!

اول قرنتیان 10:19

اِسَه مصقودِم چیَ؟ یَگه خوراک پیشکَشی اَر بِتَل چیئی کَ، یا بِت چیئی کَ؟

اول قرنتیان 14:15

ایلَهَه چَه بِهَم؟ وَه روح دوعا مَهَم ئو وَه عَخِل‌یش دوعا مَهَم؛ وَه روح سروءَ مَحیوَنِم ئو وَه عَخِل‌یش سروءَ مَحیوَنِم.

اول قرنتیان 15:11

اِسَه چه مِه بیم چه اونَل، ایمَه هُنَ موعظَه مِهِیم ئو هُمِه‌یش هُنَ ایمونتو آوِردیَ.

فیلیپیَل 1:19

اَرِیَگه مَذانِم گه وَه دوعائَل هُمَه ئو یاری روحِ عیسی مسیح، یَه باعث نجاد مِنَ ماو.