فیلیپیَل 1:11 - کتاب مقدس به زبان لکی - گویش مرکزی

¹¹ پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

فیلیپیَل 1:11 Iomraidhean Croise

مَتّی 5:16

اِسَه بِیلِن نُیر هُمَه بِکُوءِ اَررُی مردِم تاگَه کارَل خوتو بوئینِن ئو باوَه هُمَه گه ها نوم آسمون‌اِر، جِلال دَن.

یوحنا 15:16

هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو.

یوحنا 15:2

هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری.

یوحنا 15:8

جِلال باوَه‌م ها نوم یَگه هُمَه ثمر فِرِه‌ی بارینو؛ ئو هُنَ ثابتَ مِهِینو گه شاگرد مِنینو.

رومیان 15:28

اِسَه، وخدی ایی کارمَ تموم کِرد ئو چیئَلی گه جیَم بیَ رَسونمَ دَسو، اژ رئی هُمَه، مَچِم اِرَه اسپانیا.

رومیان 6:22

مِنتائای اِسگَه گه اژ گنا آزاد بینونَ ئو بینو‌نَسَ خُلُمَل خدا، ثمری گه میَرینو قدوسیّتَ گه آخِری ژییاین ابدیَ.

اول قرنتیان 10:31

اِسَه، چه هُاردِن چه خُرّ دائِن، یا هر کاری‌تِر گه مِهِینو، کُل اَرِه جِلال خدا بِهَن.

دوئِم قُرَنتیان 9:10

او گه تُئم اَرِه کشاورز ئو نون اَرِه هُاردِن آمادَه مِهِه، تُئمتو آمادَه مِهِه، ئو ویشتِرا مِهِیتی ئو ثمر صالح‌بیئینتو فِرَه‌آ مِهِه.

اَفِسُسیَل 1:12

تا ایمَه گه اول کسَلی بیمو گه امیدمو بَسدَ مسیح، باعث شگِر کِردِن جِلال او بوئیم.

اَفِسُسیَل 1:14

روح‌القدسی گه بِعونَه میرات ایمِئَه تا زمونی گه تمومِ‌کمال بِهِیمیَ هِن ووژمو، تاگَه جِلال او شگِر بو.

اَفِسُسیَل 2:10

اَرِیَگه ایمَه کار دس خدائیم، ئو اِنوم مسیحْ عیسی اَرِه کارَل خو خَلک بیمونَ، گه خدا وِرِکار تیارِک دیتی تا اِنوم اونَ زِنِه‌ی بِهِیم.

اَفِسُسیَل 5:9

اَرِیَگه ثمر نُیر، اِ هر خوئی ئو صالح‌بیئین ئو دُریسی، ماوَ دی.

فیلیپیَل 4:17

نه یَگه وَه دُم پیشکَشیا بوئم، بلکِم هام اَر دُم ثمری گه اِتِبار هُمَه اَرتَک خدا ویشتِرا کِ.

کولُسیَل 1:10

تا رفدارتو لائق خداون بو، اِ هر لِحاظ خَوشالا کِینونی، ئو اِ هر کار خوئی ثمر بارینو ئو اِ شناخت خدا رشد کِینو

کولُسیَل 1:6

انجیلی گه رَسیَسَ بینتو هَرهُنَ گه اِ سِرُسَر دنیا ثمرَ مِ ئو رشدَ مِهِه، هَرهُنِ‌یشَ اژ روژی گه هُمَه اَوتونَ شنَفت ئو فیض خداتون اِنوم حخیخت فیَمی، اِنوم هُمِه‌یش کار کِردیِ.

دوئِم تِسالونیکیَل 1:12

تاگَه نُم خداونمو عیسی اِنومتو جِلال بِگِری، ئو هُمِه‌یش مِطابق فیض خدامو ئو خداون عیسی مسیح اِنوم او جِلال بِگِرینو.

تیتوس 3:14

بیلا مردِم ایمَه، بِگِرِنا گه ووژو وَخم کارَل خو بِهَن، ئو اَرِه هَوَجَه‌ل عمدَه تیارِک بوئینِن ئو بی‌ثمر نوئن.

عِبرانیَل 12:11

حِنی گه تربیتَ موئیمو، اِجال یَگه خَوشمو بای، میَژیمو. مِنتائای دُماخِرِ اَرِه کسَلی گه وَه‌سونگَ اَوا تربیت بینَ، صالح‌بیئینَ ماریَ بار گه پِر اژ صُئل‌وسِلامتیَ.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 2:5

هُمِه‌یش ووژتو اِجور بَردَل زِنی اِطور مال روحانی‌ای بِناءَ موئینو تا کاهنَل مقدّسی بوئینو گه وَه‌سونگَ عیسی مسیح، قُرونیَل روحانی‌ای گه خدا قبولَ مِهِه تقدیم بِهِینو.

اول پطرس 2:9

مِنتائای هُمَه نسِلی کینو گه دیاری بینونَ ئو کاهنَلی کینو گه شاهونَه کاهنیَ مِهِینو، ملت مقدّس ئو قومی گه مِلک مصخوص خداءَ، تا صفتَل فِرَه خاص او اِلوم کِینو، او گه هُمَه اژ تیَریکی دَوَت کِردیَسی‌ِ نُیر بِلُجوئی ووژ.

اول پطرس 4:14

اَرّ وَه خاطر نُم مسیح دُشمینَ میَن‌ئونتو، خَوزگالَ ووژتو، اَرِیَگه روح جِلال، روحِ خدا اَررُی هُمَه سِتارَ مَگِری.