مَرقُس 1:4 - کتاب مقدس به زبان لکی - گویش مرکزی

⁴ یحیی تیَمیددهندَه اِنوم بیاوو ظاهر بی، ئو اَرِه مردِم موعظَه مَهَردی گه اَرِه بشخِش گنائَلو خُسِل تیَمید توئَه بِگِرِن.

مَرقُس 1:4 Iomraidhean Croise

مَتّی 3:11

«مِن اَرِه توئَه، وَه آو تیَمیدتونَ میَم؛ مِنتائای اَوَه گه دُما مِنَ مای تَوُناتِر اژ مِنَ ئو مِه جُ‌جُ لائق نیِم گه کِلاشَل جِفت کَمی. او وَه روح‌القدس ئو آگِر تیَمیدتونَ مِ.

مَتّی 3:6

ئو اعترافونَ مَهَردَ گنائَل ووژو، ئو اِنوم روو اُردن وَه دس او خُسِل تیَمیدونَ مَگِرت.

مَرقُس 1:5

کُل مردِم وِلات یهودیَه ئو کُل مردِم شیَر اورشلیم، چورِّم مَچیان اَرِه تک او، ئو اعترافونَ مَهَرد اَر گنائَل ووژو ئو اِنوم روو اُردن وَه دس او تیَمیدونَ مَگِرت.

لوقا 1:77

ئو ایی میَرفتَ بِینَ قوم او گه وَه بشخِش گنائَلو، نجادَ مَگِرِن.

یوحنا 3:23

یحییِ پِخَمَریش اِ آبادی عِیْنون، هِناس شیَر سالیم، تیَمیدَ ماتی، اَرِیَگه اَر اورَه آو فِرَه بی ئو مردِمَ ماهاتِن، تیَمیدونَ مَگِرت.

کارَل رسولَل 10:37

هُمَه ووژتون اژ اَ چیئَه گه اِ سِرُسَر هیال یهودیَه اتفاق کَت، خَوَر دیرینو ئو مَذانینو بِنیا اژ جلیل بیتی، دُما خُسِل تیَمیدی گه یحیی پِخَمَر موعظَه مَهَردی،

کارَل رسولَل 22:16

اِسگَه چیَمَ‌رئی چِین؟ هیزگِر ئو خُسِل تیَمید بِگِر ئو نُم او بار، ئو اژ گنائَلِت پاکا بو!“