لوقا 8:1 - کتاب مقدس به زبان لکی - گویش مرکزی

¹ دُما اَوَه، عیسی شیَر اَر شیَر ئو آبادی اَر آبادیَ مَگیردیا ئو خَوَر خَوش پاتِشائی خداءَ ماتی. اَ دوازَه نفریشَ وَه‌گَرد بینی،

لوقا 8:1 Iomraidhean Croise

مَتّی 11:1

دُما یَگه عیسی ایی فِربونِلَ داتیَ دوازَه شاگرد ووژ، اژ اورَه چی تاگَه اِنوم شیَرَلو تیَلیم بِ ئو موعظَه بِهِه.

مَتّی 13:19

وخدی گه کسی کلوم پاتِشائی آسمونَ مَشتوئی مِنتائای میَنا نِمَفیَمتی، اَ شریرَ مای ئو اَ چیئَه گه اِنوم دل او کِشت بیَ، مَراقِنی‌اِر. یَه هَراَ تُئمَسَ گه کَت اِنوم رئی.

مَتّی 4:23

عیسی اِ سِرُسَر جلیلَ مَگیردیا ئو اِنوم عَبادتگال یهود تیَلیمَ ماتی، ئو خَوَر خَوش پاتِشائی آسمو اِلومَ مَهَردی ئو کُلِ جور ژُن ئو مِرَض مردِم شِفاءَ ماتی.

مَتّی 9:35

عیسی اِنوم کُل شیَرَل ئو آبادیِلَ مَگیردیا، اِنوم عَبادتگائَل اونَل تیَلیمَ ماتی ئو خَوَر خَوش پاتِشائی خدا اِلومَ مَهَردی ئو هر ژُن ئو مِرَضی شِفا ماتی.

مَرقُس 1:39

اَسَه عیسی کَتِ رئی، اِ سِرُسَر جلیل اِنوم عَبادتگائَلو موعظَه مَهَردی ئو مِلاکَتِلَ مَهَردیَ دِریر.

لوقا 1:80

ئو اَ آویلَ کَلِنگَ موئیا ئو اِنوم روح، قویَتَ مَگِرتی، ئو تا روژ ظاهربیئِنی اَر قوم اسرائیل، اِنوم بیاوو بی.

لوقا 20:1

یَکی اژ روژَلی گه عیسی اِنوم معبد خداون تیَلیم مردِمَ ماتی ئو خَوَر خَوش پاتِشائی خدا موعظَه مَهَردی، رِئیسَل کاهنَل ئو مَلِمَل تورات وَه‌گَرد شیخَل یهود هاتِن اِرَه تک عیسی

لوقا 4:18

«روحِ خداون ها اَررُی مِه، اَرِیَگه مِه مسح کِردیِ تاگَه خَوَر خَوش پاتِشائی خدا، اِلوم کَم اَر ژارَل ئو مِه کِل‌کِردیَسی تاگَه آزادی، اِلوم کَم اَر اسیرَل ئو روشتایی بیَمَ چیَمَل کورَل، ئو ستم‌کیشَل آزاد کَم،

لوقا 9:6

اَسَه کَتِنِ رئی، ئو آبادی اَر آبادیَ مَگیردیان ئو مَرَسیان اَر هر جا، خَوَر خَوش پاتِشائی خدائو اِلومَ مَهَرد ئو مریضَلو شِفاءَ ما.

کارَل رسولَل 10:38

ئو چطور خدا، عیسیِ ناصری وَه روح‌القدس ئو قدِرت مسح کِردی، هُنَ گه کُل جا مَگیردیا ئو کارَل خاصَ مَهَردی ئو کُل اونَلی گه اِ ژیر ظلم ابلیس بین، شِفا ماتی، اَرِیَگه خداءَ گَرد بیتی.

کارَل رسولَل 13:32

«اِسگَه ایمَه خَوَر خَوش اَ وَدِه‌ی گه خدا دائیتیَ باوَه‌لمو، مِیم‌ئونتو،

رومیان 10:15

ئو چطور موعظَه بِهَن، اَرّ کِل‌نوئن؟ هَرهُنَ گه اِنوم کِتاو اِشعیا پِخَمَر نُیسیاءَ: «چَنی رنگینَ پال کسَلی گه خَوَر خَوش انجیل اِلومَ مَهَن.»