لوقا 7:2 - کتاب مقدس به زبان لکی - گویش مرکزی

² اَر اورَه یِه افسر رومی بی گه خُلُمی داشدی گه فِرَه اَرِه اَرزشد داشد. خُلُمِهَه مریض ئو اَرسَکَرات بی.

لوقا 7:2 Iomraidhean Croise

مَتّی 27:54

وخدی فرموندَه سَروازَل ئو کسَلی گه نگبونی عیسی‌ئونَ ما، زمی‌لرزَه ئو کُل ایی چیئِلونَ دی، زِلَ‌تِراقا بین، وِتو: «اِراسی او کُر خدا بی.»

لوقا 23:47

فرموندَه سَروازَل وخدی یَه دیتی، خدا ستائشت کِردی ئو وِتی: «حخیختاً گه ایی پیا بی‌گنا بی.»

لوقا 7:1

دُما یَگه عیسی کُل قصَه‌ل ووژَ گَرد مردِم تموم کِردی، چی اِنوم شیَر کَفَرناحوم.

لوقا 7:3

وخدی افسرِهَه اِبارَه عیسی شنَفتی، بِری اژ شیخَل یهودی کِل‌کِردی اِرَه تک او تاگَه اژ اوُ بِ گه بای ئو خُلُمِهِه شِفا دِ.

لوقا 8:42

اَرِیَگه یَکونَه دِتِهِه گه نزیک اَر دوازَه سال بیتی، اَرسَکَرات بی. وخدی عیسی وَه رئی‌اِرا بی، جیَمیَت فِرَه زورونَ ماوِرد اَری.

کارَل رسولَل 10:1

اِنوم شیَر قیصریَه پیای بی، کُرنِلیوس نُم، او اژ فرموندَه‌ل گردان رومی مَشور وَه ’گردان ایتالیایی‘ بی.

کارَل رسولَل 10:7

وخدی اَ فریشدَه گه قصَه گَردَ مَهَرد اژ تک چِتی، کُرنِلیوس دو نفر اژ خِلمتکارَل ئو یِه سَرواز وفادار اژ سپائیَلی، هِنا کِردی

کارَل رسولَل 22:26

افسرِهَه وخدی یَه شنَفتی، چی اِرَه تک فرموندَه وِتی: «مَذانین چَه دیرین مِهِین؟ ایی پیاءَ تبعَه رومَ!»

کارَل رسولَل 23:17

پولُس هِنا کِردی اَر یَکی اژ افسرَل ئو وِتی: «ایی جِهالَ بیَر اِرَه تک فرموندَه، اَرِیَگه خَوَری دیری گه اَرِه بوشتی.»

کارَل رسولَل 27:1

وخدی بِنا بی گه وَه دریااِرا بِچیم اِرَه ایتالیا، پولُس ئو چَن زندونی‌تِرو، داءَ دس افسر یولیوس نُمیکا، گه اژ گردان امپراطور روم بی.

کارَل رسولَل 27:3

وَه صوایکا رَسیمون اَر بندر صِیدون، ئو یولیوس لِفط کِردی اَر پولُس ئو صِلا داتی تاگَه اَرِه کَل‌حاجت گِرتِن بِچو اِرَه تک رِقیفَلی.

کارَل رسولَل 27:43

مِنتائای افسر رومی گه مِهِستی گیو پولُس نجاد دِ، نوا گِرتِنی ئو فِربو داتی اول‌بار کسَلی گه مَتونِن مَلَه بِهَن ووژو باوژِن اِنوم دریا ئو برَسِنَ حشگی.

کولُسیَل 3:22

اِاِ خُلُمَل، اِ کُل چی فِربوبَر اَرباوَل زمینیتو بوئن، نه فَخَد وخدی گه هاینونِ وَر چیَمَلو اِجور کسَلی گه هانَ دُم یَگه وَه دل اِنسونَل بوئن، بلکِم اژ دل ئو وَه رُی‌راسی ئو ترس اژ خداون.