لوقا 10:2 - کتاب مقدس به زبان لکی - گویش مرکزی

² وِتیَ اونَل: «کِشت فِرِهءَ، مِنتائای کارگر کمَ. اِسَه، باس بِلالکینونَ صائای ثمرتو گه کارگرَلی اَرِه درو ثمر ووژ کِل‌کِ.

لوقا 10:2 Iomraidhean Croise

مَتّی 20:1

«پاتِشائی آسمو چُی اَرباوی کَ گه صوزوی اژ مال داءَ دِریر تاگَه اَرِه باخ انگویر ووژ کارگرَل روژمِز بِگِری.

مَرقُس 13:34

اِجور کسی کَ، گه چیَسَ سفر ئو وخدی گه میا بِچوءَ سفر، مال ووژَ مِئَه دس خذمتکارَلیا، ئو وَه هرکُمو کاری مَسپاری، ئو فِربونَ مِئَه قلااوریش گه بِمینیَ خَوَر.

مَرقُس 16:15

اَسَه وِتیَ بینو: «بِچِن اَرِه سِرُسَر دنیا ئو ایی خَوَر خَوش انجیلَ اِلوم کَن اَر کُل مردِم دنیا.

مَرقُس 16:20

اونَل چِنَ دِریر، ئو اَر کُل جا موعظَه‌ئونَ مَهَرد، ئو خداون وَه‌گَردو کارَ مَهَردی ئو پِغوم اونَل وَه نشونَه‌ل ئو مُجِزَه‌لی گه وَه‌گَردو بی، ثابتَ مَهَردی.

لوقا 9:1

عیسی اَ دوازَه شاگردَ جیَم کِردی اَر دور یَک ئو قدِرت‌واختیار دانی‌ئون تاگَه کُل مِلاکَتَل بِهَنَ دِریر ئو مِرَضَل شِفا بیَن؛

کارَل رسولَل 11:19

ئو اونَلی گه وَه خاطر عذاوَلی گه اِنوم ماجِرا استیفان بِنیا نیریائی، اژ یَک چویچیائین تا هیالَل فینیقیَه ئو قبرس ئو اَنطاکیَه چِن. اونَل کلوم خدائونَ هُیچ کس بِخِر اژ یهودیَل نِموئت.

کارَل رسولَل 13:2

وخدی گه اونَل داشدو خداونونَ مَپِرَسیا ئو وَه روژی بین، روح‌القدس وِتی: «برنابا ئو شائولم اَرِه جیاآ کَن، اَرِه کاری گه اونَلم اَرِه دَنگ کِردِنَ.»

کارَل رسولَل 13:4

اُهُنَ، اَ دو نفرَ گه اژ جونِم روح‌القدس کِل‌بوئین، چِن اِرَه شیَر سِلوکیَه ئو اژ اورَه اژ رئی دریا رَسین اَر جزیرَه قبرس.

کارَل رسولَل 20:28

حُواستون اَر ووژتون ئو کُل ریئَن بو، گه روح‌القدس هُمَل اَرِه نظارت اَر اونَل اِنتخاو کِردیِ تاگَه کلیسا خداون گه وَه خوین ووژ خِریَسی شوئونی کِینو.

کارَل رسولَل 22:21

«خداون وِتی‌ئونِم: ”بِچُ؛ اَرِیَگه مِه کِلتَ‌مَهَم اِرَه جائَل دویری، اَرتَک خِرِیهودیَل.“»

کارَل رسولَل 8:4

مِنتائای اونَلی گه پَشخِ‌پِلاآ بوئین، پائونَ مَنیا اَر هر جا، کلوم خدائو اِلومَ مَهَرد.

اول قرنتیان 12:28

ئو خدا اِنوم کلیسا، اول‌بار رسولَل ناتی دوئِم نبوّت‌کَرَل، سِئِم مَلِمَل؛ اَسَه کسَلی گه صائای قدِرت مُجِزَه‌لِن، اَسَه کسَلی گه صائای قدِرت شِفا دائِنِن ئو عطاءِ یاری کِردِن ئو رَبَری کِردِن ئو قصَه کِردِن وَه زوئونَلی‌تِر.

اول قرنتیان 15:10

مِنتائای وَه فیض خدا، مِه یَئمَ گه اِسگَه هم، ئو فیض او اَرِنِم بی‌ثمر نوئیَ. برعسک، مِه سخدتِر اژ کُل اونَل کارِم کِرد، وَه‌یاآگه مِه ووژِم نوئیم، بلکِم اَ فیض خدا بیَ گه وَه‌گَردِم بی.

دوئِم قُرَنتیان 6:1

ایمَه گه هُمکارَل مسیحیم خواهشد اَژینتونَ مِهِیم گه نِیلِن اَ فیض خداءَ گه آوِردِتونَسَ دس، بی‌فادَه بو.

فیلیپیَل 2:21

اُوُ کُل هانِ دُم نفع ووژونا، نه عیسی مسیح.

فیلیپیَل 2:25

لازمِم ذِناسد اِپافْرودیتوس‌یش کِل‌بِهَم‌ اَرِه تَکتو، گه بِرا ئو هُمکار ئو هُم‌قطار مِنَ ئو قاصی ئو خادم هُمِئَه اَرِه رَسیدَگی وَه هَوَجَه‌ل مِه.

فیلیپیَل 2:30

اَرِیَگه اَرِه خِلمت اَر مسیح تا مِردِن چی، ئو اَرِه تِلافَتی کمِ‌کسری خِلمت هُمَه اَر مِه گیو ووژ آوشدیِ خطراِر.

کولُسیَل 1:29

اَژونَسَ مِه جُورَ مَکیشِم ئو وَه‌سونگَ او گه وَه قدِرت اِنوم مِه کارَ مِهِه، وَه تموم قویَتِم تقِلاءَ مَهَم.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 2:9

اَرِیَگه اِاِ بِرال، هُمَه زیَمَت ئو جُور ایمَه‌تو ها ویر، گه شو ئو روژ کارمو کِرد تاگَه وخدی انجیل خدا اَرِنتو موعظَه مِهِیم، بار گِرونی اَر کول هُیچ‌کُم اَژینتو نوئیمو.

اول تِسالونیکیَل 5:12

اِاِ بِرال، خواهشد اَژینتونَ مِهِیم عزّت بِنِن اَر کسَلی گه اِنومتو زیَمَتَ مَکیشِن ئو اِنوم خداون رَبَرَل هُمَه‌ن ئو مِناتونَ مَهَن.

دوئِم تِسالونیکیَل 3:1

دُماخِرِ، اِاِ بِرال، دوعامون اَرِه بِهَن تا کلوم خداون زوی پَشخا بو ئو قُرپ بِگِری، حَقات اَجورَ گه اِنوم هُمَه بی،

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

دوئِم تیموتائوس 4:5

مِنتائای تو هَر هوشیار بو، سخدیَل تیَمِل بِهَه، کار اِلوم انجیل اَنجوم دَ، ئو خِلمت ووژِت تمومِ‌کمال برَسِنَ آخِر.

فیلیمون 1:1

اژ پولُس، گه وَه خاطر مسیحْ عیسی ها زندون‌اِر، ئو بِرامو تیموتائوس، وَه هُمکار عزیزمو فیلیمون،

عِبرانیَل 3:6

مِنتائای مسیح، اِجور کُری اَر مال خدا اَمونتدارَ، ئو مال او ایمِه‌یمو، وَه شرطی گه تاگَه آخِر وَه اطمینون ئو افتخار سفدِسخد بچسبیمون اَر امیدمو.

مِکاشفَه 2:1

«اَرِه فریشدَه کلیسا اَفِسُس بِنُیسِن: «اَوَه گه هفت آسارَه اِ دس راس ووژ دیری، ئو اِنومجا هفت چراخدو طِلا مَچوءَ رئیا، هُنَ موشی: