یوحنا 7:16 - کتاب مقدس به زبان لکی - گویش مرکزی

¹⁶ عیسی جوواو داءَ بینو، وِتی: «تیَلیمَل مِه اژ ووژِم نیَ، بلکِم اژ اَوَه‌‌سَ گه مِه کِل‌کِردیِ.

یوحنا 7:16 Iomraidhean Croise

یوحنا 14:10

یانی باوار نِرین گه مِه هام اِنوم باوَه‌م ئو باوَه‌م ها نوم مِن‌اِر؟ قصَه‌لی گه مِنَ موشِمَ بینتو اژ وَر ووژِم نیَ، بلکِم اژ باوِه کَ گه لیز گِرتیَسی اِنوم مِه، اَوَه‌‌سَ گه کارَل ووژ اَنجومَ مِ.

یوحنا 14:24

اَوَه گه مِه دوس نِری، کلوم مِه نِماریَ جا؛ ئو ایی کلومَ گه مَشتوئینو اژ مِه نیَ، بلکِم اژ باوِه کَ گه مِه کِل‌کِردیَسی.

یوحنا 17:14

مِه کلوم تونِم داءَ بینو، ئو دنیا اژ اونَل بیزار بی، اَرِیَگه هِن ایی دنیاءَ نیِن، هُنَ گه مِن‌یش هِن ایی دنیاءَ نیِم.

یوحنا 17:8

اَرِیَگه کلومی گه سپارتَ مِه، سپارتمَ بینو، ئو اونَل چِنِ گِرد اَوَه، فیَمین گه اِراسی اژ تک تو هاتِمَ، ئو ایمونو آوِرد گه تو مِنِت کِل‌کِردیَ.

یوحنا 3:11

حخیختاً، موشِمَ بینِت گه ایمَه اژ اَ چیئَه گه مَذانیم قصَه مِهِیم ئو اَر اَ چیئَه گه دیمونَ شاتیَ مِیم، مِنتائای هُمَه شاتی ایمَه قبول نِمِهِینو.

یوحنا 3:31

«اَوَه گه اژ بِلِنگَ مای، هار بِلِنگ کُل چی، مِنتائای اَوَه گه اژ زمینَ، زمینیَ ئو اژ چیئَل زمینی قصَه مِهِه. اَوَه گه اژ آسمونَ مای، هار بِلِنگ کُل چی.

یوحنا 5:30

مِه اژ وَر ووژِم نِمَتونِم کاری بِهَم، بلکِم مِطابق اَ چیئَه گه مَشتوئِم داوریَ مَهَم ئو داوری مِه اژ رُی عدلَ، اَرِیَگه وَه دُم خواس ووژما نیِم بلکِم هامَ دُم خواس اَوَه گه مِه کِل‌کِردیَسی.

یوحنا 6:44

هُیچ‌کس نِمَتونی با اَرِه تک مِه مَر یَگه باوِه گه مِه کِل‌کِردیَسی، بارتی ویرِ مِه، ئو مِه اِ روژ قیومت او زِنیا مَهَم.

یوحنا 8:28

اَسَه عیسی وِتیَ اونَل: «وخدی گه کُر اِنسونتو چُکون‌ اَر رُی صلیب، اَسَه مَفیَمینو گه مِه هم ئو ووژِم اژ وَر ووژِم کاری نِمَهَم، بلکِم فَخَد اَ چیئَه موشِم گه، باوَه یام داسی.

دوئِم یوحنا 1:9

هر کی نواتِر اژ تیَلیم مسیح بِچو ئو اِنوم اَ تیَلیمَ نَمینی، خدا نِری، مِنتائای اَوَه گه بِمینی اِنوم تیَلیم مسیح، هم باوَه دیری هم کُر.

مِکاشفَه 1:1

مِکاشفَه عیسی مسیح، گه خدا دائون تا چیئَلی گه باس وَه ایی زویَ اتفاق بِکُوءِ نِشو خُلُمَلی بِ. او وَه کِل‌کِردِن فریشدَه ووژ، یَه آشگارا کِردی اَر خُلُم ووژ، یوحنا.