یوحنا 7:12 - کتاب مقدس به زبان لکی - گویش مرکزی

¹² ئو اِنوم مردِم اِبارَه او فِچ‌َفِچ فِرِه‌ی بی. بِری موئِتو: «پیا خوئی کَ.» مِنتائای بِری‌تِر موئِتو: «نه! بلکِم مردِم اژ رئی اِرَماری.»

یوحنا 7:12 Iomraidhean Croise

مَتّی 10:25

اَرِه شاگرد هَر یَه بسَ گه بو اِجور استاد ووژ ئو اَرِه خُلُم‌یش هَر یَه بسَ گه بو اِجور اَرباو ووژ. اَرّ کَلِنگ مال وَه بِعِلزِبول یانی شِطو هِنا کَن، چَنی ویشتِر وَه باقی اَل اَ مالَ گَنَ موشِن؟

مَتّی 21:46

وَه‌یاآگه مِهِستو بیَنَ قاپ عیسی‌آ، مِنتائای زِلَئون اژ مردِمَ مَچیا اَرِیَگه اونَل عیسی‌ئونَ پِخَمَرَ مَذِناسد.

مَتّی 27:63

«اِاِ آقا! ها ویرمو گه اَ آم رِنگَرَ وخدی زِنی بی موئِتی، ”دُما سه روژ زِنیا موئم.“

لوقا 18:19

عیسی جوواوا داتی: «اَرِه‌چَه موشین‌ئونِم خو؟ هُیچ‌کس خو نیَ مَر تَنیا خدا.

لوقا 23:47

فرموندَه سَروازَل وخدی یَه دیتی، خدا ستائشت کِردی ئو وِتی: «حخیختاً گه ایی پیا بی‌گنا بی.»

لوقا 23:50

اَر اورَه پیا یهودی یوسف نُمی بی گه پیا خو ئو صالحی بی، اژ شیَر رامَه، یَکی اژ شیَرَل هیال یهودیَه. او وَه‌یاآگه جُزم شورا یهود بی،

لوقا 6:45

اِنسو خو، اژ خزینَه خو دل ووژ خوئیَ ماریَ دِریر ئو اِنسو گَن اژ خزینَه گَن دل ووژ، گَنیَ ماریَ دِریر، اَرِیَگه زوئون او اژ اَ چیئَه قصَه مِهِه، گه دل اَژی پِرَسی.

لوقا 7:16

کُل اونَل زِلَ‌تِراقا بین ئو هُنَ گه داشدو خدائو جِلالَ ما، موئِتو: «پِخَمَر کَلِنگی اِنوم ایمَه ظاهر بیَ. خدا هاتیَسَ دیار قوم ووژ.»

یوحنا 6:14

مردِم وخدی ایی نشونَه ئو مُجِزِه‌ی گه عیسی کِردی دییو، وِتو: «اِراسی گه او هَراَ پِخَمَرَسَ گه موسی وِتی باس با اِنوم دنیا.»

یوحنا 7:32

رَسیَ گوش شیخَل فرقَه فَریسی گه مردِم اِبارَه او هُنَ فِچ‌َفِچونَ. اَسَه رِئیسَل کاهنَل ئو فَریسیَل، قِلااورَل معبدو کِل‌کِرد تاگَه بِگِرِنی.

یوحنا 7:47

اَسَه فَریسیَل وِتو: «مَر هُمِه‌یش فَنتو هُاردیَ؟

یوحنا 7:52

جوواوُ دا، وِتو: «مَر تونیش جلیلی کین؟ بِچُ پِرسِ‌جو کَ ئو بوئین گه هُیچ پِخَمَری اژ جلیل هیزنَگِرتیَسی.»

یوحنا 9:16

اَسَه بِری اژ فَریسیَل وِتو: «اَ پیا اژ جونِم خدا نیَ، اَرِیَگه عزّت نِمَنی اَر روژ شَمَه.» مِنتائای کسَلی‌تِر وِتو: «چطور کسی گه گناکارَ مَتونی هُنَ نشونَه‌ل ئو مُجِزَه‌لی بِهِه؟» ئو اونَل بینَ دو دسَه.

کارَل رسولَل 11:24

اَرِیَگه پیا خاصی بی ئو پِر اژ روح‌القدس بی ئو ایمو فِرِه داشدی. اَسَه مردِم فِرِه ایمونو آوِرد اَر خداون.

رومیان 5:7

اِسَه کم پیشَ مای یَکی گیو ووژ اَرِه اِنسو صالحی بِنی، وَه‌یاآگه هایتِر یَکی بو گه زِلَه بِهِه گیو ووژ اَرِه آم خوئی بِنی.

فیلیپیَل 2:14

هر کاری بی‌خُت‌خَت ئو بی‌دَمَرَگَه اَنجوم دَن،