یوحنا 7:1 - کتاب مقدس به زبان لکی - گویش مرکزی

¹ دُما اَوَه، عیسی چَن روژی اِنوم هیال جلیلَ مَگیردیا، اَرِیَگه نِمِهِستی اِنوم هیال یهودیَه بِمینی، اَرِیَگه رِئیسَل یهود اِکِر بینی بِکُشِنی.

یوحنا 7:1 Iomraidhean Croise

مَتّی 10:23

وخدی اِنوم شیَری آزارتونَ میَن، بِحوان ویرِ شیَری‌تِر. حخیختاً، موشِم‌ئونتو، وِر اژ یَگه بتونینو بِچینون اَرِه کُل شیَرَل اسرائیل، کُر اِنسونَ مای.

مَتّی 21:38

مِنتائای وخدی گه باخائونَل کُرِهِه‌ئو دی، وِتونَ یَکتِری: ”یَه صائای میراتَ. بورِن بِکُشیمی ئو میرات بِهِیمیِ هِن ووژمو.“

مَرقُس 11:18

رِئیسَل کاهنَل ئو مَلِمَل تورات وخدی یِئونَ شنَفت، وَه دُم رئی‌ایکا بین تاگَه اژ بِن بیَرنی، اَرِیَگه زِلِئون اَژینَ مَچیاتی، اَرِیَگه کُل جیَمیَت اژ تیَلیم دائِنی بِلُجوئیو هاتوئی.

یوحنا 1:19

یَسَ شاتی یحیی وخدی گه کَلِنگَل یهود، کاهنَل معبد ئو لاویَل گه خادمَل معبدِن، اژ شیَر اورشلیم کِلوکِرد‌ِن‌ اَرِه تک تاگَه اَژی بِپِرسِنی گه «تو کیئین؟»

یوحنا 4:3

هیال یهودیَه وِل کِردی ئو اِدوارَه گِلاهُاردی اَرِه هیال جلیل.

یوحنا 4:54

یَه دوئِمین نشونَه ئو مُجِزِه‌ی بی گه عیسی وخدی گه اژ یهودیَه هات اَرِه جلیل، اَنجوم داتی.

یوحنا 6:1

دُما یَه، عیسی چی اَرِه اَ کو دریاچَه جلیل هَراَ دریاچَه گه نُم تیبِریَه سی.

یوحنا 7:11

اَسَه یهودیَل، اِنوم عِد مِنِی اوئنَ مَهَرد، مَپِرسیائو: «اَ پیا هار کو؟»

یوحنا 7:13

وَه ایی حالا اَرِیَگه اژ یهودیَل زِلَئونَ مَچیا، هُیچ‌کس اِبارَه او آشگارا قصَه نِمَهَردی.

یوحنا 7:19

مَر موسی شریعت ناسیَ هُمَه؟ وَه ایی حالا هُیچ‌کُم اژ هُمَه شریعت نِمارینونَ جا. اَرِه‌چَه مِتو مِه بِکُشینو؟»

یوحنا 7:25

اَسَه، بِری اژ مردِم شیَر اورشلیم وِتو: «مَر یَه هَراَوَه نیَ گه میا بِکُشِنی؟

یوحنا 7:35

اَسَه یهودیَل موئِتونَ یَکتِری: «ایی پیا میا بِچو اَرِه کو گه ایمَه نِمَتونیم بِهِیمیَ دی؟ یانی مِه بِچو اَرِه تک یهودیَلی گه اِنوم یونانیَل پَشخِ‌پِلاآ بینَ ئو تیَلیم بیَ یونانیَل؟

یوحنا 8:37

«مَذانِم گه آیلَل ابراهیمینو، وَه ایی حالا هاینونَ دُم کُشتِن مِنا، اَرِیَگه کلوم مِه اِنوم هُمَه جای نِری.

یوحنا 8:40

مِنتائای هُمَه هاینونَ دُم کُشتِن مِنا؛ مِنی گه اَ حخیختی گه اژ خدام شنَفتیَ اَرِنتو تیَریفِم کِرد. ابراهیم هُنَ کاری نَهَردی.

کارَل رسولَل 10:38

ئو چطور خدا، عیسیِ ناصری وَه روح‌القدس ئو قدِرت مسح کِردی، هُنَ گه کُل جا مَگیردیا ئو کارَل خاصَ مَهَردی ئو کُل اونَلی گه اِ ژیر ظلم ابلیس بین، شِفا ماتی، اَرِیَگه خداءَ گَرد بیتی.