یوحنا 5:4 - کتاب مقدس به زبان لکی - گویش مرکزی

⁴ [اَرِیَگه گُمونونَ مَهَرد گِلی یِگِل فریشدِه‌ی اژ جونِم خدا ماءَ هُار ئو آوَ مَجویلِنی؛ ئو اول کسی گه دُما جویل هُاردِن آو مَچیا اِنوم حوضِهَه، اژ هر مِرَضی گه داشدی، شِفا مَگِرتی.]

یوحنا 5:4 Iomraidhean Croise

مَتّی 11:12

اژ زَمو یحیی تیَمیددهندَه تاگَه اِسگَه، پاتِشائی آسمو فِرَه آزار دیَسی، ئو زورگوئَل وَه زورَ مَگِرِنی.

مَتّی 6:33

بلکِم اول‌بار وَه مِنِی پاتِشائی خدا ئو عدالت اوآ بوئن، اَسَه کُل ایی چیئِل‌یشَ بَشخیا ماوئونتو.

لوقا 13:24

«فِرَه تقِلا بِهَن تا اژ در تنگ باینون اِنوم، اَرِیَگه موشِم‌ئونتو، فِرَه کسَل تقِلا مَهَن تاگَه بان اِنوم، مِنتائای نِمَتونِن.

لوقا 16:16

«زَمو تورات ئو پِخَمَرَل هَر تا زَمو یحیی بی. اژ اَوِءِ دُما، خَوَر خَوش پاتِشائی خدا اِلوم بیَ ئو کُل کسی تقِلا مِهِه هَر اَ زور بِچوتی اِنوما.

یوحنا 5:3

اَر اورَه بِری علیل اژ کورَل، شَلَل ئو فِلجَل وِلائِرا موئیان. [ئو چیَمَ‌رئی جویل هُاردِن آو بین.]

یوحنا 5:5

اِنوم اونَل، پیای بی گه سی ئو هشت سال علیل بی.

یوحنا 5:7

پیا علیلِهَه وِتی: «آقا، کسی نِرِم گه وخدی آوَ مَجویلی، مِه باوژی اِنوم حوض، ئو تا ووژمَ مَرَسِنِم اَر اورَه، یَکی‌تِر وِر اژ مِه چیَس اِنوم آو.»

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.