یوحنا 3:3 - کتاب مقدس به زبان لکی - گویش مرکزی

³ عیسی جوواو داتی: «حخیختاً، موشِمَ بینِت، تا کسی اژ نوو زاندَه ناو، نِمَتونی پاتِشائی خدا بوئینی.»

یوحنا 3:3 Iomraidhean Croise

مَتّی 16:17

عیسی وِتی: «خَوزگالَ تو، اِاِ شَمعون، کُر یونا! اَرِیَگه گوشد ئو خوین ایی حخیختَ اَر تو آشگارا نَهَردیِ، بلکِم باوَه مِه گه ها نوم آسمون‌اِر یَه آشگارا کِردیِ.

مَتّی 19:24

اِدوارَه موشِم گه رد بیئِن شتِر اژ کُنا دَرزِن، آسُتِر اژ یَسَ گه آم ثرودمنی بِچوءَ نوم پاتِشائی خداآ.»

مَتّی 21:31

اَ دو کُرَ کُماینو خواس باوَه ووژ آوِردِ جا؟» اونَل جوواوُ دا: «اولینِهَه.» عیسی وِتی‌ئونو: «حخیختاً، موشِم‌ئونتو، خِراجگیرَل ئو ژِنَل خِراو وِر اژ هُمَه مَچِن اِنوم پاتِشائی خدا.

مَتّی 5:18

اَرِیَگه حخیختاً، موشِم‌ئونتو، تا آسمون ئو زمین اژ بِن نَچو، هرگِس نُخدَه، یاگَه همزه‌ی اژ تورات اژ بِن نِمَچو، تاگَه کُلو وَه اَنجوم برَسی.

مَرقُس 10:14

مِنتائای عیسی وخدی یَه دیتی، آگِر اژ سر چِتی ئو وِتیَ شاگردَلی: «بِیلِن آیلَل بان اَرِه تَکِم؛ نوائو نَگِرِن، اَرِیَگه پاتِشائی خدا اَرِه هُنَ کسَلی کَ.

مَرقُس 9:47

ئو اَرّ چیَمِت تونَ ماوژیِ گنا، بارتیَ دِریر، اَرِنِت بیتِرَ گه وَه یِه چیَم بِچین اِنوم پاتِشائی خدا، تا یَگه وَه دو چیَما باوژِنت اِنوم جیَنِم،

یوحنا 1:13

اونَلی گه نه اژ خوین، نه اژ هِستِن جسم ئو نه اژ هِستِن یِه اِنسو، بلکِم اژ خدا زاندَه بینَ.

یوحنا 1:5

ایی نُیرَ اِ تیَریکی بِریقَه مِ ئو تیَریکی حریف اَوَه نوئیَ.

یوحنا 1:51

دُماخِرِ وِتی: «حخیختاً، موشِمَ بینتو، هُمَه موئینینو گه آسمو تاق بیَ ئو فریشدَه‌ل خدا دیرِن اَر کُر اِنسو مَچِنِ رُ ئو مانَ هُار.»

یوحنا 12:40

«او چیَمَل اونَل کور، ئو دلَلو کِردیَسیَ بَرد، تا وَه چیَمَل ووژو نوئینِن، ئو وَه دل ووژو نفیَمِن، ئو گِلانیرِن‌ِ دُما تاگَه شِفائو دَم.»

یوحنا 3:4

نیقودیموس وِتَ بی: «کسی گه پیرَ، چطورَ مَتونی زاندَه بو؟ یانی مَتونی اِدوارَه گِلابیریِ لَم دای ئو باءَ دی؟»

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

دوئِم قُرَنتیان 5:17

اِسَه اَرّ کسی ها نوم مسیح‌اِر، خلقت تازه‌ی‌کَ. چیئَل کُینَه اژ بِن چِن، اِسگَه کُل چی تازه‌آ بیَ!

غَلاطیَل 6:15

اَرِیَگه نه ختینَه بیئِن چیئی کَ ئو نه ختینَه نوئین؛ چیئی گه مِهمَ خلقت تازهءَ.

اَفِسُسیَل 2:1

ئو هُمَه اِنوم خطائَل ئو گنائَل ووژتو مِردوئینو،

تیتوس 3:5

او ایمَه نجاد داتی، نه وَه خاطر کارَلی گه اِ صالح‌بیئینمو کِردیَ، بلکِم وَه خاطر ریَمَت ووژ بی ئو اژ رئی خُسِلی گه وَه‌سونگَ اَوا، روح‌القدس تولد تازَه ئو زِنِه‌ی نوو بَشخیتیَ بینمو.

یعقوب 3:17

مِنتائای اَ حکمتی گه اژ بِلِنگَ، اول‌بار پاکَ ئو اَسَه طالب صُئلَ ئو نجیمَ ئو پَن گوشَ مَگِری ئو پِر اژ ریَمَت ئو ثمرَل خوءَ ئو دوچیَمکی نِمِهِه ئو راس‌وَشَ!

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

اول یوحنا 2:29

اَرّ مَذانینو گه او صالحَ، اِسَه اطمینونتو داشدوئی اَوَه گه صالح‌بیئینَ ماریَ جا، اژ خدا زاندَه بیَ.

اول یوحنا 3:9

اَوَه گه اژ خدا زاندَه بیَ، اِنوم گنا زِنِه‌ی نِمِهِه، اَرِیَگه ذات خدا اِنوم اوءَ مَمینی ئو نِمَتونی اِنوم گنا زِنِه‌ی بِهِه، اَرِیَگه اژ خدا زاندَه بیَ.

اول یوحنا 5:1

هر کی ایمو دیری گه عیسی هَراَ مسیحَسَ گه باس بای، اژ خدا زاندَه بیَ؛ ئو هر کی باوَه دوس دیری، زاندَه اویش دوس دیری.

اول یوحنا 5:18

ایمَه مَذانیم گه هر کی اژ خدا زاندَه بیَ دیَر اِنوم گنا زِنِه‌ی نِمِهِه، بلکِم اَ ’زاندَه خدا‘ یانی عیسی، مِتیَه‌جیَ ماوتی ئو دس شِطو نِمَرَستی‌ئون.

اول یوحنا 5:4

اَرِیَگه هر کی اژ خدا زاندَه بیَ، اَر دنیا فائقَ مای ئو ایمون ایمَه هَراَ پیروزیَسَ گه فائق هاتیَس اَر دنیا.

مِکاشفَه 3:14

«اَرِه فریشدَه کلیسا لائودیکیَه بِنُیسِن: «او گه آمینَ، او گه شات اَمونتدار ئو حخَ، او گه سِرآو خلقت خداءَ، هُنَ موشی: