یوحنا 3:2 - کتاب مقدس به زبان لکی - گویش مرکزی

² او یِه شو یِهات اَرِه تک عیسی ئو وِتَ بی: «استاد، مَذانیم تو مَلِمی کین گه اژ جونِم خدا هاتینَ، اَرِیَگه هُیچ‌کس نِمَتونی ایی مُجِزَه‌ل ئو نشونَه‌لی گه تو اَنجومَ مِین اَنجوم دِ، مَر یَگه خدا وَه‌گَرد بوتی.»

یوحنا 3:2 Iomraidhean Croise

مَتّی 22:16

اونَل شاگردَل ووژونَ گَرد بِری اژ کسَلی گه لا هیرودیسو داشد، کِل‌کِرد اَرِه تک او ئو وِتو: «استاد، مَذانیم پیای کین راس‌وَش ئو رئی خدا وَه دُریسی تیَلیمَ مِین ئو دَروَن عخیدَه کس نیئین اَرِیَگه چیَمت اَر ظاهر نیَ.

مَتّی 23:7

ئو مردِم اِنوم کویچه ئو بازار سِلامو کَن ئو وَه ’استاد‘ هِنائو کَن.

مَتّی 23:8

مِنتائای نِیلِن هُمَه هِنا کَنَ ’استاد‘، اَرِیَگه فَخَد یِه استاد دیرینو، ئو کُل هُمَه بِراینو.

مَرقُس 12:14

اونَل هاتِن اَرِه تک عیسی ئو وِتو: «استاد، مَذانیم پیا راس‌وَشی کین ئو عخیدَه کسی اَر رُی عخیدَه تو اثری نِری، اَرِیَگه چیَمِت اَر ظاهر کسی نیَ، بلکِم رئی خدا وَه دُریسی تیَلیمَ مِین. آیا خِراج دائِن وَه امپراطور روم دُریسَ یا نه؟

یوحنا 1:38

عیسی کِلاداتی ئو دیتی گه اونَل دیرِن وَه دُم سِرا مانی. وِتیَ بینو: «چَتونَ مِ؟» وِتو: «استاد، مالِت هار کو؟»

یوحنا 10:38

مِنتائای اَرّ اونِلَ مارِمَ جا، جُ‌جُ اَرّ ایمونمَ بی نِمارینو، دسِ‌کم ایمو بارِنَ اَ کارِلَ، تاگَه بِذانینو ئو ایمونتو داشدوئی گه باوَه ها نوم مِن‌اِر ئو مِه هام اِنوم باوَه.»

یوحنا 12:37

وَه‌یاآگه عیسی هُنَ نشونَه‌ل ئو مُجِزَه‌ل فِرِه‌ی اَر وَر چیَمَل اُوُ اَنجوم دائیتی، ایمونونَ بی ناوِرد.

یوحنا 14:10

یانی باوار نِرین گه مِه هام اِنوم باوَه‌م ئو باوَه‌م ها نوم مِن‌اِر؟ قصَه‌لی گه مِنَ موشِمَ بینتو اژ وَر ووژِم نیَ، بلکِم اژ باوِه کَ گه لیز گِرتیَسی اِنوم مِه، اَوَه‌‌سَ گه کارَل ووژ اَنجومَ مِ.

یوحنا 15:24

اَرّ اِنوم اونَل کارَلمی نَهَردوئی گه بِخِر اژ مِه هُیچ‌کس نَهَردیِ، گنائونی ناآشد؛ مِنتائای اِسگَه، وَه‌یاآگه اَ کارَلونَ دیَ، هم اژ مِه ئو هم اژ باوَه‌م بیزار بینَ.

یوحنا 2:11

یَه اوّلین مُجِزِه ئو نشونه‌ی بی گه عیسی اِنوم آبادی قانا اِ جلیل اَنجوم داتی ئو جِلال ووژ آشگار کِردی ئو شاگردَلی ایمونو آوِردَ بی.

یوحنا 20:16

عیسی هِنا کِردی: «مریم!» مریم کِلاداتیِ دُما، ئو وَه زوئو آرامی وِتی: «رَبّونی!» (یانی استاد).

یوحنا 3:26

اَسَه هاتن اَرِه تک یحیی، وِتونَ بی: «استاد، اَوَه گه اِ اَکو روو اُردن وَه‌گَردِت بی، ئو تو اَر او شاتیِت دا، اِسگَه ووژ تیَمیدَ مِ ئو کُلَ مَچِنی اَرِه تک.»

یوحنا 4:31

اِ ایی بِنَ، شاگردَل لالکینیَ بی، وِتو: «استاد، چیئی بیر.»

یوحنا 5:36

مِنتائای مِه شاتی‌ای کَلِنگتِر اژ شاتی یحیی دیرِم، اَرِیَگه کارَلی گه باوَه سپارتیَسیَ بینِم تا اَنجوم دَم، یانی هَرایی کارَلی گه مِنَ مَهَم، ووژون اَر مِه شاتیَ میَن گه باوَه، مِه کِل‌کِردیَسی.

یوحنا 6:2

جیَمیَت فِرِه‌ی کَتِنیِ دُم، اَرِیَگه نشونَه‌ل ئو مُجِزَه‌لونی دوئی گه عیسی وَه شِفا دائِن مریضَل اَنجومَ ماتی.

یوحنا 7:31

وَه ایی حالا، ویشتِر مردِم ایمونونَ بی آوِرد. اونَل موئِتو: «یانی وخدی مسیح بای ویشتِر اژ ایی پیا نشونَه ئو مُجِزَه مِهِه؟»

یوحنا 9:16

اَسَه بِری اژ فَریسیَل وِتو: «اَ پیا اژ جونِم خدا نیَ، اَرِیَگه عزّت نِمَنی اَر روژ شَمَه.» مِنتائای کسَلی‌تِر وِتو: «چطور کسی گه گناکارَ مَتونی هُنَ نشونَه‌ل ئو مُجِزَه‌لی بِهِه؟» ئو اونَل بینَ دو دسَه.

کارَل رسولَل 10:38

ئو چطور خدا، عیسیِ ناصری وَه روح‌القدس ئو قدِرت مسح کِردی، هُنَ گه کُل جا مَگیردیا ئو کارَل خاصَ مَهَردی ئو کُل اونَلی گه اِ ژیر ظلم ابلیس بین، شِفا ماتی، اَرِیَگه خداءَ گَرد بیتی.

کارَل رسولَل 2:22

«اِاِ پیال اسرائیل، یَه بشتوئِن: عیسیِ ناصری، پیای بی گه خدا وَه مُجِزَه‌ل ئو کارَل بِلُجوئی ئو نشونَه‌لی گه وَه دس او اِنوم هُمَه اَنجوم داتی، شاتی داتی اَر حَخ بیئین ووژ، هَرهُنَ گه ووژتو خوءَ مَذانینو

فیلیپیَل 1:14

ئو فِرَه کسَل اژ ایمودارَل وَه خاطر زندونی بیئِن مِه هُنَ اِنوم خداون دِلو قرص بیَ گه کلوم خدا وَه جورَت ویشتِری، بی‌یَگه زِلِئو بِچو، موشِن.