یوحنا 3:16 - کتاب مقدس به زبان لکی - گویش مرکزی

¹⁶ «اَرِیَگه خدا اَخَ مِحبت کِردی اَر دنیا گه کُر یَکونَه ووژ داتی تا هر کی ایمو باری اَر او نابود ناو، بلکِم ژییاین ابدی داشدوئیتی.

یوحنا 3:16 Iomraidhean Croise

مَتّی 9:13

بِچِن ئو میَنا ایی کلومَ بفیَمِن گه: ”ریَممَ مِ نه قُرونی.“ اَرِیَگه مِه نِهاتِمَ تاگَه آمَل صالح دَنگ کَم، بلکِم هاتِمَ تاگَه گناکارَل دَوَت کَم.»

مَرقُس 12:6

او هَنی یَکی‌تِر داشدی گه کِل‌کِ، اَوَه کُر عزیزگرامی بیتی. آخِرسر او کِل‌کِردی ئو وَه لا ووژا وِتی: ”عزّتَ مَنِن اَر کُرِم.“

لوقا 2:14

«جِلال اَر خدا اِ عرشِ فِلک، ئو اَررُی زَمی صُئل‌وسِلامتی اَر مردِمی گه، وَه دل خدان!»

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 1:18

هُیچ‌کس هرگِس خدا نِئیَسی. مِنتائای اَ یَکونَه کُر خدا گه ها باووش باوِه‌اِر، هَراَ کسَ، خدا شناسونی اَر ایمَه.

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

یوحنا 10:28

مِه ژییاین ابدیَ موئَشخِمَ بینو، ئو هرگِس نابود نِموئن. هُیچ‌کس نِمَتونی اونَل اژ دس مِن اِربِراقِنی.

یوحنا 3:15

تا هر کی ایمو باری اَر او، ژییاین ابدی داشدوئیتی.

یوحنا 3:18

هر کی ایمونَ بی دیرِتی مَکوم نِماو، مِنتائای هر کی ایمونَ بی نِرتی، هَراِسگَه مَکوم بیَ، اَرِیَگه ایمو ناوِردیَسی اَر نُم کُر یَکونَه خدا.

یوحنا 3:36

اَوَه گه ایمو دیری اَر کُر، ژییاین ابدی دیری؛ مِنتائای اَوَه گه فِربون اژ کُر نِمیَری، ژییاین نِموئینی، بلکِم خَضو خدا مَمینِتی اَررُی.»

یوحنا 6:40

اَرِیَگه خواس باوَه مِه یَسَ گه هر کی اَر کُر سِیل کِ ئو ایمو بارتیَ بی، ژییاین ابدیَ ماوتیَ نَصُی، ئو مِه اِ روژ قیومت او زِنیا مَهَم.»

رومیان 5:10

اَرِیَگه اَرّ حِنی گه وَه‌گَرد خدا دشمن بیمو، وَه‌سونگَ مرگ کُریا وَه‌گَرد ووژ دوسیمو داتی، چَنی ویشتِر اِسگَه گه دوسیمو، وَه‌سونگَ ژییاین او، نجادَ مَگِریم.

رومیان 5:8

مِنتائای خدا مِحبت ووژ هُنَ اَر ایمَه ثابت کِردی گه وخدی ایمَه هَنی گناکار بیمو، مسیح اَرِه ایمَه مِرد.

رومیان 8:32

او گه کُر ووژ دَریخ نَهَردی، بلکِم او اَرِه کُل ایمَه تسِلیم کِردی، چطورَ گَرد او کُل چی وَه دسِ‌دلوازیا نِموئَشخِنیَ ایمَه؟

اَفِسُسیَل 2:4

مِنتائای خدای گه اِ ریَمَت دولَمَنَ، وَه خاطر مِحبت بی‌حدِحساوی گه اَر ایمَه دیری،

دوئِم تِسالونیکیَل 2:16

اِسگَه خداونمو عیسی مسیح ووژ، ئو خدا، باوَه آسمونیمو گه ایمَه دوس داشدی ئو وَه فیض ووژ دلگُوئی ابدی ئو امید خو بَشخیتیَ بینمو،

تیتوس 3:4

مِنتائای وخدی مِرِبونی نجاددهندَه‌مو خدا، ئو مِحبتی اَر بشر، آشگار بی،

عِبرانیَل 2:9

مِنتائای عیسیَ موئینیم گه اَرِه مِدت کمی بیَ هُارتِر اژ فریشدَه‌ل، ئو وَه خاطر زجِر مرگ تاج جِلال ئو عزّت نیریاسی اَر سر تاگَه وَه‌سونگَ فیض خدا، اَرِه کُل، مرگ طُم کِ.

اول یوحنا 3:1

سِیل کَن باوَه چه مِحبتی اَر ایمَه کِردیِ تاگَه ایمَه آیلَل خدا هِنا بوئیمو! ئو هَرهُنِ‌یشَ هِیم! اَژونَسَ گه دنیا ایمَه نِمَشتاسی، اَرِیَگه او نشتاسیتی.

اول یوحنا 4:19

ایمَه مِحبتَ مِهِیم اَرِیَگه اول‌بار او مِحبت کِردی اَر ایمَه.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،