یوحنا 2:12 - کتاب مقدس به زبان لکی - گویش مرکزی

¹² دُماخِرِ وَه‌گَرد دا ئو بِرال ئو شاگردَلی چی اَرِه شیَر کَفَرناحوم، ئو چَن روژی مَنِن اَر اورَه.

یوحنا 2:12 Iomraidhean Croise

مَتّی 11:23

ئو تو، اِاِ شیَر کَفَرناحوم، یانی سرِت تاگَه آسمونَ میَرینَ رُ؟ اصِلا، بلکِم سرنگونَ موئینَ تیَه جیَنِما. اَرِیَگه اَرّ مُجِزَه‌لی گه اِنوم تو اَنجوم گِرتی، اِنوم سُدومَ موئیا تاگَه ایمِرو مَمَن اَر جا.

مَتّی 12:46

هُنَ گه عیسی قصَئَه گَرد مردِمَ مَهَردی، دا ئو بِرالی هوسیائینَ دِریر ئو مِهِستو قصَئَه گَرد بِهَنی.

مَتّی 4:13

اَسَه اژ ناصرَه اِرهات، ئو چی اَرِه کَفَرناحوم ئو اَر اورَه زِنِه‌ی کِردی. کَفَرناحوم اَر پیَلی دریاچَه جلیل ئو هیال زِبولون ئو نَفتالی بی.

مَرقُس 6:3

مَر هَراَ نجّارَ نیَ؟ مَر کُر مریم ئو بِرا یعقوب، یوشا، یهودا ئو شَمعون نیَ؟ مَر خُیَه‌لی اِ ایرَه اِنوم ایمَه زِنِه‌ی نِمَهَن؟» اَسَه زور اَر وَرو داشدی.

یوحنا 2:2

عیسی ئو شاگردَل‌یشی دَنگ بوئین اَرِه داوات.

یوحنا 4:46

اَسَه، عیسی یِگِلی‌تِر چی اَرِه آبادی قانا اِ جلیل، هَراَ جاءَ گه آو کِردوئیتیَ شِراو. اَر اورَه یَکی اژ درباریَل بی گه کُر مریضی اِنوم شیَر کَفَرناحوم داشدی.

یوحنا 6:17

ئو سُوار قائِق بین، چِن اَرِه اَکو دریاچَه، ویرِ شیَر کَفَرناحوم. هُوا تیَریک بی، مِنتائای عیسی هَنی نِهاتوئی اَرِه تَکو.

اول قرنتیان 9:5

یانی ایمَه حخ نِریم اِجور باقی رسولَل ئو بِرال خداون ئو کیفا، ژَن ایمودارمونی وَه‌گَرد ووژمو داشدوئی؟

غَلاطیَل 1:19

مِنتائای، بِخِر اژ یعقوب، بِرا خداون عیسی، هُیچ رسولمی نِئی.