یوحنا 2:11 - کتاب مقدس به زبان لکی - گویش مرکزی

¹¹ یَه اوّلین مُجِزِه ئو نشونه‌ی بی گه عیسی اِنوم آبادی قانا اِ جلیل اَنجوم داتی ئو جِلال ووژ آشگار کِردی ئو شاگردَلی ایمونو آوِردَ بی.

یوحنا 2:11 Iomraidhean Croise

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 1:17

اَرِیَگه شریعت وَه‌سونگَ موسی بَشخیاسَ بینمو؛ فیض ئو حخیخت وَه‌سونگَ عیسی مسیح هات.

یوحنا 1:43

روژ دُماین، عیسی قَص کِردی بِچو اَرِه هیال جلیل. او فیلیپُس کِردیَ دی ئو وِتَ بی: «وَه تُرّ مِنا بوری!»

یوحنا 1:50

عیسی جوواو داتی: «یانی هَر وَه خاطر یَگه وِتِم اِ ژیر اَ دار انجیرَ تونِم دی، ایمونَ مارین؟ اَژیرِ دُما چیئَل کَلِنگتِری موئینین.»

یوحنا 10:41

فِرَه کسَل هاتن اَرِه تک عیسی. اونَل موئِتو: «وَه‌یاآگه یحیی هُیچ نشونَه ئو مُجِزِه‌ی نَهَردی، مِنتائای هر چی گه یحیی اِبارَه ایی آمَ وِتی، راس بی.»

یوحنا 11:15

ئو وَه خاطر هُمَه خَوشالِم گه اَر اورَه نوئیم، تاگَه ایمو بارینو. مِنتائای اِسگَه بِچیمی‌ اَرِه تک.»

یوحنا 11:47

اَسَه رِئیسَل کاهنَل ئو فَریسیَل نیشتِنَ شور، وِتو: «چَه بِهِیم؟ ایی پیا نشونَه‌ل ئو مُجِزَه‌ل فِرِه‌ی اَنجومَ مِ.

یوحنا 12:18

اَژونَبیَ گه اَ جیَمیَت چِنیِ نوا، اَرِیَگه شنَفتوئیو عیسی هُنَ نشونَه ئو مُجِزِه‌ی اَنجوم داسی.

یوحنا 12:37

وَه‌یاآگه عیسی هُنَ نشونَه‌ل ئو مُجِزَه‌ل فِرِه‌ی اَر وَر چیَمَل اُوُ اَنجوم دائیتی، ایمونونَ بی ناوِرد.

یوحنا 12:41

اِشعیا پِخَمَر یوئنَ وِتی اَرِیَگه، جِلال او دیتی ئو اِبارَه او قصَه کِردی.

یوحنا 14:13

ئو هر چَتونی وَه نُم مِه بِ، اَنجومَ میَمی تاگَه باوَه اِنوم کُر جِلال بِگِری.

یوحنا 16:27

اَرِیَگه باوَه ووژ هُمَه دوس دیری اَرِیَگه هُمَه مِنتو دوس داشدیَ ئو ایمونتو آوِردیَ گه اژ تک خدا هاتِمَ.

یوحنا 16:30

اِسگَه دیَر مَذانیم گه اژ کُل چی خَوَر دیرین ئو جُ‌جُ نیاز نِرین کسی چیتی اَژی بِپِرسی. اَژونَسَ، ایمو دیریم گه اژ تک خدا هاتینَ.»

یوحنا 2:1

روژ سِئِم، اِنوم آبادی قانا اِ هیال جلیل داواتی بی ئو دا عیسی‌یش اَر اورَه بیَ.

یوحنا 2:23

وخدی گه عیسی اَرِه عِد پِسَخ اِنوم شیَر اورشلیم بی، فِرَه کسَل وَه مُجِزَه‌ل ئو نشونَه‌لی گه وَه چیَمونَ موئینیا، ایمونو آوِرد اَر نُم او.

یوحنا 3:2

او یِه شو یِهات اَرِه تک عیسی ئو وِتَ بی: «استاد، مَذانیم تو مَلِمی کین گه اژ جونِم خدا هاتینَ، اَرِیَگه هُیچ‌کس نِمَتونی ایی مُجِزَه‌ل ئو نشونَه‌لی گه تو اَنجومَ مِین اَنجوم دِ، مَر یَگه خدا وَه‌گَرد بوتی.»

یوحنا 4:3

هیال یهودیَه وِل کِردی ئو اِدوارَه گِلاهُاردی اَرِه هیال جلیل.

یوحنا 4:46

اَسَه، عیسی یِگِلی‌تِر چی اَرِه آبادی قانا اِ جلیل، هَراَ جاءَ گه آو کِردوئیتیَ شِراو. اَر اورَه یَکی اژ درباریَل بی گه کُر مریضی اِنوم شیَر کَفَرناحوم داشدی.

یوحنا 4:54

یَه دوئِمین نشونَه ئو مُجِزِه‌ی بی گه عیسی وخدی گه اژ یهودیَه هات اَرِه جلیل، اَنجوم داتی.

یوحنا 5:23

تا کُل مردِم عزّت بِنِن اَر کُر، هَراَ جورَ گه عزّتَ مَنِن اَر باوَه. اَرِیَگه کسی گه عزّت نِمَنی اَر کُر، عزّت نَنیاسی‌ اَر باوِه گه او کِل‌کِردیَسی.

یوحنا 6:14

مردِم وخدی ایی نشونَه ئو مُجِزِه‌ی گه عیسی کِردی دییو، وِتو: «اِراسی گه او هَراَ پِخَمَرَسَ گه موسی وِتی باس با اِنوم دنیا.»

یوحنا 6:2

جیَمیَت فِرِه‌ی کَتِنیِ دُم، اَرِیَگه نشونَه‌ل ئو مُجِزَه‌لونی دوئی گه عیسی وَه شِفا دائِن مریضَل اَنجومَ ماتی.

یوحنا 6:26

عیسی جوواو داتی: «حخیختاً، موشِمَ بینتو، مِنِی مِنَ مِهِینو نه اَرِه نشونَه‌ل ئو مُجِزَه‌لی گه دیتونَ، بلکِم وَه خاطر اَ نونَ گه هُاردتون ئو لَمتو سیر بی.

یوحنا 6:30

اونَل وِتونَ عیسی: «چه نشونَه ئو مُجِزِه‌ی نشونمونَ مِین تا اَوَه بوئینیم ئو باوارِت کِیم؟ چَه مِهِین؟

یوحنا 7:31

وَه ایی حالا، ویشتِر مردِم ایمونونَ بی آوِرد. اونَل موئِتو: «یانی وخدی مسیح بای ویشتِر اژ ایی پیا نشونَه ئو مُجِزَه مِهِه؟»

یوحنا 9:16

اَسَه بِری اژ فَریسیَل وِتو: «اَ پیا اژ جونِم خدا نیَ، اَرِیَگه عزّت نِمَنی اَر روژ شَمَه.» مِنتائای کسَلی‌تِر وِتو: «چطور کسی گه گناکارَ مَتونی هُنَ نشونَه‌ل ئو مُجِزَه‌لی بِهِه؟» ئو اونَل بینَ دو دسَه.

دوئِم قُرَنتیان 3:18

ئو کُل ایمَه هُنَ گه وَه رُیَل بی‌نِقاو، اِجور آینه‌ی جِلال خداون نشونَ مِیم، یاواش یاواش اِنوم جِلالی گه روژَ روژ ویشتِرا ماو، عوضَ موئیمَ شکِل او، ئو یَه، کار خداون یانی روح‌القدسَ.

دوئِم قُرَنتیان 4:17

اَرِیَگه سخدیَلی گه گُجَرِن ئو مَگُذَرِن، اَرِه ایمَه جِلال ابدی‌ای مارِن گه نِماو وَه‌گَرد اَ سخدیِلَ قیاس کِینی.

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

اول یوحنا 5:13

مِه یوئنَتونَ اَرِنَ مَنُیسِنِم تاگَه هُمَه گه وَه نُم کُر خدا ایمو دیرینو، بِذانینو گه ژییاین ابدی دیرینو.