یوحنا 17:3 - کتاب مقدس به زبان لکی - گویش مرکزی

³ ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

یوحنا 17:3 Iomraidhean Croise

مَرقُس 9:37

«هر کی وَه نُم مِه بِچوءِ گِرد هُنَ آویلی، چیَسِ گِرد مِه؛ ئو هر کی بِچوءِ گِرد مِه، نه مِه بلکِم چیَسِ گِرد کِل‌کَر مِه.»

لوقا 9:48

وِتیَ اونَل: «هر کی وَه نُم مِه بِچوءِ گِرد ایی آویلَ، چیَسِ گِرد مِه؛ ئو هر کی بِچوءِ گِرد مِه، چیَسِ گِرد کِل‌کَر مِه. اَرِیَگه اِنوم هُمَه اَ کسَ کَلِنگتِرَ گه اژ کُلتو گُجَرتِر بو.»

یوحنا 10:36

چطورَ مَتونینو وَه کسی گه باوَه وَخم کِردیَ ئو کِل‌کِردیَس‌ اَرِه دنیا، بوشینو ”کِفِرَ موشین،“ فَخَد اَرِیَگه وِتِم کُر خدام؟

یوحنا 11:42

مِه مَذِناسدِم گه هَر دَنگ مِنَ مَشتوئین. مِنتائای یَمَ وَه خاطر کسَلی وِت گه هان اَر ایرَه، تاگَه ایمو بارِن گه تو مِنِت کِل‌کِردیَ.»

یوحنا 14:26

مِنتائای اَ هِنارَسَ، یانی روح‌القدس، گه باوَه وَه نُم مِه کِلَ‌مِهِیتی، او کُل چی تیَلیمتونَ مِ ئو هرچی گه مِه وِتمَ بینتو، ماریَ ویرتو.

یوحنا 17:18

هَرهُنَ گه تو مِنِت کِل‌کِرد اَرِه ایی دنیاءَ، مِن‌یش اونَلِم کِل‌کِردیَس‌ اَرِه ایی دنیاءَ.

یوحنا 17:21

تاگَه کُل یَکی بوئن، هَرهُنَ گه تو اِ باوَه هاین اِنوم مِه ئو مِن‌یش هام اِنوم تو. هُنَ بِهَه گه اون‌یش اِنوم ایمَه بوئن، تاگَه دنیا ایمو باری گه تو مِنِت کِل‌کِردیَ.

یوحنا 17:23

مِه اِنوم اونَل ئو تو اِنوم مِه. هُنَ بِهَه، گه اون‌یش بِن‌کُل بوئنَ یَکی، تاگَه دنیا بِذانی گه تو مِنِت کِل‌کِردیَ، ئو اونَلتَ هَرهُنَ دوس داشد گه مِنِت دوس داشد.

یوحنا 17:25

«اِ باوَه صالح، دنیا تو نِمَشتاسی، مِنتائای مِه تونَ مَشتاسِم، ئو یوئنَ فیَمینَ گه تو مِنِت کِل‌کِردیَ.

یوحنا 17:8

اَرِیَگه کلومی گه سپارتَ مِه، سپارتمَ بینو، ئو اونَل چِنِ گِرد اَوَه، فیَمین گه اِراسی اژ تک تو هاتِمَ، ئو ایمونو آوِرد گه تو مِنِت کِل‌کِردیَ.

یوحنا 3:17

اَرِیَگه خدا کُر ووژ کِل‌نَهَردی‌ اَرِه دنیا تا دنیا مَکوم کِ، بلکِم کِل‌کِردی تاگَه دنیا وَه‌سونگَ او نجاد بِگِری.

یوحنا 3:34

اَرِیَگه اَ کسَ گه خدا کِل‌کِردیَ، کلوم خداءَ موشی، اَرِیَگه خدا روحِ ووژ بی‌حدَ موئَشخِنِتیَ بی.

یوحنا 5:44

هُمَه چطورَ مَتونینو باوار کِینو وخدی گه جِلال اژ یَکتِری قبولَ مِهِینو، مِنتائای وَه دُم جِلالی گه اژ خداءِ یَکونَه بو نیئینو؟

یوحنا 6:57

هُنَ گه باوَه، باوِه گه هَر هَسی، مِه کِل‌کِردیَسی ئو مِه وَه خاطر باوَه زِنیئِم، هُنِ‌یشَ هر کی گه لار مِنَ میری، اوئیش وَه خاطر مِه زِنیَ مَمینی.

یوحنا 7:29

مِنتائای مِه اوءَ مَشتاسِم، اَرِیَگه مِه اژ اوئِم ئو او مِه کِل‌کِردیَسی.»

یوحنا 8:19

اَسَه وِتونَ بی: «باوَه‌ت هار کو؟» عیسی جوواو داتی: «نه مِنَ مَشتاسینو ئو نه باوَه‌م. اَرّ مِنتونَ مَشتاسیا باوَه مِن‌یشتونَ مَشتاسیا.»

اول قرنتیان 15:34

اژ ایی گیژی مَسیَ بورنَ دِریر ئو دیَر گنا نَهَن؛ اَرِیَگه بِری هَن گه خدا نِمَشتاسِن. یَه موشِم تاگَه خجالتا بوئینو.

اول قرنتیان 8:4

اِسَه اِبارَه هُاردِن خوراکی گه پیشکَشیَ ماو اَر بِتَل، ایمَه مَذانیم گه «وِجودِ بِت واقعی نیَ،» ئو «بِخِر اژ یِه خدا، خدای‌تِر نیَ.»

دوئِم قُرَنتیان 4:6

اَرِیَگه هَراَ خداءَ گه وِتی: «نُیر اِنومجا تیَریکی بدَرشخی،» نُیر ووژ آوشدی اَر دلَل ایمَه تاگَه شناخت جِلال خدا اَر نوم‌رُی عیسی مسیح، اَر ایمَه بدَرشخِنی.

فیلیپیَل 3:10

تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

اول تِسالونیکیَل 1:9

اَرِیَگه اونَل ووژو اژ یَگه چطور وَه گرمی چینونَسِ گِرد ایمَه اَرِنمونَ موشِن ئو اژ یَگه چطور بِتَلتو ناءِ لا ئو گِلتوناهُارد ویرِ خدا تاگَه خِلمت اژ خداءِ حخیخی ئو زِنی بِهِینو.

دوئِم تِسالونیکیَل 1:8

ئو اژ خدانشتاسَل ئو کسَلی گه اژ انجیل خداونمو عیسی فِربو نِمیَرِن، تقاصَ مَسینی.

عِبرانیَل 3:1

اِسَه اِاِ بِرالِم، اِاِ مقدّسَل گه اِ دَوَت آسمونی هُم‌بیَرینو، چیَمتون اَر عیسی بو گه او اَ رسول ئو کاهن اعظمَ‌سَ گه اعترافَ مِهِیمی اَری.

دوئِم پطرس 1:2

فیض‌وسِلامتی وَه‌سونگَ شناخت خدا ئو خداونمو عیسی، چَل‌چَل اَر هُمَه بو.

دوئِم پطرس 1:3

قدِرت الهی او هرچی گه اَرِه ژییاین ئو دینداری اِکَلَ داسیَ بینمو، یَه وَه‌سونگَ شناخت او اَنجوم گِرتیِ گه ایمَل دَوَت کِردیَسیَ جِلال ئو خوئی ووژ،

دوئِم پطرس 1:8

اَرِیَگه اَرّ ایی صفتِلَ اِنوم هُمَه بو ئو فِرَه‌آ بوئن، نِمِیلی اِ شناخت خداون ایمَه عیسی مسیح، بی‌‌اثر ئو بی‌ثمر بوئینو.

اول یوحنا 1:2

ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

اول یوحنا 1:3

ایمَه اَ کلومَ گه دیمونَ ئو شنَفتِمونَ اِلومَ مِهِیم اَر هُمَه تاگَه هُمِه‌یش وَه‌گَرد ایمَه رِقیفیتو داشدوئی؛ ئو مِنتائای رِقیفی ایمَه وَه‌گَرد باوَه ئو وَه‌گَرد کُری عیسی مسیحَ.

اول یوحنا 2:23

هر کی کُر حاشا بِهِه، باوِه‌یش نِری ئو کسی گه کُر اعتراف بِهِه، باوِه‌یش دیری.

اول یوحنا 4:6

ایمَه اژ خدایمو ئو کسی گه خداءَ مَشتاسی، گوشَ مِ‌ئونمو؛ مِنتائای اَوَه گه اژ خدا نیَ، گوش‌ئونمو نِمِ. ایمِه‌یش هُنَ، روح حخیخت ئو روح دِرو اژ یَک اِرَماریم.

اول یوحنا 5:20

ایمَه مَذانیم گه کُر خدا هاتیَ ئو فیَم داسی‌ئونمو تا او گه حخیختَ، بشتاسیم ئو ایمَه هایم اِنوم او گه حخیختَ، یانی کُری عیسی مسیح. اوءَ خداءِ حخیخت ئو ژییاین ابدی.